ham sitaaron mein tiraa aks naa Dhalne deinge — Ambarin Salahuddin

"rasta rokti khaamoshi ne kaun si baat sunaani hai raat ki aankhein jaan rahi hain kis ke paas kahaani hai aankh ne vahshat oDhi hai yaa manzar mein hairaani hai dasht ne daaman jhaaD ke puchhaa ab kaisi viraani hai manzar hai khiDki ke andar yaa hai khiDki se baahar gardun ki giraai hai yaa khaak ne chaadar taani hai kaunde se lapke paDte hain chuTki bhar nilaahaT se taaron mein manzar khulne se pahle ki hairaani hai saare sang-e-mil bhi manzil ho sakte hain bhed khulaa haathon ki rekhaaon mein har manzil ek nishaani hai aap kahein to tiin zamaane ek hi lahr mein bah niklein aap kahein to saari baaton mein aisi aasaani hai roz-o-shab ke bandhan khol ke vaqt kaa dariyaa chal nikle aap kahein to daanaai hai ham kah dein naadaani hai raat ki chaadar tah hone tak dhuup kaa jaadu khulne tak darvaaze ke band kivaaDon se ik baat chhupaani hai jitne pul tak raqs kareingi kirnein barf ki qaashon par kohsaaron ke daaman mein bhi tab tak ek kahaani hai"

"chaand ubhregaa to phir hashr dikhaai degaa shab ki pahnaai mein har aks duhaai degaa mere chehre pe kisi aur ki aankhein hongi phir kahaan kis ko kisi or sujhaai degaa aap ne aankh mein jo khvaab sajaa rakkhe hain un ko taabir miraa dast-e-hinaai degaa meri hairat miri vahshat kaa pata puchhti hai dekhiye kaun kise pahle rasaai degaa jis ne kaanon pe biThaa rakkhe hain Dar ke pahre is ko kab shabd miraa koi sunaai degaa"

"us ke dhyaan ki dil mein pyaas jagaa li jaae ek bhi shaam na phir us ke naam se khaali jaae aaankhon mein kaajal ki parat jamaa li jaae sakhiyon se yuun priit ki jot chhupaa li jaae ret hai suraj hai vusat hai tanhaai lekin naan is dil ki khaam-khayaali jaae aaankhon mein bhar kar is dasht ki hairaani vahshat ki umda tasvir banaa li jaae aap ne pahle bhi to mujh ko dekhaa hogaa! aap ke munh se aap ki baat churaa li jaae sochon mein girdaab se paDne lag jaaein aaankhon se phir aaTh pahar na laali jaae dil-aazaari ki miTTi se istaada ghar un be-faiz daron tak kaun savaali jaae"

"jab mire shahr ki har shaam ne dekhaa us ko kyuun na phir mere dar-o-baam ne dekhaa us ko harf-dar-harf mire dil mein utart aayaa hai mujh se pahle mire ilhaam ne dekhaa us ko meri aankhon ne to ik baar hi manzar dekhaa phir har ik lamha-e-dushnaam ne dekhaa us ko din Dhale khvaab dariche mein utar aataa hai jab bhi dekhaa hai yahaan shaam ne dekhaa us ko jaane kis khvaab ki hairat ne jagaae rakkhaa phir miri hasrat-e-naakaam ne dekhaa us ko"

"asir-e-khvaab nai justuju ke dar kholein havaa pe haath rakhein aur apne par kholein sameTe apne saraabon mein baarishon kaa jamaal kahaan kaa qasd hai ye raaz khush-nazar kholein use bhulaane ki phir se karein nai saazish chalo ki aaj koi naama-e-digar kholein ulajhti jaati hain girhein adhure lafzon ki ham apni baaton ke saare agar magar kholein jo khvaab dekhnaa taabir khojnaa ho kabhi to pahle raat ke lipTe hue bhanvar kholein ik iinT saamne divaar se nikaalein ab chalo ki phir se nayaa koi dard-e-sar kholein"

"bhanvar mein pair the aur aankh ik sitaare par ulajh rahi thi nazar dusre kinaare par takaan oDh to lein ham nai masaafat ki taraash dein na havaaein kahin hamaare par na-jaane sehr thaa kaisaa kisi ki aankhon mein ham apne ghar se nikal aae ik ishaare par zamin pe phir koi jaa-e-amaan mil na saki mujhe kisi ne bulaayaa thaa ik sitaare par gumaan ke aakhiri pal mein yaqin milaa hai vo hamin yahaan hain hamin dusre kinaare par"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"