ham aae jab to bujhaa kar charaagh-e-dar aae — Yawar Warsi

"shaam Dhalti malgaji parchhaaiyaan main huun aur hain sar-phiri parchhaaiyaan honT siiti dasht ki nazzaargi baat karti bolti parchhaaiyaan maartaa maujein samundar kaa jalaal kuchh ubharti Dubti parchhaaiyaan sansanaate tiir si piili havaa chehra chehra khauf ki parchhaaiyaan kis liye khaae farebon par fareb saath deti hain kahin parchhaaiyaan ik shagufta phuul kaa tanhaa safar taak mein baiThi hui parchhaaiyaan jab puraani se mile mujh ko najaat gher leti hain nai parchhaaiyaan munh chhupaae ek sharminda kiran kar rahi hain dil-lagi parchhaaiyaan mujh ko shoalon ke havaale kar gaiin us ke rukh par khelti parchhaaiyaan shaam hote hi kahaan gum ho gaiin kyaa huiin 'yaavar' miri parchhaaiyaan"

"apne haathon mein uThaae hue sar aa gae hain ai mire tegh-ba-kaf tishna-jigar aa gae hain fasl-e-jaan kaaTne vaalon ko khabar kar denaa phir bahaar aa gai phir shaanon pe sar aa gae hain tesha-andaaz rahe raushniyon ke lashkar khud-ba-khud kab miri divaar mein dar aa gae hain paara-e-abr bhi kyaa dast-e-hunar rakhtaa thaa peD sarsabz hue barg-o-samar aa gae hain khaak-e-rah us ki uThaai hai to kyaa dekhtaa huun meri muTThi mein kai shams-o-qamar aa gae hain aasmaan itni raunat nahin achchhi hoti kyaa khabar tujh ko nahin hai mire par aa gae hain sar-phiri dhuup se main ne jo nimaTnaa chaahaa aaftaabon ki himaayat mein shajar aa gae hain chaahiye jin ke liye aankh ke andar ik aankh ham ko aksar vo manaazir bhi nazar aa gae hain rang be-kaif jo hain ku-e-tavajjoh ke to kyaa tere divaane tire zer-e-asar aa gae hain us ki aavaaz pe labbaik ki aavaaz abas darmiyaan ahd-e-guzashta ke khanDar aa gae hain aaj dariyaa ne dikhaai hai baDi fayyaazi mere haathon mein bhi do-chaar guhar aa gae hain mil gae harf-o-navaa us ke tabassum se mujhe shaakh-e-izhaar pe bhi barg-o-samar aa gae hain us ke bach bach ke guzarne se huaa hai zaahir meri aankhon mein use khvaab nazar aa gae hain ab vo jazbaat mein garmi na tamanna na umang raasta bhuul ke ham log kidhar aa gae hain ai charaagho suno ab dast-e-duaa kar lo buland jin ki jaanib thaa ishaara vo khanDar aa gae hain hijratein oDh ke nikle the parinde 'yaavar' shaam aai hai to phir lauT ke ghar aa gae hain"

"dasht-e-hu se to kabhi baagh-e-navaa se guzraa roz main ek nai aab-o-havaa se guzraa thartharaati thi zamin kaanp rahe the aflaak saaneha ho ke mire dast-e-duaa se guzraa baagh mein baad-e-sabaa aag lagaati guzri shoala-e-hijr dil-e-baad-e-sabaa se guzraa ungliyon mein tiri aabaad hai ik shahr-e-hunar ye gumaan bhi tire naqsh-e-kaf-e-paa se guzraa kis liye chaand sitaaron ne kiyaa meraa tavaaf kaun ye aaj mire ghaar-e-hiraa se guzraa meri aankhon mein sharaaron ne kiyaa aa ke hujum jab miraa shauq-e-ziyaan kaali ghaTaa se guzraa vo gali thi tiri haan teri gali thi shaayad aisaa mahsus huaa ku-e-shifaa se guzraa vaqt ne kaaT diye the par-e-parvaaz mire dast-o-paa maartaa saffaak khalaa se guzraa is zamin par na koi dar hai na darvaaza magar jo bhi guzraa hai yahaan se liye kaase guzraa main hi main khud ko nazar aaya vahaan par 'yaavar' jab tajassus miraa kohsaar-e-nidaa se guzraa"

"kal raaste mein ek ajab vaaqia huaa vo pahli baar guzraa mujhe dekhtaa huaa ai khaama-e-navaa hai agar vaaqai hunar divaar-e-jaan pe naqsh banaa boltaa huaa gum ho gaiin kahaan vo pari-chehra titliyaan kartaa hai intizaar daricha khulaa huaa khushiyaan udaas ho gaiin chehre utar gae sab kuchh thaa Thik-Thaak ye lamhon mein kyaa huaa kyon aasmaan ne khinch li talvaar dafatan kyaa kah rahaa thaa dast-e-duaa kaanptaa huaa chehre ki har kharaash ne ki mujh se guftugu jab ek aaine se miraa saamnaa huaa 'yaavar' abhi sameT lo kashkol chashm mein baaqi na phir bachegaa gulon par likhaa huaa"

"shoalagi ho dekhnaa yaa ho sharaara dekhnaa dushmani apnon se ho to kyaa khasaara dekhnaa hosh baaqi hain abhi kuchh jaan badan mein hai abhi ai nigaah-e-sehr-zaa mujh ko dobaara dekhnaa mere bachpan lauT aa tu ek lamhe ke liye chaahti hai zindagi tujh ko dobaara dekhnaa jab qadam rakh hi diye hain rahguzaar-e-shauq mein aate jaate mausamon kaa kyaa ishaara dekhnaa sar-nigun tufaan ko karne kaa nasha kuchh aur hai chaahtaa hai kaun dariyaa kaa kinaaraa dekhnaa kaun si saaat hai behtar kaun saa pal Thiik hai us se milnaa hai zaraa tum istikhaara dekhnaa dil ko bhaataa hai bahut baarish ke tham jaane ke baa'd dhuup khilnaa baadalon ko paara-paara dekhnaa main to jab bhi dekhtaa huun us kaa chehra hi lage subh ki dahliz par raushan sitaara dekhnaa itni aasaan bhi nahin 'yaavar' hamaari shaaeri gar samajhnaa ho hamein to istiaara dekhnaa"

"kahaan talaash karun ab ufuq kahaani kaa mizaaj kaun samajhtaa hai bahte paani kaa ghurub hote hi suraj ubharne lagtaa hai mire vajud mein sahraa zarar-fishaani kaa vo peD jis mein faqat be-libaas shaakhein thiin usi se kaam liyaa main ne saaebaani kaa karun kahaan se shurua aur kahaan pe khatm karun siraa hi miltaa nahin vaqt ki kahaani kaa mujhe ginaae gae vasf mere dushman ke ataa kiyaa gayaa mansab qasida-khvaani kaa bahaar surkh-qabaa hai chaman sharaar-ba-dosh hamaare shahr mein mausam hai gul-fishaani kaa qasam thi abr ko bhi mehrbaan na hone ki mujhe bhi karnaa thaa izhaar sakht-jaani kaa qadam baDhaanaa miraa vaadi-e-tahayyur mein tilism TuTnaa sahraa-e-be-karaani kaa ye khiDkiyaan ye dariche nahin hain aankhein hain makaan mein bhi hai ehsaas be-makaani kaa vo gul-mizaaj jo masruf-e-guftugu ho kabhi khayaal aataa hai dariyaaon ki ravaani kaa vo tarjume ke liye us ke khaal-o-khad na paDhe jise hunar nahin aataa hai tarjumaani kaa chalan se ho gayaa baahar to aur kyaa kartaa libaas utaar diyaa main ne be-zabaani kaa utar ke harf ke baatin mein dekhnaa 'yaavar' jo raqs dekhnaa ho shoala-e-maaani kaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"