aa rahaa hai mire gumaan mein kyaa — Khalida Uzma

"jo kaarvaan mein hai shaamil na rahguzaar mein hai vo shakhs meri tamannaaon ke dayaar mein hai sahar-shanaas andhere ki shab-gazida sahar na vo nigaah mein apni na ye shumaar mein hai ye kyaa khalish hai ki lau de rahi hai jazbon ko na jaane kaun saa sho'la mere sharaar mein hai basi hai sukhe gulaabon ki baat saanson mein koi khayaal kisi yaad ke hisaar mein hai rachi hui hai fazaaon mein kis ke khuun ki bu ye kaisaa jashn-e-bahaaraan mire dayaar mein hai na jaane kaun se jhonke se jal-bujhun 'uzma' miraa vajud havaaon ke kaar-zaar mein hai"

"savaad-e-gham ho yaa bazm-e-tarab kuchh bhi nahin hotaa zabaan marham rakkhe yaa zakhm ab kuchh bhi nahin hotaa chale aate hain be-mausam ki baarish ki tarah aansu basaa-auqaat rone kaa sabab kuchh bhi nahin hotaa jo hotaa hai to bas itnaa ki lafzon kaa bharam TuuTe sukhan aataa hai aksar taa-ba-lab kuchh bhi nahin hotaa kabhi the mehrbaan mausam kabhi saavan barastaa thaa aur ab dharti hai saari tishna-lab kuchh bhi nahin hotaa tamannaa jhaankti hai rauzan-e-zindaan se chhup chhup kar asiri mein magar anjaam-e-shab kuchh bhi nahin hotaa qayaamat si guzarti hai qayaamat aa nahin jaati koi be-jaan ho yaa jaan-ba-lab kuchh bhi nahin hotaa jibillat sar uThaa le to khas-o-khaashaak hai insaan baDaa ho naam yaa unchaa nasab kuchh bhi nahin hotaa yahaan hotaa hai baad-az-marg vaavailaa bahut lekin koi mar mar ke jab jiitaa ho tab kuchh bhi nahin hotaa ye duniyaa hai yahaan taarikh hi dohraai jaati hai anokhaa kuchh nahin hotaa 'ajab kuchh bhi nahin hotaa"

"sar chhupaane ke liye chhat nahin di jaa sakti har kisi ko ye sahulat nahin di jaa sakti saans lene ke liye sab ko mayassar hai havaa is se baDh kar to riaayat nahin di jaa sakti tum ko raas aae na aae miri basti ki fazaa yaan kisi jaan ki zamaanat nahin di jaa sakti ek muddat ke shab o roz lahu hote hain tasht mein rakh ke qayaadat nahin di jaa sakti ziist aur maut kaa aakhir ye fasaana kyaa hai umr kyuun hasb-e-zarurat nahin di jaa sakti in darichon se koi mauja-e-khush-kun aae raahat-e-jaan ye ijaazat nahin di jaa sakti soz-e-dil tohfa-e-qudrat hai vagarna 'uzma' barf ko narm haraarat nahin di jaa sakti"

"chaman kaa haal sunaao ki raat kaT jaae tamaam raat rulaao ki raat kaT jaae junun o 'aql shanaasaa darida-dil logo kuchh apni apni sunaao ki raat kaT jaae taras gai hain nigaahein kiran kiran ke liye koi sahar ko bataao ki raat kaT jaae bichhaDne vaalon ki vo bolti hui aankhein mujhe na yaad dilaao ki raat kaT jaae andheraa raat kaa jaane ho khatm kab 'uzma' sahar kaa khvaab dikhaao ki raat kaT jaae"

"hamaare saath ajab hi muaamla huaa hai havaa Thahar si gai hai diyaa jalaa huaa hai usi maqaam pe ik qaafila rukaa huaa hai jahaan tumhaaraa miraa raasta judaa huaa hai na jaane baad-e-sabaa kah gai hai kaan mein kyaa ki phuul shaakh-e-burida pe bhi khilaa huaa hai mile ik umr ke baad aur is tarah se mile vo chup hai aur hamaaraa bhi sar jhukaa huaa hai dayaar-e-mahr ki sarhad talaash karne ko mah o nujum kaa ik qaafila chalaa huaa hai haqiqatein to aTal hain badal nahin saktin magar kisi ki tasalli se hausla huaa hai bajaae do ke baje ek haath se taali muaamalaat mein aisaa kabhi bhalaa huaa hai miri umiid kaa hai teri aarzu kaa hai diyaa hai aur baDi der se jalaa huaa hai umiid khil si gai hai mahak uThaa hai khayaal sabaa ki narm si dastak pe dil ko kyaa huaa hai mahak rahaa hai mire khaar khaar jivan mein vo lamha jo abhi mujh mein gulaab saa huaa hai"

"vo jis kaa saath nibhaane kaa hausla na huaa bichhaD gayaa to bhulaane kaa hausla na huaa idhar udhar ke sunaae hazaar afsaane dilon ki baat sunaane kaa hausla na huaa ye aur baat ki baa-hausla huun main phir bhi nae charaag jalaane kaa hausla na huaa khalij kitne zamaanon ki kar gayaa paidaa vo ik qadam ki uThaane kaa hausla na huaa kitaab-e-zehn kaa koi varaq bhi saada nahin likhe huruf miTaane kaa hausla na huaa guzar gai thi shab-e-hijr hijr mein 'uzma' charaag phir bhi bujhaane kaa hausla na huaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"