hashr tak yaan dil shakebaa chaahiye — Altaf Hussain Hali

"khubiyaan apne mein go be-intihaa paate hain ham par har ik khubi mein daagh ik aib kaa paate hain ham khauf kaa koi nishaan zaahir nahin afaaal mein go ki dil mein muttasil khauf-e-khudaa paate hain ham karte hain taaat to kuchh khvaahaan numaaish ke nahin par gunah chhup chhup ke karne mein mazaa paate hain ham diida o dil ko khayaanat se nahin rakh sakte baaz garche dast-o-paa ko aksar be-khataa paate hain ham dil mein dard-e-ishq ne muddat se kar rakkhaa hai ghar par use aaluda-e-hirs-o-havaa paate hain ham ho ke naadim jurm se phir jurm karte hain vahi jurm se go aap ko naadim sadaa paate hain ham hain fidaa un doston par jin mein ho sidq o safaa par bahut kam aap mein sidq o safaa paate hain ham go kisi ko aap se hone nahin dete khafaa ik jahaan se aap ko lekin khafaa paate hain ham jaante apne sivaa sab ko hain be-mehr o vafaa apne mein gar shamma-e-mehr-o-vafaa paate hain ham bukhl se mansub karte hain zamaane ko sadaa gar kabhi taufiq-e-isaar o ataa paate hain ham ho agar maqsad mein naakaami to kar sakte hain sabr dard-e-khud-kaami ko lekin be-davaa paate hain ham Thaharte jaate hain jitne chashm-e-aalam mein bhale haal nafs-e-dun kaa utnaa hi buraa paate hain ham jis qadar jhuk jhuk ke milte hain buzurg o khurd se kibr o naaz utnaa hi apne mein sivaa paate hain ham go bhalaai karke ham-jinson se khush hotaa hai ji tah-nashin us mein magar durd-e-riyaa paate hain ham hai ridaa-e-nek-naami dosh par apne magar daagh rusvaai ke kuchh zer-e-ridaa paate hain ham raah ke taalib hain par be-raah paDte hain qadam dekhiye kyaa DhunDhte hain aur kyaa paate hain ham nuur ke ham ne gale dekhe hain ai 'haali' magar rang kuchh teri alaapon mein nayaa paate hain ham"

"kabk o qumri mein hai jhagDaa ki chaman kis kaa hai kal bataa degi khizaan ye ki vatan kis kaa hai faisla gardish-e-dauraan ne kiyaa hai sau baar marv kis kaa hai badakhshaan o khutan kis kaa hai dam se yusuf ke jab aabaad thaa yaaqub kaa ghar charkh kahtaa thaa ki ye bait-e-huzan kis kaa hai mutmain is se musalmaan na masihi na yahud dost kyaa jaaniye ye charkh-e-kuhan kis kaa hai vaaiz ik aib se tu paak hai yaa zaat-e-khudaa varna be-aib zamaane mein chalan kis kaa hai aaj kuchh aur dinon se hai sivaa istighraaq azm-e-taskhir phir ai shekh-e-zaman kis kaa hai aankh paDti hai har ik ahl-e-nazar ki tum par tum mein ruup ai gul o nasrin o saman kis kaa hai ishq udhar aql idhar dhun mein chale hain teri rasta ab dekhiye donon mein kaThin kis kaa hai shaan dekhi nahin gar tu ne chaman mein us ki valvala tujh mein ye ai murgh-e-chaman kis kaa hai hain fasaahat mein masal vaaiz o 'haali' donon dekhnaa ye hai ki be-laag sukhan kis kaa hai"

"kah do koi saaqi se ki ham marte hain pyaase gar mai nahin de zahr hi kaa jaam balaa se jo kuchh hai so hai us ke taghaaful ki shikaayat qaasid se hai takraar na jhagDaa hai sabaa se dallaala ne ummid dilaai to hai lekin dete nahin kuchh dil ko tasalli ye dilaase hai vasl to taqdir ke haath ai shah-e-khubaan yaan hain to faqat teri mohabbat ke hain pyaase pyaase tire sar-gashta hain jo raah-e-talab mein honTon ko vo karte nahin tar aab-e-baqaa se dar guzre davaa se to bharose pe duaa ke dar guzrein duaa se bhi duaa hai ye khudaa se ik dard ho bas aaTh pahar dil mein ki jis ko takhfif davaa se ho na taskin duaa se 'haali' dil-e-insaan mein hai gum daulat-e-kaunain sharminda hon kyuun ghair ke ehsaan-o-ataa se jab vaqt paDe dijiye dastak dar-e-dil par jhukiye fuqaraa se na jhamkiye umraa se"

"dil ko dard-aashnaa kiyaa tu ne dard-e-dil ko davaa kiyaa tu ne tab-e-insaan ko di sirisht-e-vafaa khaak ko kimiyaa kiyaa tu ne vasl-e-jaanaan muhaal Thahraayaa qatl-e-aashiq ravaa kiyaa tu ne thaa na juz gham bisaat-e-aashiq mein gham ko raahat-fazaa kiyaa tu ne jaan thi ik vabaal furqat mein shauq ko jaan-guzaa kiyaa tu ne thi mohabbat mein nang minnat-e-ghair jazb-e-dil ko rasaa kiyaa tu ne raah zaahid ko jab kahin na mili dar-e-mai-khaana vaa kiyaa tu ne qata hone hi jab lagaa paivand ghair ko aashnaa kiyaa tu ne thi jahaan kaarvaan ko deni raah ishq ko rahnumaa kiyaa tu ne naav bhar kar jahaan Duboni thi aql ko naakhudaa kiyaa tu ne baDh gai jab pidar ko mehr-e-pisar us ko us se judaa kiyaa tu ne jab huaa mulk o maal rahzan-e-hosh baadshah ko gadaa kiyaa tu ne jab mili kaam-e-jaan ko lazzat-e-dard dard ko be-davaa kiyaa tu ne jab diyaa raah-rau ko zauq-e-talab sai ko naa-rasaa kiyaa tu ne parda-e-chashm the hijaab bahut husn ko khud-numaa kiyaa tu ne ishq ko taab-e-intizaar na thi ghurfa ik dil mein vaa kiyaa tu ne haram aabaad aur dair kharaab jo kiyaa sab bajaa kiyaa tu ne sakht afsurda taba thi ahbaab ham ko jaadu navaa kiyaa tu ne phir jo dekhaa to kuchh na thaa yaa rab kaun puchhe ki kyaa kiyaa tu ne 'haali' uTThaa hilaa ke mahfil ko aakhir apnaa kahaa kiyaa tu ne"

"vaan agar jaaein to le kar jaaein kyaa munh use ham jaa ke ye dikhlaaein kyaa dil mein hai baaqi vahi hirs-e-gunaah phir kiye se apne ham pachhtaaein kyaa aao lein us ko hamin jaa kar manaa us ki be-parvaaiyon par jaaein kyaa dil ko masjid se na mandir se hai uns aise vahshi ko kahin bahlaaein kyaa jaantaa duniyaa ko hai ik khel tu khel qudrat ke tujhe dikhlaaein kyaa umr ki manzil to juun tuun kaT gai marhale ab dekhiye pesh aaein kyaa dil ko sab baaton ki hai naaseh khabar samjhe samjhaae ko bas samjhaaein kyaa maan liije shaikh jo daavaa kare ik buzurg-e-din ko ham jhuTlaaein kyaa ho chuke 'haali' ghazal-khvaani ke din raagni be-vaqt ki ab gaaein kyaa"

"junun kaar-farmaa huaa chaahtaa hai qadam dasht paimaa huaa chaahtaa hai dam-e-girya kis kaa tasavvur hai dil mein ki ashk ashk dariyaa huaa chaahtaa hai khat aane lage shikva-aamez un ke milaap un se goyaa huaa chaahtaa hai bahut kaam lene the jis dil se ham ko vo sarf-e-tamannaa huaa chaahtaa hai abhi lene paae nahin dam jahaan mein ajal kaa taqaazaa huaa chaahtaa hai mujhe kal ke vaade pe karte hain rukhsat koi vaada puuraa huaa chaahtaa hai fuzun tar hai kuchh in dinon zauq-e-isyaan dar-e-rahmat ab vaa huaa chaahtaa hai qalaq gar yahi hai to raaz-e-nihaani koi din mein rusvaa huaa chaahtaa hai vafaa shart-e-ulfat hai lekin kahaan tak dil apnaa bhi tujh saa huaa chaahtaa hai bahut haz uThaataa hai dil tujh se mil kar qalaq dekhiye kyaa huaa chaahtaa hai gham-e-rashk ko talkh samjhe the hamdam so vo bhi gavaaraa huaa chaahtaa hai bahut chain se din guzarte hain 'haali' koi fitna barpaa huaa chaahtaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"