dilon ke biich na divaar hai na sarhad hai — Zafar Sahbai

ye amal ret ko paani nahin banne detaa
pyaas ko apni saraabon se alag rakhtaa huun

jo paDhaa hai use jiinaa hi nahin hai mumkin
zindagi ko main kitaabon se alag rakhtaa huun

jhuuT bhi sach ki tarah bolnaa aataa hai use
koi luknat bhi kahin par nahin aane detaa

khudaa-e-amn jo kahtaa hai khud ko
zamin par khud hi maqtal likh rahaa hai

jab adhure chaand ki parchhaain paani par paDi
raushni ik naa-mukammal si kahaani par paDi

shikaayaton ki adaa bhi baDi niraali hai
vo jab bhi miltaa hai jhuk kar salaam kartaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

hamaare daur mein dil bhi hai chhoTaa
baDaa hai kuchh to bas ibrat baDi hai

kyaa kyaa dil-e-muztar ke armaan machalte hain
tasvir-e-qayaamat hai zaalim tiri angDaai

aansu jo bahein surkh to ho jaati hain aankhein
dil aisaa sulagtaa hai dhuaan tak nahin aataa

TuuTe hue khvaabon ne ham ko ye sikhaayaa hai
dil ne jise paayaa thaa aankhon ne ganvaayaa hai