sunaa ye thaa bahut aasuda hain saahil ke baashinde — Umair Manzar

har baar hi main jaan se jaane mein rah gayaa
main rasm-e-zindagi jo nibhaane mein rah gayaa

ye to sach hai ki vo sitamgar hai
dar par aayaa hai to amaan mein rakh

banaa ke vahm o gumaan ki duniyaa haqiqaton ke saraab dekhun
main apne hi aaine mein khud ko jahaan bhi dekhun kharaab dekhun

ye mere saathi hain pyaare saathi magar inhein bhi nahin gavaaraa
main apni vahshat ke maqbare se nai tamannaa ke khvaab dekhun

tazkira ho tiraa zamaane mein
aisaa pahlu koi bayaan mein rakh

is mahfil mein main bhi kyaa bebaak huaa
aib o hunar kaa saaraa parda chaak huaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

paani thaa magar apne hi dariyaa se judaa thaa
chaDhte hue dekhaa na utarte hue dekhaa

ye apnaa apnaa muqaddar hai is ko kyaa kahiye
tujhe saraab to dariyaa banaa diyaa hai mujhe

bachchon ko sulaa dein to ham-saaya nahin sotaa
fitrat ke maqaasid ki kartaa hai nigahbaani

un se bhi puchhiye kabhi apni zamin kaa karb
jo saahilon ko chhoD ke dariyaa mein aa gae

vaise to imaan hai meraa un baanhon ki gunjaaish par
dekhnaa ye hai us kashti mein kitnaa dariyaa aa jaataa hai