ik ghair ki mahfil se uThaayaa nahin jaataa — Nashtar Chaprawi

"na jis mein aarzu hoti na jis mein muddaaa hotaa mujhe bhi ek dil yaa-rab koi aisaa diyaa hotaa shab-e-vaada vo aataa bhi to kyaa is ke sivaa hotaa jo main sarf-e-vafaa hotaa to vo garm-e-jafaa hotaa shab-e-furqat agar naala mire dil kaa rasaa hotaa falak kyaa chiiz hai arsh-e-muaallaa hil gayaa hotaa dikhaa detaa agar main daagh-haa-e-dil kabhi un ko miraa zimma jo phir mashq-e-sitam kaa hausla hotaa diyaa thaa dil to detaa ishq bhi apnaa use yaa-rab milaa thaa sar to saudaa bhi tiraa hi yaa khudaa hotaa khataa kyaa yaar ki is mein jo qabl-az-vaqt maut aai vafaa karti jo meri umr to vaada vafaa hotaa na aataa thaa unhein kyaa mujh ko miTTi mein milaa denaa magar Dar thaa ki hotaa khaak bhi to kimiyaa hotaa adu ke dastakhat se khat mujhe bhejaa hai kaafir ne muqaddar kaa jo likkhaa thaa na kyunkar vo adaa hotaa tiri kotaah-bini ne tujhe khoyaa hai ai vaaiz khudaa ko jaan jaataa gar buton se aashnaa hotaa sar-o-tan kaa chalaa aataa hai jhagDaa ek muddat se madad karti tiri talvaar to kuchh faisla hotaa tire sadqe nigaah-e-naaz kyon aghmaaz karti hai hamaari baat ban jaati tiraa nuqsaan kyaa hotaa kahin pur-lutf hai ye qissa-e-farhaad-o-majnun se hamaare dil kaa dukhDaa bhi kabhi saahib sunaa hotaa na aae tum na aate bhejte tasvir hi apni mire dil ko bahalne kaa koi to mashghalaa hotaa gham-e-jaanaan na detaa saath meraa tu bhi furqat mein usi ki tarah zaalim kaash tu bhi bevafaa hotaa mire dil se vo rah rah kar kisi kaa naaz se kahnaa ajab ik chiiz tu hotaa agar be-muddaaa hotaa sunaataa qissa-e-gham tujh mein gham-khvaari agar hoti dikhaataa dard-e-dil tujh ko jo tu dard-aashnaa hotaa dil-e-vahshi na kahtaa thaa ki baaz aa ishq-e-gesu se miri suntaa to kyon kaafir giraftaar-e-balaa hotaa janaab-e-khizr deinge saath kyaa sahraa-e-ulfat mein dil-e-aafat-talab tu hi hamaaraa rahnumaa hotaa ye kyaa saudaa-e-huraan-e-khayaali tujh ko hai zaahid kisi kaafir-adaa par to fidaa mard-e-khudaa hotaa baDe naaz-o-niam se ham ne ai dil tujh ko paalaa thaa khudaai ham se phir jaati na lekin tu judaa hotaa khinche jaate the vo khanjar ki surat vasl mein 'nashtar' nikalti khaak hasrat khaak puuraa hausla hotaa"

"na bikhraayaa karo tum baiThe baiThe zulf-e-pechaan ko khudaa ke vaaste dekho mire haal-e-pareshaan ko ajab andaaz se pis pis ke honTon se nikalti hai karun qurbaan teri ik nahin par sainkaDon haan ko khudaa jaane mazaa aataa hai kyaa is mein ki hans hans kar vo pahron dekhte rahte hain mere zakhm-e-khandaan ko unhein phir is ne bhaDkaayaa hue garm-e-jafaa phir vo ilaahi aag lag jaae hamaari chashm-e-giryaan ko qayaamat kaa samaan phirne lagaa hai meri aankhon mein ki jab se main ne dekhaa hai kisi ki chashm-e-fattaan ko baDhi divaangi meri kuchh aisi ishq-e-gesu mein ki mere naam se hoti hai vahshat ab bayaabaan ko gae vo din manaate the kisi ke saath ham saavan ki ab to dekhte rahte hain apni chashm-e-giryaan ko abhi to hai shurua-e-fasl-e-gul josh-e-junun taaza rafu kyon log karte hain mire chaak-e-garebaan ko tire aate hi jhaaDu phir gai kis kis ko roein ham alam ko yaas ko hasrat ko betaabi ko armaan ko mire shevan se to aazurda the phir ro diye aakhir nazar aaya jo main jaataa huaa shahr-e-khamoshaan ko baDhe phir naakhun-e-vahshat ki ayyaam-e-bahaar aae zaraa hushiyaar rahnaa ai hamaare zakhm ke Taanko miri aankhein hi dushman ho gaiin haq mein mire aakhir isi raste utaaraa us ne dil mein tir-e-mizhgaan ko balaa se gar hamaari jaan-e-muztar par gire bijli usi andaaz se ik baar phir ghurfe se tum jhaanko hui jaati hai kyaa kyaa loT is par rahmat-e-baari koi dekhe to mahshar mein hamaari sharm-e-isyaan ko na rakkhaa jaane ke qaabil mujhe betaabi-e-dil ne kiyaa thaa main ne kis mushkil se raazi us ke darbaan ko mujhe sar phoDne ki aarzu thi yuun hui puuri giraayaa sar pe sail-e-ashk ne divaar-e-zindaan ko mire girya ki tughyaani hai goyaa nuuh kaa tufaan giraayaa sar pe sail-e-ashk ne divaar-e-zindaan ko kisi yusuf-liqaa ki yaad mein royaa huun main itnaa giraayaa sar pe sail-e-ashk ne divaar-e-zindaan ko miraa be-khaanumaan honaa miri qismat mein likkhaa thaa giraayaa sar pe sail-e-ashk ne divaar-e-zindaan ko miri jaanib se hai dil mein ghubaar us be-muravvat ke nikaalegaa vo phir kyaa khaak mere dil ke armaan ko khalish kaa zaaiqa madd-e-nazar hai mujh ko ai hamdam jagah kyunkar na duun dil mein kisi ki nok-e-mizhgaan ko vo aae to miTe jaate hain kyon ye maajraa kyaa hai ilaahi ho gayaa ye kyaa miri hasrat ko armaan ko phaDakti hai rag-e-gardan miri kyon aaj phir 'nashtar' chaDhaayaa saan par qaatil ne shaayad tegh-e-burraan ko"

"tum hijr ke jhagDon ko miTaa kyon nahin dete bigDi hui taqdir banaa kyon nahin dete dard-e-dil-e-betaab ghaTaa kyon nahin dete mahfil se raqibon ko uThaa kyon nahin dete kyon hai khafagi kis liye maathe pe shikan hai taqsir miri aap bataa kyon nahin dete tum se jo kiyaa karte hain har-vaqt daghaaein ai hazrat-e-dil un ko duaa kyon nahin dete majbur huun main kashmakash-e-ranj-o-alam mein tum aa ke miri jaan chhuDaa kyon nahin dete tang aae hain ham-saaya jo fariyaad se meri us shokh fusun-gar ko bulaa kyon nahin dete ik bosa-e-rukhsaar kaa muddat se huun saail hain aap agar ahl-e-sakhaa kyon nahin dete vo puchhte phirte hain ki main kis ko miTaaun turbat ko miri log bataa kyon nahin dete martaa huun main tum par jo kahaa un se to bole ye sach hai to phir mar ke dikhaa kyon nahin dete vo tazkira-e-sadma-e-hijraan pe shab-e-vasl bole ki use dil se bhulaa kyon nahin dete jab main ne kahaa tum se hasin aur bahut hain kis naaz se bole ki dikhaa kyon nahin dete kyon qatl ki pursish pe sar-e-hashr ho khaamosh ilzaam raqibon pe lagaa kyon nahin dete hai 'nashtar'-e-naashaad jhukaae hue sar ko tum jauhar-e-shamshir dikhaa kyon nahin dete"

"main yaad huun un ki ye unhein yaad nahin hai mujh saa bhi jahaan mein koi naashaad nahin hai mahbub kaa har zulm hai ehsaan se behtar bedaad jise kahte hain bedaad nahin hai Dartaa hai ki charchaa na tire zulm kaa ho jaae lab par tire mazlum ke fariyaad nahin hai har gosha-e-aalam nazar-e-ghaur se dekhaa ik dil bhi gham-o-ranj se aazaad nahin hai sab mahv kiyaa ik nigah-e-lutf se tu ne pichhlaa tiraa koi bhi sitam yaad nahin hai mahrum koi kyon ho tire daur-e-sitam mein bad-bakht hai jo kushta-e-bedaad nahin hai vaaqif hi nahin zauq-e-asiri se vo hargiz jo kushta-e-be-mehri-e-sayyaad nahin hai thaa main jo sitam-dost kiyaa tu ne sitam tark kuchh kam ye sitam ai sitam-ijaad nahin hai kyaa baat hai ai dil tujhe chup lag gai kaisi kyon mashghala-e-naala-o-fariyaad nahin hai kyon mujh ko asiri mein rihaai ki havas ho kyaa dil mein mire ulfat-e-sayyaad nahin hai kahne ko to yuun sher sabhi kahte hain 'nashtar' vaaqif nahin jo fan se vo ustaad nahin hai"

"vo bhi kyaa din the ki jab chaah na thi pyaar na thaa hijr kaa ranj na thaa ishq kaa aazaar na thaa be-khudi teraa buraa ho mujhe jab hosh aaya dil na thaa siine mein pahlu mein vo ayyaar na thaa de ke dil un ko paDi jaan ghazab mein meri vasl ko kahiye to kahte hain ki iqraar na thaa kyon lahad ko mire Thukraa ke miTaayaa us ne meri jaanib se mukaddar jo sitamgaar na thaa lab pe fariyaad rahi ashk rahe aankhon mein kab tiraa dhyaan mujhe ai but-e-ayyaar na thaa ye bhi din hain ki hasinon pe miTaa jaataa huun vo bhi din the ki mujhe ishq kaa aazaar na thaa hashr mein fazl se apne mujhe haq ne bakhshaa go ki duniyaa mein koi mujh saa siyahkaar na thaa nigah-e-mast ne teri ye dikhaai taasir sab the badmast koi raat ko hushiyaar na thaa ai junun mausam-e-gul mein tire haathon he he daaman-o-jeb mein dekhaa to koi taar na thaa piTtaa thaa kabhi sar ko to kabhi siine ko shab-e-tanhaai mein ai shokh main bekaar na thaa kucha-e-yaar se yuun shaikh-o-barahman nikle sar pe dastaar na thi dosh pe zunnaar na thaa kyaa mohabbat ne miri apni dikhaai taasir kis liye bazm mein shab majma-e-aghyaar na thaa hajv-e-mai karte the kal hazrat-e-vaaiz sar-e-raah khairiyat guzri ki suntaa koi mai-khvaar na thaa yuun to shab bazm mein har ek gayaa aur aaya ek bad-bakht main hi thaa jise vaan yaar na thaa jaagtaa meraa nasiba jo shab-e-vasl-e-adu paasbaan ye to tiraa dida-e-bedaar na thaa dard-o-andoh-o-gham-o-ranj-o-alam ai 'nashtar' ek duniyaa thi miri laash pe vo yaar na thaa"

"kyaa bache dil jaan-levaa us kaa har andaaz hai ghamza hai ishva hai shokhi hai adaa hai naaz hai mahfil-e-ishrat mein meraa dil navaa-pardaaz hai naala-e-hasrat miraa goyaa sadaa-e-saaz hai tauba bhi kar leinge ham jab vaqt us kaa aaegaa hazrat-e-vaaiz dar-e-tauba abhi to baaz hai hogi phir be-e'tinaai hai abhi to iltifaat phir vahi anjaam hogaa phir vahi aaghaaz hai dekh to is but ko zaahid aur kah imaan se teri huron mein ye raanaai hai ye andaaz hai dil jigar chhid jaate hain aur kuchh khabar hoti nahin vo nigaah-e-naaz goyaa tir-e-be-aavaaz hai meri hasti ik muamma hai jise samjhaa na main yaa khudaa ye bhi tiri qudrat kaa koi raaz hai dar qafas kaa khol de sayyaad itminaan se tere said-e-shauq ko kab khvaahish-e-parvaaz hai sun ke meraa qissa-e-gham un kaa kahnaa naaz se vaah kyaa tarz-e-bayaan hai vaah kyaa andaaz hai dil lagaate hi mujhe laale paDe hain jaan ke us kaa kyaa anjaam hogaa jis kaa ye aaghaaz hai haae 'nashtar' vo miraa hamdard dil gham-khvaar dil ab kahaan hai ham-nashin koi kahaan hamraaz hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"