bazm se aakhir-e-shab hai safar-e-jaam-e-sharaab — Dagh Dehlvi

"vo jo bolein to baat jaati hai chup rahun main to raat jaati hai saath huron ke hai shahid tiraa kyaa adam ko baraat jaati hai mai ke piine se kar to luun tauba aarzu-e-najaat jaati hai dil-lagi kaa maza jab aataa hai hasti-e-be-sabaat jaati hai khuub aataa hai lutf-e-aazaadi jab ye qaid-e-hayaat jaati hai kyaa karun 'daagh' vasl mein shikva baat kahne mein raat jaati hai"

"nafrat hai harf-e-vasl se achchhaa yuhin sahi lo aao aur baat suno vo nahin sahi chhoDungaa main na haath chale aao saath saath naazuk kalaai dukhti hai to aastin sahi mashq-e-jafaa ke vaaste kis ki talaash hai koi agar nahin hai to ye kam-tarin sahi iqraar kar ke ghurte ho kyon miri taraf baavar sahi yaqin sahi dil-nashin sahi bedaad kar ke chaahte ho phir jafaa ki daad behtar bajaa durust sahih aafrin sahi sajde hi karte jaaeinge ham teri raah mein hai naqsh-e-paa se aar to naqsh-e-jabin sahi be-dil-lagi bhi 'daagh' guzarni muhaal hai vo dil nahin sahi vo tamanna nahin sahi"

"kar na le apnaa Thikaana dushman dost naadaan hai daanaa dushman dekhe gar us ki palak yaa-allaah to ho tiron kaa nishaana dushman dida-e-tar na bahaanaa aansu DhunDhte hain ye bahaana dushman dost ko dost na samjhaa tum ne aur dushman ko na jaanaa dushman dosti ki na rahe phir ummid kaash ho jaae zamaana dushman dushman-e-jaan hain bahut par ai ishq tujhe jaanaa tujhe maanaa dushman tum samajhte ho use yaar-e-qadim dil hai ai 'daagh' puraanaa dushman"

"talvaar tiri ravaan bahut hai thoDaa bhi to imtihaan bahut hai kuchh aah ke hausle nikalte nichaa magar aasmaan bahut hai daaman pe tire lagi rahi khaak itnaa hi miraa nishaan bahut hai dil tang sahi par ai tamanna mar rahne ko ye makaan bahut hai ik koh-e-giraan hai ishq lekin is ko dil-e-naa-tavaan bahut hai ulfat mein nahin hai sabr naayaab ye chiiz magar giraan bahut hai baatin ki khabar khudaa ko hai 'daagh' zaahir mein vo mehrbaan bahut hai"

"kaafir vo zulf-e-pur-shikan ek is taraf ek us taraf phir us pe chashm-e-sehr-e-fan ek is taraf ek us taraf hangaam-e-rehlat dekhiye dil kis taraf apnaa jhuke baiThe hain shaikh-o-barhaman ek is taraf ek us taraf zulfon ki ye sargoshiyaan dil par balaaein laaeingi ghammaaz hai garm-e-sukhan ek is taraf ek us taraf ghairon kaa majmaa aur tum pariyon kaa jamghaT aur ham pahlu-ba-pahlu anjuman ek is taraf ek us taraf dil ek tanhaa biich mein aankhein tiri saffaak do shamshir-zan naavak-fagan ek is taraf ek us taraf main mar gayaa huun vasl mein raahat ho har pahlu mujhe takiye hon do zer-e-kafan ek is taraf ek us taraf tu aur dahne baaein hon lailaa-o-shirin bazm mein main aur qais-o-kohkan ek is taraf ek us taraf donon farishte dosh par kyaa likh sakein haalat miri aaluda-e-ranj-o-mehan ek is taraf ek us taraf rukhsaar tere sim-gun phir us pe gul-gune kaa rang phulaa hai kyaa rang-e-chaman ek is taraf ek us taraf itraa rahaa hai 'daagh' kyaa hangaam-e-gul-gasht-e-chaman rangin-qabaa gul-pairahan ek is taraf ek us taraf"

"tum aaina hi na har baar dekhte jaao miri taraf bhi to sarkaar dekhte jaao na jaao haal-e-dil-e-zaar dekhte jaao ki ji na chaahe to naa-chaar dekhte jaao bahaar-e-umr mein baagh-e-jahaan ki sair karo khilaa huaa hai ye gulzaar dekhte jaao yahi to chashm-e-haqiqat nigar kaa surma hai nizaa-e-kaafir-o-din-daar dekhte jaao uThaao aankh na sharmaao ye to mahfil hai ghazab se jaanib-e-aghyaar dekhte jaao nahin hai jins-e-vafaa ki tumhein jo qadr na ho baneinge kitne kharidaar dekhte jaao tumhein gharaz jo karo rahm paaemaalon par tum apni shokhi-e-raftaar dekhte jaao qasam bhi khaai thi quraan bhi uThaayaa thaa phir aaj hai vahi inkaar dekhte jaao ye shaamat aai ki us ki gali mein dil ne kahaa khulaa hai rauzan-e-divaar dekhte jaao huaa hai kyaa abhi hangaama aur kuchh hogaa fughaan mein hashr ke aasaar dekhte jaao shab-e-visaal adu ki yahi nishaani hai nishaan-e-bosa-e-rukhsaar dekhte jaao tumhaari aankh mire dil se le sabab be-vajh hui hai laDne ko tayyaar dekhte jaao idhar ko aa hi gae ab to hazrat-e-zaahid yahin hai khaana-e-khummaar dekhte jaao raqib barsar-e-parkhaash ham se hotaa hai baDhegi muft mein takraar dekhte jaao nahin hain jurm-e-mohabbat mein sab ke sab mulzim khataa muaaf khataa-vaar dekhte jaao dikhaa rahi hai tamaashaa falak ki nairangi nayaa hai shoabada har baar dekhte jaao banaa diyaa miri chaahat ne ghairat-e-yusuf tum apni garmi-e-baazaar dekhte jaao na jaao band kiye aankh rah-ravaan-e-adam idhar udhar bhi khabar-daar dekhte jaao suni-sunaai pe hargiz kabhi amal na karo hamaare haal ke akhbaar dekhte jaao koi na koi har ik sher mein hai baat zarur janaab-e-'daagh' ke ashaar dekhte jaao"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"