شب کے غم دن کے عذابوں سے الگ رکھتا ہوں ساری تعبیروں کو خوابوں سے الگ رکھتا ہوں جو پڑھا ہے اسے جینا ہی نہیں ہے ممکن زندگی کو میں کتابوں سے الگ رکھتا ہوں اس کی تقدیس پہ دھبہ نہیں لگنے دیتا دامن دل کو حسابوں سے الگ رکھتا ہوں یہ عمل ریت کو پانی نہیں بننے دیتا پیاس کو اپنی سرابوں سے الگ رکھتا ہوں اس کے در پر نہیں لکھتا میں حساب دنیا دل کی مسجد کو خرابوں سے الگ رکھتا ہوں

غزل · Ghazal

amir-e-shahr is ik baat se khafaa hai bahut

امیر شہر اس اک بات سے خفا ہے بہت کہ شہر بھر میں سگ‌ درد چیختا ہے بہت ہر ایک زخم سے زخموں کی کونپلیں پھوٹیں جو باغ تم نے لگایا تھا اب ہرا ہے بہت ذرا سی نرم روی سے پہنچ گئے دل تک تناؤ تھا تو سمجھتے تھے فاصلہ ہے بہت جو دم گھٹے تو شکایت نہ کیجیئے صاحب کہ سانس لینے کو زہروں بھری ہوا ہے بہت چراغ لاکھوں ہوں روشن نظر نہیں آتے یہاں تو چہرہ پرستوں کو اک دیا ہے بہت یہ طے ہے مجھ سے کبھی ترک حق نہیں ہوگا کہ میری خاک میں یہ کیمیا ملا ہے بہت مماثلت کے حوالوں میں مت تلاش کرو عمومیت سے ہماری غزل جدا ہے بہت

غزل · Ghazal

aks zakhmon kaa jabin par nahin aane detaa

عکس زخموں کا جبیں پر نہیں آنے دیتا میں خراش اپنے یقیں پر نہیں آنے دیتا اس لیے میں نے خطا کی تھی کہ دنیا دیکھوں ورنہ وہ مجھ کو زمیں پر نہیں آنے دیتا عمر بھر سینچتے رہنے کی سزا پائی ہے پیڑ اب چھاؤں ہمیں پر نہیں آنے دیتا جھوٹ بھی سچ کی طرح بولنا آتا ہے اسے کوئی لکنت بھی کہیں پر نہیں آنے دیتا اپنے اس عہد کا انصاف ہے طاقت کا غلام آنچ بھی کرسی نشیں پر نہیں آنے دیتا چاہتا ہوں کہ اسے پوجنا چھوڑوں لیکن کفر جو خوں میں ہے دیں پر نہیں آنے دیتا

Similar Poets