fusun-saaz tilism-e-shaam tumhaare naam — Khalid Mubashshir

"chashm ko saunpi gai khidmat-e-khvaab dil pe taari hai ajab haalat-e-khvaab khvaab ab ke na haqiqat ho jaae ab ke aisi hai miri shiddat-e-khvaab main ne paDh li hain tiri bhi aankhein sirf mujh par na lagaa tohmat-e-khvaab tujh ko muzhda ho miri aankh ki ab mujh mein baaqi na rahi himmat-e-khvaab khvaab makhfi hi rahe sab se yahaan kaun kartaa hai bhalaa izzat-e-khvaab meri aankhon mein guhar hain kitne mujh ko haasil hai bahut daulat-e-khvaab tum ki jalvat se gurezaan ho bahut ab to aa jaao ki hai khalvat-e-khvaab us ke pahre hain miri aankhon par us ko maalum hai kyaa quvvat-e-khvaab kitnaa be-khvaab kiyaa hai tu ne chhoD pichhaa miraa ai aafat-e-khvaab bas kaleja hi chabaa jaati hai kitni khunkhaar hai ye vahshat-e-khvaab kaaenaat aur hayaat ai 'khaalid' khvaab mein jaise koi saaat-e-khvaab"

"in dinon shaam aise aati hai mauj-e-khun mein nahaa ke jaati hai ek sahraa mujhe bulaataa hai ek vahshat gale lagaati hai pahle ham dhuup mein jhulaste the ab to ye chhaanv bhi jalaati hai kitni maasum hai vafaa apni bevafaai hansi uDaati hai ghair ki baat us se kyon puchhi us ki sachchaai ab rulaati hai kitne ishve hain ik mohabbat ke kitne pahlu se aazmaati hai ek din e'tibaar TuuTaa thaa ab to har chiiz TuuT jaati hai khvaab aankhon mein jab bhi aataa hai ek taabir munh chiDaati hai tiir kaisaa thaa jaane ai 'khaalid' ruuh zakhmon se chhaTpaTaati hai"

"sab log shaam hote hi jab apne ghar gae sahraa ko ham bhi shahr se phir lauT kar gae achchhe dinon ki aas mein jaane kidhar gae jitne the mere khvaab suhaane bikhar gae muusaa jo ban chale the avaami khitaab mein saahir ki rassiyon se vahi log Dar gae gahraai naapne mein the kuchh log munhamik kuchh log paaniyon mein bilaa khauf utar gae ahl-e-junun ki jab na rahi chaak-daamani shaahaan-e-khush-libaas se rishte sanvar gae aisaa mujassama thaa vo khush-pairahan ki bas nange gharib bachche vahin par Thahar gae ai khaak-e-hind bol ki tu jaanti hai sab kuchh to bataa kahaan mire laal-o-gohar gae kahte hain un se pahle ye gulshan thaa khaar-zaar vo kaun log the jo yahaan se guzar gae jis ke liye khirad ko thi sardaar ki talaash ahl-e-junun vo kaam sar-e-daar kar gae khud apne ehtisaab ki fursat kahaan mili kuchh bhi huaa to ghairon pe ilzaam dhar gae lashkar ko jaan de ke milaa bhi to kyaa milaa fath-o-zafar ke taaj to shaahon ke sar gae main ne kahaa mutaalba koi nahin miraa kahne lage ki aap to bilkul sudhar gae"

"miraa vajud usi ki visaal-gaah mein thaa usi kaa vird mire dil ki khaanqaah mein thaa tumhaare qaul-o-qasam par fareb kyaa khaataa tumhaaraa tarz-e-amal bhi miri nigaah mein thaa huruf-e-makr tire lab pe the magar zaalim mujhe fareb bhi khaanaa vafaa ki raah mein thaa tamaam sang-dili yaa ki phir ghurur-o-hasham kuchh aur us ke sivaa bhi jahaan-panaah mein thaa Tapak ke dida-e-nam se sadaaein detaa hai jo ek harf-e-tamannaa dil-e-tabaah mein thaa mujhe to raas ai 'khaalid' yahi zamin aai ye aur baat miraa zikr mehr-o-maah mein thaa"

"us ne jab khusrav-e-parvez ki dhamki di hai main ne bhi ishq-e-balaa-khez ki dhamki di hai main jo rakhtaa huun use dekh ke bhi hosh bahaal us ki aankhon ne mai-e-tez ki dhamki di hai vo jo dil dene se inkaar kiyaa kartaa hai main ne ik lams-e-dil-aavez ki dhamki di hai paD gai lazzat-e-aazaar ki aadat jo mujhe tund-khu ne kaf-e-gul-rez ki dhamki di hai main ne jab jab bhi kiyaa us se mazaalim kaa gila us ne kuchh aur bhi mahmez ki dhamki di hai"

"dil thaa dulhaa, duniyaa dulhan pahli hi ratiyaa ho gai an-ban main murlidhar, main man-mohan tu hai raadhaa, tu hai padman main huun saadhu, tu hai aasan main huun saperaa, tu hai naagan man hai jhelam tan sundarvan tu kashmiran, tu bangaalan meraa teraa kaisaa bandhan main TuuTaa dil, tu hai dhaDkan tujh se chipkun tujh se lipTun main huun naag aur tu hai chandan chandaa jaisaa mukhDaa teraa nadiyaa nadiyaa teraa joban tujh ko dekhun, khud ko dekhun tu hai jaise koi darpan"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"