یہ کیا طلسم ہے دنیا پہ بار گزری ہے وہ زندگی جو سر رہ گزار گزری ہے گلوں کی گم شدگی سے سراغ ملتا ہے کہیں چمن سے نسیم بہار گزری ہے کہیں سحر کا اجالا ہوا ہے ہم نفسو کہ موج برق سر شاخسار گزری ہے رہا ہے یہ سر شوریدہ مثل شعلہ بلند اگرچہ مجھ پہ قیامت ہزار گزری ہے یہ حادثہ بھی ہوا ہے کہ عشق یار کی یاد دیار قلب سے بیگانہ وار گزری ہے انہیں کو عرض وفا کا تھا اشتیاق بہت انہیں کو عرض وفا نا گوار گزری ہے حریم شوق مہکتا ہے آج تک عابدؔ یہاں سے نکہت گیسوئے یار گزری ہے

غزل · Ghazal

chain paDtaa hai dil ko aaj na kal

چین پڑتا ہے دل کو آج نہ کل وہی الجھن گھڑی گھڑی پل پل میرا جینا ہے سیج کانٹوں کی ان کے مرنے کا نام تاج محل کیا سہانی گھٹا ہے ساون کی سانوری نار مدھ بھری چنچل نہ ہوا رفع میرے دل کا غبار کیسے کیسے برس گئے بادل پیار کی راگنی انوکھی ہے اس میں لگتی ہیں سب سریں کومل بن پئے انکھڑیاں نشیلی ہیں نین کالے ہیں تیرے بن کاجل مجھے دھوکا ہوا کہ جادو ہے پاؤں بجتے ہیں تیرے بن چھاگل لاکھ آندھی چلے خیاباں میں مسکراتے ہیں طاقچوں میں کنول لاکھ بجلی گرے گلستاں میں لہلہاتی ہے شاخ میں کونپل کھل رہا ہے گلاب ڈالی پر جل رہی ہے بہار کی مشعل کوہ کن سے مفر نہیں کوئی بے ستوں ہو کہیں کہ بندھیاچل ایک دن پتھروں کے بوجھ تلے خود بخود گر پڑیں گے راج محل دم رخصت وہ چپ رہے عابدؔ آنکھ میں پھیلتا گیا کاجل

غزل · Ghazal

aam ho faiz-e-bahaaraan to mazaa aa jaae

عام ہو فیض بہاراں تو مزا آ جائے چاک ہوں سب کے گریباں تو مزا آ جائے واعظو میں بھی تمہاری ہی طرح مسجد میں بیچ دوں دولت ایماں تو مزا آ جائے کیسی کیسی ہے شب تار یہاں چیں بہ جبیں صبح اک روز ہو خنداں تو مزا آ جائے ساقیا ہے تری محفل میں خداؤں کا ہجوم محفل افروز ہو انساں تو مزا آ جائے

Similar Poets