ab manzil-e-sadaa se safar kar rahe hain ham — Ahmad Mushtaq

"malaal-e-dil se ilaaj-e-gham-e-zamaana kiyaa ziyaa-e-mehr se raushan charaagh-e-khaana kiyaa sahar hui to vo aae laTon ko chhaTkaate zaraa khayaal-e-pareshaani-e-sabaa na kiyaa hazaar shukr ki ham maslahat-shanaas na the ki ham ne jis se kiyaa ishq vaalehaana kiyaa vo jis ke lutf mein begaanagi bhi shaamil thi usi ne aaj guzar dil se mahramaana kiyaa vo bazm-e-harf ho yaa mahfil-e-samaa-e-khayaal jahaan bhi vajd kiyaa ham ne be-taraana kiyaa"

"tire divaane har rang rahe tire dhyaan ki jot jagaae hue kabhi nithre suthre kapDon mein kabhi ang bhabhut ramaae hue us raah se chhup chhup kar guzri rut sabz sunahre phulon ki jis raah pe tum kabhi nikle the ghabraae hue sharmaae hue ab tak hai vahi aalam dil kaa vahi rang-e-shafaq vahi tez havaa vahi saaraa manzar jaadu kaa mere nain se nain milaae hue chehre pe chamak aankhon mein hayaa lab garm khunuk chhab narm navaa jinhein itne sukun mein dekhaa thaa vahi aaj mile ghabraae hue ham ne 'mushtaaq' yuun hi kholaa yaadon ki kitaab-e-muqaddas ko kuchh kaaghaz nikle khasta se kuchh phuul mile murjhaae hue"

"monis-e-dil koi naghma koi tahrir nahin harf mein ras nahin aavaaz mein taasir nahin aa hi jaataa hai ujaDti hui duniyaa kaa khayaal baavar aayaa ki tiraa dard hama-gir nahin hijr ik vaqfa-e-bedaar hai do nindon mein vasl ik khvaab hai jis ki koi taabir nahin mere atraaf ye zanjir-r-alaaeq kaisi zindagi jurm sahi qaabil-e-taazir nahin kis tarah paaein is afsurda-mizaaji se najaat hamdamo ham-sukhano kyaa koi tadbir nahin"

"dast-e-sumum dast-e-sabaa kyuun nahin huaa dar mausam-e-bahaar kaa vaa kyuun nahin huaa zaalim the varaa-e-hisaab-o-kitaab kyaa un par nuzul-e-qahr-e-khudaa kyuun nahin huaa un ke saron pe kyuun nahin TuTin qayaamatein an ke gharon mein hashr bapaa kyuun nahin huaa gunji na kyuun falak se koi aayat-e-ghazab ye gumbad-e-sukut sadaa kyuun nahin huaa dil mein hain kis umiid ke panje gaDe hue ye maas naakhunon se judaa kyuun nahin huaa"

"phir vahi raat phir vahi aavaaz mere dil ki thaki hui aavaaz kahin baagh-e-nakhust se aai kisi koyal ki dukh-bhari aavaaz abhi chhaayaa nahin hai sannaaTaa aa rahi hai koi koi aavaaz phaDphaDaahaT kisi parinde ki kisi konpal ki phuTti aavaaz abhi mahfuz hai tiraa chehra abhi bhuli nahin tiri aavaaz mere bistar pe aa ke leT gai raushni ki lakir si aavaaz munh andhere jagaa ke chhoD gai ek subh-e-jamaal ki aavaaz din se fursat kabhi mile to suno shaam kaa saaz raat ki aavaaz gunjtaa hai abhi taraana-e-shauq vahi aahang hai vahi aavaaz TeDhe-meDhe muDe-tuDe mukhDe TuTi-phuTi kaTi-phaTi aavaaz baDe dukh jhiil kar kamaai hai jo bhi hai ye buri-bhali aavaaz"

"dukh ki chikhein pyaar ki sargoshiyaan rah jaaeingi ham chale jaaeinge aavaazein yahaan rah jaaeingi aainon jaise badan dariyaa bahaa le jaaegaa ret mein pairaahanon ki dhajjiyaan rah jaaeingi subh se pahle guzar jaaegaa ye tufaan bhi aasmaan par ikkaa-dukkaa badliyaan rah jaaeingi ho bhi jaae dil agar khaali khayaal-o-khvaab se phir bhi ik kone mein kuchh be-khvaabiyaan rah jaaeingi"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"