aisi vusat ki chamakte hain sitaare dil mein — Aal

"ek dafa vo mujhe dil mein to aane detaa main use shaam nahin detaa zamaane detaa aap ke gham pe bahut kaam kiyaa hai main ne ab main rotaa huun to aansu nahin aane detaa vo mujhe ek se pahle nahin sone deti main use khvaab se jaldi nahin jaane detaa rab ke aage to tar-o-taaza gayaa hotaa main vaqt kuchh der mujhe Tek lagaane detaa sher kaa rizq in aankhon mein hai lekin mire dost dil mujhe honT se uupar nahin jaane detaa har hasin laDki ko taslim kiyaa kartaa huun koi misraa nahin main girne giraane detaa"

"karungaa ishq viraasat kaa kuchh bataaungaa naiin main ik gharib ki beTi ko aazmaaungaa naiin unhein kaho ki bahut Dher shor-o-shar na karein main Dar gayaa to kai roz muskuraaungaa naiin tasalli dungaa to mar jaaegi vo laDki hai main jaane dungaa gale se use lagaaungaa naiin use khabar bhi nahin hogi itnaa chaahungaa use pata bhi nahin hogaa main bataaungaa naiin ye raasta baDi mushkil se tai kiyaa main ne ye faasla hai dilon kaa ise miTaaungaa naiin tiraa mutaalba hai teri yaad ke aansu main ab ke royaa to aankhon ko bhi bachaaungaa naiin aur ab ki saalgirah par plan kyaa hai tiraa aur ab ki baar to main saamne bhi aaungaa naiin main tujh se aankh milaa kar ghazal sunaaungaa main khud ko Dubtaa dekhungaa aur bachaaungaa naiin"

"ik to use har baat mein had chaahiye meri phir us pe mohabbat bhi ashad chaahiye meri pahle use darkaar thi shaam aur ye shaana ab mujh ko bhulaane mein madad chaahiye meri bu aane lagi tujh se bhi duniyaa ki mire yaar kuchh roz mujhe sohbat-e-bad chaahiye meri kahti hai farishton ki tarah Tokun na rokun aur aadmi vaali bhi sanad chaahiye meri kyaa din mein zaruri hai ki auron mein raho tum kyaa raat mein bas niyyat-e-bad chaahiye meri"

"dusraa ishq miri jaan nahin kar saktaa ye tiraa haafiz-e-quraan nahin kar saktaa aisi haalat mein tire khvaab se lauTaa hai ye jism main abhi vasl kaa saamaan nahin kar saktaa dastaras mein hai miri kaif bhi kaifiyat bhi zakhm bhar kar mujhe hairaan nahin kar saktaa un pe ghaalib hai kai chehron ke ishraak kaa diin tu in aankhon ko musalmaan nahin kar saktaa pahli qiston mein tiri maut nahin ho sakti apne theTar ko mein viraan nahin kar saktaa ye miraa aakhiri patthar hai tiri yaad mein dost ab main paani ko pareshaan nahin kar saktaa"

"vafaa ke daavon pe hans rahaa thaa mujhe nayaa hijr ho gayaa thaa bahut hi bad-shakl nikli duniyaa main pahle parde pe dekhtaa thaa use bataataa thaa meri baatein khudaa miri kaal sun rahaa thaa samajh mein kyaa aataa meraa lahja kisi ki baaton mein aa gayaa thaa utaar pheinki thi shaam sar se abhi to paaraa nahin chaDhaa thaa tum aaj tak ro rahe ho jo gham vo do dinon se ziyaada kaa thaa gharib beva kaa haath thaamaa madine jaane kaa raasta thaa aur us ki haryaanvi zabaan thi aur us ke haathon mein ik ghaDaa thaa ye jumla jo pahle kah diyaa hai ye vasl ke ain baad kaa thaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"