dil ne khulne ki raah le li hai — Ayush Charag

"ridaa-e-vaqt mein bas maah-o-saal bunte hue ik umr kaaT di teraa khayaal bunte hue ye rang us kaa pasandida rang thaa maahi main aaj rone lagaa ek shaal bunte hue usi zamin ko tartib se banaanaa hai nadi ke dhaagon se shahron ki khaal bunte hue mujhe taDapti uDaanon ki yaad aati hai tumhein bhi yaad kuchh aataa hai jaal bunte hue zaraa saa azm thaa poshaak khud banaaungaa guzar gae hain magar kitne saal bunte hue vo kokh bhi na bachi vahshiyon ke haathon se safed uun huaa laal laal bunte hue"

"ibaaratein chamak rahi hain dil mein tere pyaar ki diye ki lau mein jal rahi hai raat intizaar ki bhaTak rahi hai aasmaan mein aarzu ki faakhta zamin pe zindagi paDi hai aag mein bukhaar ki miri vo manzilein na thiin jo manzilein mujhe milin miri nahin thi raah vo jo main ne ikhtiyaar ki jhulas gae nigaah ke tamaam khvaab aanch se ye daastaan hai nazar pe raushni ke vaar ki sulaa rahi hai beach raah mein thakan hamein 'charaagh' jagaa rahi hai justuju magar tire dayaar ki"

"Daraane vaalaa sun kar Dar rahaa hai hatheli par hamaaraa sar rahaa hai jalaa degaa agar rokaa gayaa to abhi laavaa safar tai kar rahaa hai duaa di thi jise jiine ki tum ne duaa mar mar ke puuri kar rahaa hai vo jis basti mein dikhtaa hai dhuaan saa usi basti mein meraa ghar rahaa hai tiraa mahbub vo hone se pahle hamaare saath bhi aksar rahaa hai"

"zindagi mein khushi nahin aai ye sabaa is gali nahin aai aap ko nazm kar nahin paayaa haan mujhe shaairi nahin aai baat kahne kaa Dhang soch liyaa baat kahni kabhi nahin aai bus ko roke hue the dost mire aur vo baavri nahin aai log sadiyon ke dard kaaT gae par shab-e-aakhiri nahin aai hosh mein ghumte ho saDkon par tum ko aavaargi nahin aai ek marhum ki tarah vaapas umr guzri hui nahin aai choT aavaaz se lagi aur phir hosh mein khaamushi nahin aai"

"ruuh zakhmi hai jism ghaayal hai aap ke intizaar kaa pal hai gham hai donon kaa zabt se baahar chhat pe main huun aur ek baadal hai mere maazi ki surkh aankhon mein meri mahrumiyon kaa kaajal hai ranj hai dard hai udaasi hai zindagi har tarah mukammal hai dil kahaan hai 'charaagh' siine mein ek tufaan jaisi halchal hai"

"jahaan jahaan par qadam rakhoge tumhein milegi vahin udaasi ye raaz kuchh is tarah samajh lo makaan miraa hai makin udaasi samay ki aankhon se dekhiye to har ek khanDar mein chhupe mileinge kahin pe bachpan kahin javaani kahin buDhaapaa kahin udaasi mire shabistaan ke paas koi buri tarah kal sisak rahaa thaa main us ke siine se lag ke bolaa nahin udaasi nahin udaasi badhaai chahkin duaaein gunji tamaam chehre khushi se jhume qubul hai tiin baar boli ek parda-nashin udaasi"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"