apne ashkon ki ye barsaat kise pesh karun — Nazar Barni

"hai ab to hasinaaon kaa halqa mire aage salmaa mire pichhe hai zulekhaa mere aage biivi ke liye kyaa koi qaanun nahin hai hotaa hai shab-o-roz tamaasha mire aage har bhaant ki 'aurat hai mire khvaab ki taa'bir Tun-Tun mire pichhe hai to rekhaa mire aage ab bach ke kahaan jaaiye har samt hai divaar biivi mire pichhe hai to bachcha mire aage be-parda vo college mein to phirti hain baraabar oDhaa mire mahbub ne burqa mire aage dhanvaan hai sasuraal yahi meri sazaa hai har vaqt hi biivi kaa hai DanDaa mire aage kyon mujh ko ministry se haTaane pe tule ho rahne do abhi saaghar-o-minaa mire aage khaa khaa ke davaaein main javaan rahtaa huun har-dam lagtaa hai miraa laDkaa bhi abbaa mire aage das bachchon ke abbaa hain magar hai yahi khvaahish har vaqt hi baiThi rahe lailaa mire aage main ab ke election mein ganvaa baiThaa zamaanat Duubaa miri qismat kaa sitaara mire aage ab vo bhi to kahne lage mujh ko 'nazar' uncle niklaa hai muraadon kaa janaaza mire aage"

"vahi begam ki khun-khvaari jo pahle thi so ab bhi hai vahi derina bimaari jo pahle thi so ab bhi hai vahi Tar-Tar vahi khafgi vahi ghamze vahi 'ishve vahi taa'non ki bimaari jo pahle thi so ab bhi hai buDhaape mein bhi un ko shauq hain 'ahd-e-javaani ke lipstick ki kharidaari jo pahle thi so ab bhi hai vahi hai ruThnaa un kaa vahi maike ki hi dhamki vahi zillat vahi khvaari jo pahle thi so ab bhi hai kabhi hai saas kaa ronaa kabhi nandon se hai jhagDaa zabaan hai us ki do-dhaari jo pahle thi so ab bhi hai faqat apne hi maike ki kiyaa karti hain taa'rifein miri ammaan se bezaari jo pahle thi so ab bhi hai adab kaa doctor ban kar milaa kyaa ham gharibon ko gharibi aur bekaari jo pahle thi so ab bhi hai hui shaadi hue bachche 'nazar' kaa haal hai patlaa vahi ab bhi hai laachaari jo pahle thi so ab bhi hai"

"buDhaape mein bhi in mein 'ishq kaa imkaan baaqi hai retire ho gae phir bhi badan mein jaan baaqi hai na kursi hai na 'ohda hai na ab pahchaan baaqi hai safaayaa ho gayaa mazmun kaa 'unvaan baaqi hai kinaare par khaDaa mahbub chillaataa rahaa phir bhi bhanvar mein apni kashti hai abhi tufaan baaqi hai siyaasat mein siyaasat-daan nahin kursi zaruri hai nahin milte use gaahak magar dukaan baaqi hai zabaan khulvaa nahin saktaa kisi qimat pe vo ham se agar munh mein banaaras kaa zaraa saa paan baaqi hai vo hain maqruz sar-taa-paa magar daa'vat khilaate hain zamin-daari ki un mein aaj tak kuchh aan baaqi hai 'nazar' taa'lim ke peshe mein ham kangaal rahte the siyaasat kaa hamaare vaaste maidaan baaqi hai"

"kisi ko de ke vote apnaa navaa-sanj-e-fughaan kyon ho jo sar khaali ho bheje se to phir munh mein zabaan kyon ho hamaare leaderon kaa kaamyaabi kaa ye nukta hai jo karnaa hai rakho dil mein vo public mein bayaan kyon ho kahaa sayyaad ne par noch kar sehn-e-gulistaan mein ghuTan ho laakh siine mein magar aah-o-fughaan kyon ho buDhaape mein bhi kar Daali hai tu ne tisri shaadi zaraa insaaf se kah de vo tujh par mehrbaan kyon ho qafas mein mujh se rudaad-e-chaman kahte na Dar hamdam chalaa hai jis pe bulldozer vo meraa hi makaan kyon ho qutub se kuud jaaungaa agar marnaa hi Thahraa hai to phir ai sang-dil teraa hi sang-e-aastaan kyon ho vo kahtaa hai ki america ko latin ne basaayaa thaa ho jab ustaad hi jaahil to meraa imtihaan kyon ho 'nazar' ne un ko jab dekhaa to daddy saath the un ke hamaare darmiyaan har vaqt vo pir-e-mughaan kyon ho"

"aap agar koshish farmaate milte-julte aate jaate khaamoshi se note dikhaate milte-julte aate jaate gar khvaahish hai promotion ki chori-chori boss se milte daftar kaa dastur nibhaate milte-julte aate jaate raah-o-rasm se boss pighaltaa lunch-o-dinner se aap kaa hotaa khud jaate yaa use bulaate milte-julte aate jaate saamne us ke ban ke rahte bhigi-billi aur chughad bhi lekin pichhe ro'b dikhaate milte-julte aate jaate aap mein gar himmat ki kami thi phir to sahaaraa ghair kaa lete us ke chamchon ko hi paTaate milte-julte aate jaate khaali mehnat aur diyaanat afsar ko kyaa lenaa denaa ek minister dost banaate milte-julte aate jaate pahle apne hathkandon se logon ko girvida karte leader ki phir dhauns jamaate milte-julte aate jaate afsar ko afsar hi samjho apnaa 'nazar' vishvaas yahi hai shaan mein us ki she'r sunaate milte-julte aate jaate"

"husn ko be-naqaab hone do ishq ko kaamyaab hone do ziist gharq-e-sharaab hone do har haqiqat ko khvaab hone do tur-o-musaa se maavaraa hain ham raaz kaa sadd-e-baab hone do dekhnaa hai abhi hayaat ko jashn ik nayaa inqalaab hone do main balaa-nosh-o-baada-khvaar sahi meri hasti kharaab hone do aaj ki shab to un ki mahfil mein ishq ko baaryaab hone do multafit koi ho rahaa hai 'nazar' lutf aur be-hisaab hone do"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"