Kabir Ajmal

kuchh ta'alluq bhi nahin rasm-e-jahan se aage
us se rishta bhi raha vahm o guman se aage

zamir o zehn men ik sard jang jaari hai
kise shikast duun aur kis pe fat.h pa.un main

kis se main un ka Thikana puchhta
samne khali makan tha aur main

yuun khush na ho ai shahr-e-nigaran ke dar o baam
ye vadi-e-saffak bhi rahne ki nahin hai

baja.e gul mujhe tohfa diya babulon ka
main munharif to nahin tha tire usulon ka

ufuq ke akhiri manzar men jagmaga.un main
hisar-e-zat se niklun to khud ko pa.un main

zamir o zehn mein ik sard jang jaari hai
kise shikast duun aur kis pe fath paaun main

vo mere khvaab churaa kar bhi khush nahin 'ajmal'
vo ek khvaab lahu mein jo phail jaanaa thaa

kyuun baam pe aavaazon kaa dhammaal hai 'ajmal'
is ghar pe to aaseb kaa saaya bhi nahin hai

kahte hain ki uThne ko hai ab rasm-e-mohabbat
aur is ke sivaa koi tamaashaa bhi nahin hai

ye gham miraa hai to phir ghair se ilaaqa kyaa
mujhe hi apni tamannaa kaa baar Dhone de

kis se main un kaa Thikaanaa puchhtaa
saamne khaali makaan thaa aur main