Umair Manzar

har baar hi main jaan se jaane mein rah gayaa
main rasm-e-zindagi jo nibhaane mein rah gayaa

sunaa ye thaa bahut aasuda hain saahil ke baashinde
magar TuuTi hui kashti mein dariyaa paar honaa thaa

ye to sach hai ki vo sitamgar hai
dar par aayaa hai to amaan mein rakh

is mahfil mein main bhi kyaa bebaak huaa
aib o hunar kaa saaraa parda chaak huaa

banaa ke vahm o gumaan ki duniyaa haqiqaton ke saraab dekhun
main apne hi aaine mein khud ko jahaan bhi dekhun kharaab dekhun

tazkira ho tiraa zamaane mein
aisaa pahlu koi bayaan mein rakh

ye mere saathi hain pyaare saathi magar inhein bhi nahin gavaaraa
main apni vahshat ke maqbare se nai tamannaa ke khvaab dekhun

baDhte chale gae jo vo manzil ko paa gae
main pattharon se paanv bachaane mein rah gayaa

saathi mire kahaan se kahaan tak pahunch gae
main zindagi ke naaz uThaane mein rah gayaa

yahaan ham ne kisi se dil lagaayaa hi nahin 'manzar'
ki is duniyaa se aakhir ek din be-zaar honaa thaa

marhale aur aane vaale hain
tiir apnaa abhi kamaan mein rakh