Ahmad Wasi

apni hi zaat ke sahra men aaj
log chup-chap jala karte hain

tumhen tumhare alava bhi kuchh nazar aa.e
gar apne a.ina-khanon se tum nikal aa aao

log hairat se mujhe dekh rahe hain aise
mere chehre pe koi naam likha ho jaise

muddat ke baa'd aa.ina kal samne paDa
dekhi jo apni shakl to chehra utar gaya

men saans saans huun ghayal ye kaun manega
badan pe choT ka koi nishan bhi to nahin

jhuuT bolon to gunahgar banon
saaf kah duun to saza-var banon

muddat ke baa'd aaina kal saamne paDaa
dekhi jo apni shakl to chehra utar gayaa

vo kare baat to har lafz se khushbu aae
aisi boli vahi bole jise urdu aae

thak ke yuun pichhle pahar sau gayaa meraa ehsaas
raat bhar shahr mein aavaara phiraa ho jaise

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

log hairat se mujhe dekh rahe hain aise
mere chehre pe koi naam likhaa ho jaise

muddat guzar gai hai ki dil ko sukun nahin
muddat guzar gai hai kisi kaa bhalaa kiye