T N Raaz

maqtaa hai tu hi 'raaz' ki is taaza ghazal kaa
is baar jo aae to na jaane ke liye aa

meri masarraton kaa sabab bas yahi to hai
main rishvaton ke biich mein haail nahin rahaa

paise kaa mol-tol hai ab ishq kaa nahin
mahbub bhi bharose ke qaabil nahin rahaa

jab se baDhaa hai shahr mein mauton kaa silsila
hamraah apne rakhtaa huun ik nauhagar ko main

dil lagi ki baat Dhalti umr mein
'raaz' ki surat to dekhaa chaahiye

jo zakhm judaai ke diye un pe miri jaan
sastaa saa hi marham tu lagaane ke liye aa

jab se akaD ke 'raaz' main paDhne lagaa huun sher
main bhi paDhe likhon mein huun jaahil nahin rahaa

raas aataa hi nahin ham ko sakun
shaanti ko bhang karnaa chaahiye