Dr. Jafar Askari

chhani hai khaak ham ne bahut ku-e-yar ki
'ja’far' is 'ashiqi se kisi ko amaan nahin

mulla tiri akaD se ye hone laga guman
jaise khuda zamin pe numudar ho gaya

tasadum dekh kar afkar-e-nau ka jahl-e-dauran se
sukhan raushan-khayali ka sunana sakht mushkil hai

ye shab-e-gham ye meri tanha.i
is rifaqat ka kaun saani hai

barsat muflison ki sada se raqib hai
kachche makan girne ka mausam 'ajib hai

ik maan ke dam se ziist men raunaq thi barqarar
ab vo nahin to raunaq-e-bazm-e-jahan nahin

mullaa tiri akaD se ye hone lagaa gumaan
jaise khudaa zamin pe numudaar ho gayaa

niind aati hi nahin thi aagahi ke dard se
maut ne aaghosh mein le kar sulaayaa hai mujhe

chhin leti hai aadmi kaa vaqaar
muflisi bhi 'azaab hai yaaro

miT jaaegi vatan se jahaalat ki tirgi
vo dekh inqalaab kaa suraj qarib hai

ik maan ke dam se ziist mein raunaq thi barqaraar
ab vo nahin to raunaq-e-bazm-e-jahaan nahin

mazhab se us ke dil mein na paidaa huaa gudaaz
ye aadmi to aur bhi saffaak ho gayaa