andaaz-e-numu kaisaa alamnaak nikaalaa — Afeef Siraj

"vo jo husn-e-kul ki dalil thaa vo khayaal aa ke sajaa gayaa laDin yuun nigaah se bijliyaan koi jaise parde uThaa gayaa main hikaayat-e-dil-e-be-navaa mein ishaarat-e-gham-e-jaavidaan main vo harf-e-aakhir-e-motabar jo likhaa gayaa na paDhaa gayaa main charaagh-e-hasrat-e-nim-shab mein sharaar-e-aatish-e-jaan-ba-lab dil-e-pur-umid ki lau thaa main mujhe khud vo aa ke bujhaa gayaa main ghubaar-e-raah-e-talab rahaa huaa dar-ba-dar jo chali havaa main ujaD ke jab huaa mutmain to vo mujh ko dil mein basaa gayaa pas-e-parda dil kaa rafiq thaa sar-e-parda meraa raqib thaa main miyaan-e-radd-o-qubul thaa ki vo aa ke parda haTaa gayaa mujhe fikr thi miri zaat par koi rang bhi na chaDhe magar vo kamaal-e-ghairat-e-aaina miraa aks mujh ko dikhaa gayaa miraa dil amiin thaa nigaah kaa thi nigaah mahram-e-tajraba vo fusun-e-jalvaa ki aabru mire tajrabon ko miTaa gayaa"

"mujh ko ik arsa-e-dil-gir mein rakkhaa gayaa thaa zahr goyaa kisi iksir mein rakkhaa gayaa thaa haashiya matn samajh le jo paDhe qissa-e-gham intizaam aisaa bhi tahrir mein rakkhaa gayaa thaa khvaab-aalud nigaahon se ye kahtaa guzraa main haqiqat thaa jo taa'bir mein rakkhaa gayaa thaa 'umr-bhar is liye barsein miri aankhein ai dost ek sahraa miri jaagir mein rakkhaa gayaa thaa meri aankhon mein har ik rang thaa tanhaai kaa ik khalaa bhi miri tasvir mein rakkhaa gayaa thaa"

"tire shahr-e-amn kaa kyaa kahein ki har ik makaan judaa saa hai hain daron pe qufl lage hue sar-e-taaq diip bujhaa saa hai tiraa dasht bhi to hai be-karaan miri vahshaton ki bhi had nahin mire jurm-e-khaana-kharaab ko to ye rahguzar bhi dilaasaa hai tiri yaad aai to kis tarah main pukaartaa hi chalaa gayaa koi dam rukaa to khabar hui ki ye koh koh-e-nidaa saa hai miri ghairat-e-hama-gir ne mujhe tere dar se uThaa diyaa kuchh anaa kaa zor jo kam huaa to khabar hui tu khudaa saa hai abhi laa ki manzil-e-sakht mein huun fareb-o-vahm-o-gumaan liye mire dil mein phir bhi basaa huaa tiraa naam radd-e-balaa saa hai ye masaafatein shab-e-taar ki ye na khatm hone ke silsile abhi faasla rag-e-jaan se hai to hanuz garche zaraa saa hai tire khatt-e-husn-e-jamaal ko mire harf-e-aaina-saaz ne kai rang de diye pur-kashish magar ab bhi ek khalaa saa hai"

"mere junun-e-shauq ko itni si kaaenaat bas kaar-e-daraaz ke liye chhoTi si ye hayaat bas kaisi hain aazmaaishein kaisaa ye imtihaan hai mere junun ke vaaste hijr ki ek raat bas vo hai jamaal-e-be-karaan qaidi-e-rang hai nazar dida-e-shauq dekh le aaina-e-sifaat bas saare jahaan ki tohmatein lag chukin ham pe shahr mein diije na ab safaaiyaan kiije na ham se baat bas hur-o-qusur-o-mai sabhi ahl-e-safaa ke vaaste mujrim-e-ishq ke liye vaada-e-yak-najaat bas"

"shauq-e-vaarafta chalaa shahr-e-tamaashaa ki taraf baDh gae ham bhi hisaar-e-husn-e-lailaa ki taraf ham se maujein kah rahi thiin aa miri aaghosh mein ham kahaan yuun jaa rahe the mauj-e-dariyaa ki taraf is qadar Duube gunaah-e-ishq mein tere habib sochte hain jaaeinge kis munh se tauba ki taraf kyaa zaruri hai ki hirs-e-jalva-e-sad-rang mein har nazar bhaTke kisi bhi husn-aaraa ki taraf aayat-e-husn-o-mohabbat se hai bas do hi muraad ek hai meri taraf ik maah-paara ki taraf shahr-e-dil viraana kardam paa-ba-jaulaan mi-kuni ji khinchaa jaataa hai apnaa ab to sahraa ki taraf saari duniyaa dushman-e-jaan ban gai hai ai 'siraaj' koi patthar bhi na aayaa tere shaidaa ki taraf"

"hamaari tishna-labi ab subu se khelegi fughaan-e-dil rag-e-jaan-o-gulu se khelegi sambhal ke rahnaa ki is baar saiqal-e-abru koi baiid nahin aabru se khelegi karegaa sail har ik lahr ko buland apni har ek mauj faqat aabju se khelegi jasaarat-e-rah-e-pur-khaar dekhiye to sahi ye kah rahi hai miri justuju se khelegi bahut shagufta-o-rangin guftugu hai 'siraaj' chaman mein baat tiri rang-o-bu se khelegi"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"