dekhaa aTaa huaa jo gulon ko ghubaar mein — Maseehullah Khan Ataa

"ham ko khudaa ne dil diyaa dil mein diyaa gudaaz-e-ishq bakhshaa khudaa ne aap ko husn-e-karishma-saaz-e-ishq roab-e-jamaal-e-yaar se kham hai sar-e-niyaaz-e-ishq husn ki baargaah mein paDhte hain ham namaaz-e-ishq koi bataae to hamein kis ko nahin hai aaz-e-ishq kaun hai is jahaan mein be-gham-o-be-niyaaz-e-ishq khaak mein mil ke ishq mein milti hain sar-bulandiyaan ho ke zalil-o-khvaar ishq hotaa hai sarfaraaz ishq yaaraa rahaa na zabt kaa taab rahi na sabr ki aah-o-fughaan ne kar diyaa faash hamaaraa raaz-e-ishq zaahid-e-naa-shanaas kaa ishq se vaasta hai kyaa kijiye aashiqon se hal masala-e-javaaz-e-ishq sanat-e-kirdgaar par kartaa huun jaan-o-dil nisaar rakhtaa huun saari umr se husn se saaz-o-baaz-e-ishq khaataa hai pahle dil ko ye panja-e-gham se noch kar kartaa hai aadmi pe vaar jis ghaDi shaah-baaz-e-ishq ham vo rahe na dil rahaa dil mein na valvale rahe bazm-e-shabaab uTh gai band hai soz-o-saaz-e-ishq husn mein un ke aur bhi Tak gae hote chaar-chaand kaash ki hote vo kabhi dilbar-o-dil-navaaz-e-ishq"

"aish-o-tarab se kaam na aaraam se gharaz divaane ko na gardish-e-ayyaam se gharaz ik dil thaa us ke paas vo pahle hi de diyaa ab kyaa hai us ko aashiq-e-naakaam se gharaz allaah re ye shauq-e-mulaaqaat-e-muddai dekhaa jo us ko kuud paDe baam se gharaz ye apne bakht-e-khufta ki saari hain khubiyaan jo aa ke so gae vo sar-e-shaam se gharaz vaaiz tu chheD rind-e-kharaabaat se na kar jab tujh ko kuchh nahin mai-e-gulfaam se gharaz shatranj hai lagi hui chausar bichhi hui mehnat se vaasta na kisi kaam se gharaz karni hai apni manzil-e-maqsud tai jise rakhtaa nahin vo raah mein aaraam se gharaz sah sah ke zulm ho gayaa izaa-pasand dil rakhtaa nahin main raahat-o-aaraam se gharaz gumnaam shaairon mein miraa naam hai 'ataa' inaam se gharaz na mujhe naam se gharaz"

"fitna-parvar hai fitna-zaa hai jhuuT har buraai ki ibtidaa hai jhuuT jhuuT maano na tum kahaa meraa munh pe jhuTe ke kheltaa hai jhuuT naam rakkhaa hai us kaa policy kaisaa maqbul ho gayaa hai jhuuT jo qasam baat baat par khaae jaan lo tum ye bak rahaa hai jhuuT paa nahin saktaa hai darogh farogh kyaa buzurgon ne ye kahaa hai jhuuT saanch ko aanch tak na pahunchegi laakh duniyaa mein chal rahaa hai jhuuT bach ke jhuTe se chaahiye rahnaa parda-e-makr aur daghaa hai jhuuT jhuuT ko jhuuT gar kahaa ham ne tum hi kah do ki is mein kyaa hai jhuuT kaanp uThtaa hai ai ataa imaan jab koi shakhs boltaa hai jhuuT"

"bataa ai dil ki naalon se huaa kyaa tire rone se vo but Dar gayaa kyaa jo tum par mar miTaa marne se pahle vo kyaa jaane baqaa kyaa hai fanaa kyaa na samjhe ham to ab tak is qadar bhi ki un ki zulf-e-pur-kham hai balaa kyaa vo kahte hain naqaab-e-rukh haTaa kar hayaa-o-sharm se ab vaasta kyaa miraa dil le ke mujh se phir gae tum koi aisaa bhi matlab-aashnaa kyaa nahin aur haan pe apnaa faisla hai hamaari ibtidaa kyaa intihaa kyaa khaDe hain chup dam-e-aakhir mire sab atibbaa kyaa aziz-o-aqribaa kyaa nahin is daur mein koi kisi kaa kisi ki ab shikaayat kyaa gila kyaa na rakhte ho hunar koi na daulat bataao to karoge tum 'ataa' kyaa"

"mujhe ik ik baras ik ik ghaDi maa'lum hoti hai shab-e-furqat qayaamat se baDi maa'lum hoti hai jhaDi ashkon ki moti ki laDi maa'lum hoti hai nihaan aankhon mein hiire ki kani maa'lum hoti hai nasihat aaj-kal aisi buri maa'lum hoti hai bajaae dosti ke dushmani maa'lum hoti hai javaani par vo aae hain sitam karne to do un ko haqiqat ishq-baazi ki abhi maa'lum hoti hai bharosa us but-e-ayyaar ke vaade pe hai tum ko janaab-e-dil mujhe to ye taDi maa'lum hoti hai sudharnaa ab bahut dushvaar hai haalaat-e-aalam kaa qayaamat tak yahi ab gaD-baDi maa'lum hoti hai jo dekhaa jaae to puure na utreinge kisi mad mein musalmaanon mein koi ik kami maa'lum hoti hai jo munh se kah diyaa apne use puuraa hi kar diije isi se to zabaan ki pukhtagi maa'lum hoti hai yaqin aataa nahin un ko 'ataa' meri mohabbat kaa mire dil ki lagi bhi dil-lagi maa'lum hoti hai"

"ham ko kyaa baat kar nahin aati haan agar aur magar nahin aati us ke milne ki kyaa karun surat koi surat nazar nahin aati aate jaate hain raat-din din-raat shab-e-gham ki sahar nahin aati aabru bhi hai aab moti ke jaa ke baar-e-digar nahin aati baDh ke bolo kabhi na bol baDaa bad-ghaDi bol kar nahin aati kaisi paaband vaqt ki hai ajal vaqt se peshtar nahin aati hai nazar dusron ke aibon par khoT apni nazar nahin aati be-khabar apne haal se huun 'ataa' koi us ki khabar nahin aati"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"