dauraan-e-jang himmat-e-mardaana chaahiye — Rahbar Tabani Dariyabadi

"jigar mein dard na rakh dil mein iztiraab na rakh tu apni aankhon mein us bevafaa ke khvaab na rakh junun-zada hi nikaaleinge ab koi surat khirad-paraston se ummid-e-inqalaab na rakh amir-e-shahr ki khushnudiyon se kyaa haasil tu rehn us ke liye honTon ke gulaab na rakh na jaane kaun se darvaaze se vo daakhil ho kisi bhi daur mein band apne dil ke baab na rakh safar agar hai zaruri to jaa magar ai dost kisi bhi shakhs ko hamraah-o-ham-rikaab na rakh vo apne fan ki badaulat kahaan nahin maqbul hunar-varon ke sar ehsaan-e-intikhaab na rakh shabaab to hai ba-zaat-e-khud ek hangaama tu mujh pe tohmat-e-hangaama-e-shabaab na rakh khud apnaa tajziya kar apni khaamiyon ko DhunD kisi ki zaat pe ilzaam-e-ijtinaab na rakh jo honaa hai yahin ho jaae ai mire maulaa miraa hisaab sar-e-roz-e-ehtisaab na rakh jo mujh se milnaa hai 'rahbar' to mil khule dil se ki darmiyaan koi parda koi hijaab na rakh"

"maa'rifat ke liye aagahi ke liye nur-e-haq chaahiye raushni ke liye ji rahe hain kisi ki khushi ke liye varna kyaa hai yahaan zindagi ke liye aap apnaa ta'aaruf sar-e-anjuman kitnaa mushkil hai ik ajnabi ke liye dasht-e-ghurbat mein kuchh aur mumkin nahin jugnuon ke sivaa raushni ke liye rakh diye aabshaaron ne dil khol kar dasht mein ek pyaasi nadi ke liye vaqt ke aage us ne bhi rakh di sipar jo thaa mashhur apni khudi ke liye 'rahbar' e'zaaz 'ohda qayaadat anaa masala ban gae aadmi ke liye"

"haalaat se samjhautaa to karnaa hi paDegaa is aag ke dariyaa se guzarnaa hi paDegaa takmil-e-junun ke liye ai baadiya-paimaa kuchh roz bayaabaan mein Thaharnaa hi paDegaa baDhti chali jaati hain shar-angeziyaan us ki lagtaa hai hamein ran mein utarnaa hi paDegaa manzur-e-nazar honaa hai to apne lahu se ham sab ko 'arusaana sanvarnaa hi paDegaa qurbaani-o-isaar se jaanein na churaaein jiine ki tamanna hai to marnaa hi paDegaa jazbaat ko ab surat-e-alfaaz-o-maaani har safha-e-hasti pe bikharnaa hi paDegaa jo kilk-e-tasavvur ne kabhi khinche the 'rahbar' rang ab tumhein un khaakon mein bharnaa hi paDegaa"

"ye bhi ravish kyaa khuub hai sachchi khushi ke vaaste jiinaa kisi ke vaaste marnaa kisi ke vaaste laazim hain dur-andeshiyaan ik falsafi ke vaaste fikr-o-nazar darkaar hain daanishvari ke vaaste jab tak na ho irfaan-e-zaat idraak-e-aalam kuchh nahin yaa-rab basirat kar ataa khud-aagahi ke vaaste ahl-e-khirad se hal na honge zindagi ke masale ahl-e-junun ko DhunD is dard-e-sari ke vaaste hote rahoge taa-ba-ke sharminda-e-ehsaan-e-ghair yaaro yahaan ki chand-roza zindagi ke vaaste donon hain afsurda-dil aazurda-nazar aashufta-haal ik be-khudi ke vaaste aur ik khudi ke vaaste kis darja pur-asraar hotaa jaa rahaa hai in dinon ik masala hai aadmi khud aadmi ke vaaste mujh ko kisi ki zaat se kyaa lenaa denaa hai magar koshaan huun main to ittihaad-e-baahami ke vaaste 'rahbar' na hogaa shabnam-afshaani se baar-aavar ye baagh khun-e-jigar ki hai zarurat shaaeri ke vaaste"

"miri shikast kaa baais ye iftikhaar bhi thaa jo thaa harif vahi apnaa raazdaar bhi thaa ye aur baat tavajjoh na tum ne di varna tumhaare chaahne vaalon mein khaaksaar bhi thaa mile the mujh se ba-zaahir baDe tapaak se log tabiaton mein ba-baatin magar ghubaar bhi thaa gae the tum bhi to us but ke khair-maqdam mein magar tumhaaraa kisi mad mein kuchh shumaar bhi thaa tamaam umr asiron ki tarah jiite rahe hamaare gird yaqinan koi hisaar bhi thaa samaaaton ke tajassus se ye huaa mahsus hamaari tul-kalaami mein ikhtisaar bhi thaa hayaat ke sabhi shobon mein dastaras thi use baDaa zahin thaa daanaa thaa burdbaar bhi thaa isi liye use saunpaa gayaa thaa kaar-e-jahaan kisi ko us pe bharosaa thaa eatibaar bhi thi tire sukut pe dil ki ajab thi kaifiyyat vo pur-sukun bhi thaa aur be-qaraar bhi thaa baDe farishta-sifat the tumhaare shahr ke log dilon mein dard mizaajon mein inkisaar bhi thaa khush aa gai hai ai rahbar supurdagi varna kamin-gaahein bhi thiin jaada-e-faraar bhi thaa"

"khvaahishon ko gale kaa haar na kar maut se khud ko ham-kanaar na kar mujh se sarzad huaa hai jurm-e-anaa daar par khinch sangsaar na kar jo bhi karnaa hai kar guzar ik baar tu mujhe qatl qist-vaar na kar dushmani mein bhi rakh kuchh apni shaan vaar kar lekin ochhe vaar na kar tu jise zindagi samajhtaa hai khvaab hai khvaab eatibaar na kar nai raahein talaash ai 'rahbar' ravish-e-aam ikhtiyaar na kar"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"