har ik dard-o-gham ki davaa ho gae — Kanval M. A

"maayus mere gham se na ho chaaraagar kahin ghabraa ke kah na jaae ki be-maut mar kahin dil ko bhi ab jalaa na de soz-e-jigar kahin barbaad ho na jaae miraa ye bhi ghar kahin vo aaine mein mahv hain main un mein mahv huun meri nazar kahin hai to un ki nazar kahin ai paikar-e-jamil tujhe yaad ho na ho tujh se kabhi mile to the ham beshtar kahin kyaa marhale hain raah-e-mohabbat ke marhale dil par kahin bani hai miri jaan par kahin Thahraa ho ek pal bhi jahaan kaarvaan-e-dil aayaa na raah-e-shauq mein aisaa nagar kahin manzil ki justuju mein ye aalam hai al-amaan roke hue hain raah kahin raahbar kahin ham ne baDe khulus-o-mohabbat se baat ki jab bhi hamein milaa hai koi mo'atabar kahin shauq-e-safar to hai dil-e-pur-ishtiyaaq ko ho jaae muzmahil na ye vaqt-e-safar kahin roz-e-azal vo dard-e-musalsal ataa huaa dil ko sukun mil na sakaa umr bhar kahin us khaanumaan-kharaab kaa aalam na puchhiye jis be-navaa ki shaam kahin ho sahar kahin har zarra pur-ziyaa thaa tiri jalva-gaah kaa meri hi thi khataa ki jhukaayaa na sar kahin ai ham-safar ye azm-e-safar to bajaa sahi dar-pesh ho na zahmat-e-tul-e-safar kahin rahne de apne haal mein mast ai sabaa na chheD meraa abhi khayaal kahin hai nazar kahin bahr-e-khudaa na chheDiye yusuf kaa vaaqia be-aabru huaa na koi is qadar kahin taskhir-e-kaaenaat ke daave bajaa sahi ham-rutba-e-khudaa bhi huaa hai bashar kahin ho teri baat baat mein ik baat ai 'kanval' be-lutf be-maza na ho fikr-o-nazar kahin"

"apni qismat mein agar aish ke saamaan hote ain mumkin thaa ki ham aur pareshaan hote baaghbaan naaz na kar apne chaman-zaaron par ham ne dekhe hain chaman-zaar bayaabaan hote aur hi Dhang se tanzim-e-gulistaan hoti dur-andesh agar ahl-e-gulistaan hote yahi duniyaa jo jahannum hai vo jannat hoti apne kirdaar se insaan agar insaan hote shaakh-e-naazuk pe khule hi the ki murjhaa bhi gae ek din phuul yahi shaan-e-bahaaraan hote apne hi ghar ki kisi shai pe nahin haq apnaa is se behtar thaa ki ham be-sar-o-saamaan hote ham ne har jaur sahaa un kaa khushi se lekin kaash vo apni jafaaon pe pashemaan hote koi khubi na koi vasf na koi jauhar ham agar hote to kis baat pe naazaan hote taba mauzun mein agar zor-e-bayaan bhi hotaa ham bhi auron ki tarah shoala-ba-daamaan hote ai 'kanval' paa-e-talab hi mein thi laghzish varna marhale jo bhi the is raah mein aasaan hote"

"kyaa kahun mujh pe jo ai dushman-e-jaan guzri hai tiri har baat tabiat pe giraan guzri hai kuchh na samjhegaa tu betaabi-e-dil kaa aalam ye musibat ki ghaDi tujh pe kahaan guzri hai naunihaalaan-e-chaman bhi khas-o-khaashaak hue khaak uDaati hui yuun baad-e-khizaan guzri hai zindagi naghma-e-be-saaz-o-navaa thi pahle aaj tak khair se ai dard-e-nihaan guzri hai jaada-e-shauq mein ye bhi mujhe maalum nahin din kahaan biit gayaa raat kahaan guzri hai ziist vo kyaa hai jo mauhum si ummid liye maut ki raah se benaam-o-nishaan guzri hai dekhiye rang jamaati hai bahaar ab kyon kar luuT kar husn-e-gulistaan ko khizaan guzri hai jurat-e-arz-e-tamannaa mujhe kyon kar ho 'kanval' khaatir-e-husn pe har baat giraan guzri hai"

"ishq vo ishq hai jo jazb-o-asar tak pahunche husn vo husn hai jo ahl-e-nazar tak pahunche dil ke haathon na kisi dil ko zarar tak pahunche lab par aai hui kyon fitna-o-shar tak pahunche kyon mohabbat mein koi naqd-o-nazar tak pahunche mujh ko tauhin-e-vafaa ki na khabar tak pahunche tishnagi zauq-e-takallum ki vahi hai ab tak us ke jalve to bahut meri nazar tak pahunche ek ham hain jo rahe taaba-e-farmaan ho kar ek tum ho jo abas fitna-o-shar tak pahunche naa-tavaani thi har ik gaam pe maail lekin ham umidon ke sahaare tire dar tak pahunche dekhiye aur hai kyaa apne muqaddar mein abhi zulmat-e-shab se to hain nur-e-sahar tak pahunche main to har aag ko gulzaar banaa saktaa huun kaun aisaa hai jo us husn-e-nazar tak pahunche aap ne mujh ko mire haal pe chhoDaa hotaa aap be-kaar mire aib-o-hunar tak pahunche un ki furqat mein miraa shaghl yahi thaa din-raat haath jab dil se uThe dida-e-tar tak pahunche ai 'kanval' mujh pe unhon ne bhi karam farmaayaa vo bhi ab bahr-e-ayaadat mire ghar tak pahunche"

"fitrat-e-dil ki mehrbaani hai main huun yaa gham ki tarjumaani hai gham mein bhi dil ko shaadmaani hai un ki shafqat hai mehrbaani hai har khushi jin pe main ne qurbaan ki kyon unhein shauq-e-jaan-sitaani hai jo bhi hai daastaan-e-ahl-e-vafaa dard-o-aalaam ki kahaani hai ham kahaan qaabil-e-gham-e-dil the ik sitamgar ki mehrbaani hai dil kaa ronaa hai aur kuchh bhi nahin haae kyaa chiiz ye javaani hai soz gham dard ranj hijr malaal dil pe kis kis ki mehrbaani hai kis qadar hai ‘ajib surat-e-haal gham hai dil ko na shaadmaani hai khaamushi mein hai lutf-e-goyaai ye bhi ik shaan-e-be-zabaani hai ek mauhum si tamannaa ki dil ki duniyaa pe hukmraani hai mujh se milte ho be-niyaazaana ye bhi andaaz-e-dil-sitaani hai daagh dil kaa kahin na miT jaae ye tumhaari hi ik nishaani hai ai mohabbat ye kyaa kiyaa tu ne bad-gumaani hi bad-gumaani hai zindagi bhar fareb khaae hain doston ki ye mehrbaani hai ham sar-e-raah luT gae yaksar rahbaron ki ye mehrbaani hai ai 'kanval' intihaa-e-shauq na puchh raat-din shaghl-e-naghma-khvaani hai"

"ahl-e-jahaan ko mujh se adaavat hai kyaa karun ye tarz-e-intiqaam-e-mohabbat hai kyaa karun naakaami-e-vafaa pe nadaamat hai kyaa karun ai dil ye ek talkh haqiqat hai kyaa karun khud gham-pasand meri tabiat hai kyaa karun is ko har ek ranj mein raahat hai kyaa karun izhaar-e-dard-e-dil bhi kuchh aasaan nahin magar zabt-e-sitam bhi ek musibat hai kyaa karun apnaa rahaa huun gham ko baDe ehtiraam se roz-e-azal se ye miri aadat hai kyaa karun dil kaa qaraar chhin liyaa kis ki yaad ne ye zindagi-e-hijr musibat hai kyaa karun mere payaam-e-mehr-o-vafaa kaa asar ho kyaa duniyaa hi be-niyaaz-e-mohabbat hai kyaa karun be-vajh jis ke naaz uThaataa huun raat din us bevafaa ko mujh se adaavat hai kyaa karun apni musibaton kaa kisi se gila nahin apnaa hi dil mire liye aafat hai kyaa karun dil mein taDap hai soz hai gham hai malaal hai ai jazb-e-shauq ye miri qismat hai kyaa karun armaan aish kaa na tamannaa nashaat ki jo mil gayaa usi pe qanaaat hai kyaa karun himmat-shikan hain raah-e-mohabbat ke marhale har moD har qadam pe musibat hai kyaa karun khud meraa dil bhi baat miri maantaa nahin is par bhi ab kisi ki hukumat hai kyaa karun kyaa khuub hai ye aalam-e-duniyaa-e-shauq bhi ik bevafaa se mujh ko mohabbat hai kyaa karun aae na aae dil ko yaqin lekin ai 'kanval' un ke har ek vaade mein lazzat hai kyaa karun"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"