Zaheer Rahmati

zard chehre ko baDe shauq se sab dekhte hain
TuTne vaale hain sarsabz shajar se ham bhi

jis ki kuchh taabir na ho
khvaab usi ko kahte hain

sadiyon mein koi ek mohabbat hoti hai
baaqi to sab khel tamaashaa hotaa hai

aur ehsaas-e-jihaalat baDh gayaa
kis qadar paDh likh ke jaahil ho gae

zamaane bhar ko hai ummid usi se
vo naa-ummid aisaa kar rahaa hai

khushi se apnaa ghar aabaad kar ke
bahut roeinge tum ko yaad kar ke

yuun hi ham dard apnaa kho rahe hain
yahi ronaa hai ham kyuun ro rahe hain

sathi logon mein gahraai hoti hai
ye Duube to paani gahraa hotaa hai

kisi din uqda-e-mushkil bhi khultaa
kabhi ham par bhi tum aasaan hote

kuchh na hote hote ik din ye huaa
saikDon sadiyon kaa haasil ho gae