band aankhon se vo manzar dekhun — Ameer Qazalbash

"paain har ek raah-guzar par udaasiyaan nikli hui hain kab se safar par udaasiyaan khvaabida shahr jaagne vaalaa hai lauT aao baiThi hui hain shaam se ghar par udaasiyaan main khauf se laraztaa rahaa paDh nahin sakaa phaili hui thiin ek khabar par udaasiyaan suraj ke haath sabz qabaaon tak aa gae ab hain yahaan har ek shajar par udaasiyaan apne bhi khatt-o-khaal nigaahon mein ab nahin is tarah chhaa gai hain nazar par udaasiyaan phailaa rahaa hai kaun kabhi sochtaa huun main khvaabon ke ek ek nagar par udaasiyaan sab log ban gae hain agar ajnabi to kyaa chhoD aaeingi mujhe mire dar par udaasiyaan"

"vo ik lafz jo be-sadaa jaaegaa vahi muddaton tak sunaa jaaegaa koi hai jo mere taaaqub mein hai mujhe meraa chehra dikhaa jaaegaa vo ik shakhs jo dushman-e-jaan sahi magar phir bhi apnaa kahaa jaaegaa jalegi koi mishal-e-jaan abhi magar phir andheraa saa chhaa jaaegaa nafi-e-jurat-e-haq-numaai sahi magar kab kisi se kahaa jaaegaa yahaan ik shajar muntazir saa bhi hai ab aakhir kahaan tak chalaa jaaegaa main vo mishal-e-nim-shab huun 'amir' jise kal kaa suraj bujhaa jaaegaa"

"tumhaari maang mein sindur jab se dekhaa hai hamaare saamne tanhaaiyon kaa chehra hai ik aur 'umr guzaarungaa dasht-e-vahshat mein sunaa ye hai ki abhi bastiyon mein khatra hai chhupaa rahaa hai kisi karb ko kisi gham ko jo hans rahaa hai musalsal vo shakhs jhuTaa hai tumhaare baa'd main is shahr mein akelaa thaa ye kaun hai jo mire saath saath chaltaa hai Dubo sakegaa na tufaan-e-tirgi us ko jo aaftaab mire zehn ne taraashaa hai"

"dard kaa shahr kahin karb kaa sahraa hogaa log vaaqif the koi ghar se na niklaa hogaa vo jo ik shakhs ba-zid hai ki bhulaa do mujh ko bhuul jaaun to usi shakhs ko sadma hogaa aankh khulte hi bichhaD jaaegaa har manzar-e-shab chaand phir subh ke maqtal mein akelaa hogaa jin ujaalon ki taraf dauD rahi hai duniyaa un ujaalon mein qayaamat kaa andheraa hogaa ek ummid har ik dar pe liye jaati hai ye miraa shahr thaa koi to shanaasaa hogaa"

"kahin salib kahin karbalaa nazar aae jidhar nigaah uThe zakhm saa nazar aae bujhi hai pyaas zamin ki to ye tapish kyuun hai vo abr hai to barastaa huaa nazar aae bajaa hai apni aqidat magar savaal ye hai vo aadmi ho to kyunkar khudaa nazar aae chalo ki gher lein us ko lahu lahu chehre har ek samt use aaina nazar aae hamin ne tan se judaa kar liyaa hai sar apnaa bas ek ham the jo sab se judaa nazar aae kahaan kahaan abhi imkaan-e-zindagi hai 'amir' dhuaan chhaTe to koi raasta nazar aae"

"agar masjid se vaaiz aa rahe hain qadam kyuun Dagmagaae jaa rahe hain kisi ki bevafaai kaa gila thaa na jaane aap kyuun sharmaa rahe hain ye divaana kisi ki kyaa sunegaa ye divaane kise samjhaa rahe hain manaane ke liye jashn-e-bahaaraan nasheman bhi jalaae jaa rahe hain 'amir' un ko hai fikr-e-chashm-e-nam bhi vo daaman bhi bachaae jaa rahe hain"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"