dasht-e-vafaa mein Thokarein khaane kaa shauq thaa — Baqar Mehdi

"badal ke rakh deinge ye tasavvur ki aadmi kaa vaqaar kyaa hai khalaa mein vo chaand naachtaa hai zamaan makaan kaa hisaar kyaa hai bahak gae the sambhal gae hain sitam ki had se nikal gae hain ham ahl-e-dil ye samajh gae hain kashaakash-e-rozgaar kyaa hai abhi na puchho ki laala-zaaron se uTh rahaa hai dhuaan vo kaisaa magar ye dekho ki phuul banne kaa aarzu-mand khaar kyaa hai vahi bane dushman-e-tamannaa jinhein sikhaayaa thaa ham ne jiinaa agar ye puchhein to kis se puchhein ki dosti kaa shiaar kyaa hai kabhi hai shabnam kabhi sharaaraa falak se TuuTaa to ek taaraa gham-e-mohabbat ke raazdaaro ye gauhar-e-aabdaar kyaa hai bahaar ki tum nai kali ho abhi abhi jhuum kar khili ho magar kabhi ham se yunhi puchho ki hasraton kaa mazaar kyaa hai ba-in tabaahi dikhaae ham ne vo moajize aashiqi ke tum ko ba-in adaavat kabhi na kahnaa ki aap saa khaaksaar kyaa hai bane koi ilm o fan kaa maalik ki main huun raah-e-vafaa kaa saalik nahin hai shohrat ki fikr 'baaqar' ghazal kaa ik raazdaar kyaa hai"

"mahfilon mein jaa ke ghabraayaa kiye dil ko apne laakh samjhaayaa kiye yaas ki gahraaiyon mein Duub kar zakhm-e-dil se khud ko bahlaayaa kiye tishnagi mein yaas o hasrat ke charaagh gham-kade mein apne jal jaayaa kiye khud-farebi kaa ye aalam thaa ki ham aaina duniyaa ko dikhlaayaa kiye khun-e-dil unvaan-e-hasti ban gayaa ham to apne saaz par gaayaa kiye"

"kaun bhalaa ye kahtaa hai khud aa ke ham ko manaaein aap TuuTaa dil ab kaise juDegaa sachchi qasmein na khaain aap patthar siine par rakh leinge jite-ji jaaeinge aap ko qaatil kaun kahegaa kyuun naahaq ghabraaein aap raah-e-vafaa par chalte chalte apni azmat bhuul gae the chhoDi ham ne rasm-e-parastish ab na karam farmaaein aap sehr kiyaa eajaaz kiyaa hai dard kaa shoala barf banaa hai tark-e-mohabbat ham ko mubaarak kyuun naahaq pachhtaaein aap josh-e-junun kaa daur nahin hai dil ke sukun kaa daur nahin hai gham hai nayaa kaise kam hogaa aaein aap na aaein aap tishna-labi kuchh aur baDhi hai mai-khvaari ki dhuum machi hai aakhir ham se rind-e-balaa-kash kaise pyaas bujhaaein aap"

"tabaah ho ke bhi ik apni aan baaqi hai baghaavaton ki taDap gham ki jaan baaqi hai khalaa mein Duub ke ham ko bhi ye huaa maalum ki kuchh nahin hai magar aasmaan baaqi hai ye mat kaho ki luTi kaaenaat-e-dard tamaam ki zakhm zakhm ye saaraa jahaan baaqi hai main kaise chhoD duun TuuTe hue dar-o-divaar shikasta khvaab kaa tanhaa makaan baaqi hai na khatm honge masaaib ke silsile 'baaqar' hazaar khaar hue imtihaan baaqi hai"

"saada kaaghaz pe koi naam kabhi likh lenaa! ho sake milne ki ik shaam kabhi likh lenaa! yuun to ham ahl-e-junun kuchh bhi nahin karte hain gumrahi kaa hi sahi kaam kabhi likh lenaa! mai-gusaaron pe taDapne ki bhi paabandi hai tishna-kaamon ke liye jaam kabhi likh lenaa! kitni raushan hain samundar ki chamakti raatein Dubti lahron kaa anjaam kabhi likh lenaa! bhuut khvaabon mein farishte se nazar aate hain zehn mein apne ye auhaam kabhi likh lenaa! toD ke kitni chaTaanon ko nikal aae hain saare jazbe hain magar khaam kabhi likh lenaa! bik rahaa hai sar-e-baazaar har ik daanish-var ham se aavaara ke kuchh daam kabhi likh lenaa! jurm koi nahin 'baaqar' ko rihaa mat karnaa kuchh na kuchh DhunD ke ilzaam kabhi likh lenaa!"

"jo zamaane kaa ham-zabaan na rahaa vo kahin bhi to kaamraan na rahaa is tarah kuchh badal gai hai zamin ham ko ab khauf-e-aasmaan na rahaa jaane kin mushkilon se jiite hain kyaa karein koi mehrbaan na rahaa aisi begaanagi nahin dekhi ab kisi kaa koi yahaan na rahaa har jagah bijliyon ki yurish hai kyaa kahin apnaa aashiyaan na rahaa muflisi kyaa gila karein tujh se saath teraa kahaan kahaan na rahaa hasratein baDh ke chumti hain qadam manzilon kaa koi nishaan na rahaa khun-e-dil apnaa jal rahaa hai magar shama ke sar pe vo dhuaan na rahaa gham nahin ham tabaah ho ke rahe haadsa bhi to naa-gahaan na rahaa qaafile khud sambhal sambhal ke baDhe jab koi mir-e-kaarvaan na rahaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"