fasl-e-rasan-o-daar mein aa ham ne sunaa hai — Dilkash Sagari

"phir gulaab ki shaakhein saj gaiin qarinon se aap bhi utar aaein chaandni ke zinon se apni paak-baazi kaa phir subut de lenaa tum lahu to dho Daalo pahle aastinon se dushmanon ke khemon mein khul ke jaaiye saahab haan magar bache rahiye khush-adaa hasinon se un ke aariz-o-lab ko chaand se na do tashbih pattharon ko kyaa nisbat qimti naginon se koi un ko jaa kar ye iltimaas pahunchaa de aap ko nahin dekhaa DeDh-do mahinon se khush-libaas maujon ne pairahan badal Daale aap bhi zaraa langar kholiye safinon se maa-sivaa-e-mahrumi aur kuchh nahin paayaa aaqilon ki basti mein mil liye zahinon se"

"dosto tum ne bhi dekhi hai vo surat vo shabih jo nigaahon mein samaa jaati hai manzar ki tarah mujh ko ik qatra-e-be-faiz samajh ke na guzar phail jaaungaa kisi roz samundar ki tarah shahr-aashob mein chizon kaa koi qaht nahin zakhm milte hain dukaanon mein gul-e-tar ki tarah apne haathon ki lakiron mein nahin hai shaayad haae vo zulf jo khul jaae muqaddar ki tarah mujh se itraao na yaaro ki mujhe hai maalum aap kaa ghar ki shikasta hai mire ghar ki tarah dil ne kuchh khvaab to dekhe the magar kyaa kiije vo bhi gum ho gae taalaab mein patthar ki tarah"

"khvaahish-e-be-naam se vaaqif nahin ik nashili shaam se vaaqif nahin bah rahaa huun main to dariyaa ki tarah farq-e-khaas-o-aam se vaaqif nahin fan tire sheron mein kyaa aae ki tu haafiz-o-khayyaam se vaaqif nahin haan vahi 'dilkash' vahi be-aabru kaun us badnaam se vaaqif nahin"

"jo bujh chuke hain vo lamhe ujaaltaa kyon hai mire badan pe kharaashein bhi Daaltaa kyon hai main mo'tariz to nahin huun magar ye samjhaa de jo maarnaa hai to duniyaa ko paaltaa kyon hai tujhe talaash hai jis ki vo teri zaat mein hai ye koh-o-ban ye samundar khangaaltaa kyon hai nahin hai vo tiraa koi to phir zarurat kyaa tu us ke husn ko sheron mein Dhaaltaa kyon hai agar nahin huun main maanind-e-mehr-o-mah to mujhe zamin se koi falak par uchhaaltaa kyon hai shikast-o-marg mein jab tarz-e-aasmaan hai to phir tu apne TuuTe hue par sambhaaltaa kyon hai na main rasul na haadi na peshvaa na imaam mujhe tu mere vatan se nikaaltaa kyon hai"

"kitne mele hain aasmaanon mein aur ham band hain makaanon mein nasl-e-aadam nikal ke ghaaron se aa gai hai kitaab-khaanon mein log karte hain intizaar miraa tiir khinche hue kamaanon mein azhdahe hain ba-surat-e-ashyaa sar uThaae hue dukaanon mein ham vo sahraa-navard hain jin kaa najd phailaa hai aasmaanon mein saaaton se guzar rahi hai raat aag raushan rakho makaanon mein"

"chaand bhi sitaaron ko saath le ke chaltaa hai jaane kyuun bhaTakte hain log be-sabab tanhaa dekhiye andheron ke jism kab pighalte hain tirgi ziyaada hai aur charaagh-e-shab tanhaa ham jigar-figaaron ki is adaa ko kyaa kahiye baiThte hain sab mil kar sochte hain sab tanhaa aap ko na raas aai anjuman to kyaa hogaa ham to kaaT hi leinge apne roz-o-shab tanhaa aur ham kahaan jaaein kisi se raushni maangein shahr mein tumhin to ho ek mah-laqab tanhaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"