jo likhnaa chaahaa na likh paayaa main khudaa afsos — Naseem Shaikh

"banaa ke taaj-mahal khud use giraaungaa mohabbaton mein baghaavat hai kyaa dikhaaungaa qalam lagaa ke adaavat ke peD-paudon mein jo shaakh sabr kaa phal de vahi ugaangaa utar chuki hai miri ruuh mein shab-e-hijraan main us ko hijr ki mankuha ab banaaungaa ghamon ki aanch par aansu ubaal kar apne main apne zabt ki quvvat ko aazmaaungaa chalaa huun baad-e-mukhaalif main ek muddat se na chheDo mujh ko vagarna tumhein rulaaungaa karo na fikr sitaaron ki chaal jo bhi ho uThaa ke chaand chakori ke paas laaungaa lagaa ke siine se main raaston ke ye patthar khizaan mein giit bahaaron ke gungunaaungaa main tishnagi ko miTaane ke vaaste sahraa labon se tere main ye aable lagaaungaa bhanvar ke pairon mein hasrat ke baandh kar ghunghru gar ikhtiyaar mein hogaa to main nachaungaa main ek mauj-e-'nasimi' huun bastiyaan dil ki saraab-e-dasht tire saamne basaaungaa"

"zindagi ke naam par dhokaa huaa achchhaa huaa jo huaa jo bhi huaa jaisaa huaa achchhaa huaa khaa rahaa thaa dhire dhire ye sukut-e-jaan mujhe mahshar-e-jaan jaa-ba-jaa barpaa huaa achchhaa huaa ho ke baaghi aankh se aansu giraa rukhsaar par sohbat-e-hijraan vahi dariyaa huaa achchhaa huaa le rahi thi siskiyaan qirtaas par tahrir-e-jaan zaaiqa tahrir kaa kaDvaa huaa achchhaa huaa ungliyaan uThne lagin thiin hasrat-e-be-naam par hasraton kaa aks ab dhundlaa huaa achchhaa huaa thi mazaar-e-ishq par minnat ki chaadar ki tarah zindagi teraa yahaan saudaa huaa achchhaa huaa jis mohabbat ke liye duniyaa ko Thokar maar di aaj us ke naam par rusvaa huaa achchhaa huaa kab talak rahtaa salaamat mukhlisi kaa pairahan gardishon ke haath ye melaa huaa achchhaa huaa hosh mein rahte hue madhosh thaa sochaa nahin rah gayaa main jaa-ba-jaa bikhraa huaa achchhaa huaa kah gai mauj-e-'nasimi' dekh kar chehraa miraa ho gayaa daar-o-rasan likkhaa huaa achchhaa huaa"

"mujh se baazi le gayaa phir baa-khudaa meraa nasib main sisaktaa rah gayaa hanstaa rahaa meraa nasib zindagi ke naam par jab zindagi mujh ko mili imtihaan-dar-imtihaan likkhaa gayaa meraa nasib main to rishton ki tamaazat se jhulas kar rah gayaa aur us par tiir ki surat lagaa meraa nasib kyaa samajhtaa main bhalaa mahdud huun apne taiin ki sazaa hai yaa kisi ki bad-duaa meraa nasib hasraton ne laa ke pheinkaa jab mujhe baazaar mein boliyaan lagti rahin biktaa rahaa meraa nasib chaak par kuza-gari ke baad us khattaat ne haath ki uljhi lakiron par likhaa meraa nasib jab kahin gheraa ghamon ki aandhiyon ne baa-khudaa daldalon mein le ke mujh ko gir paDaa meraa nasib kab talak piitaa rahun ai zindagi main jaam-e-gham kab talak mujh se rahe kaa yuun khafaa meraa nasib ik qadam main ne uThaayaa toD kar zanjir-e-paa bichh gayaa kaanTon ki surat jaa-ba-jaa meraa nasib hai sabab mauj-e-'nasimi' ki ravaani kaa yahi dastaras mein jo nahin mere khudaa meraa nasib"

"lazzat-e-hijr ne taDpaayaa bahut rusvaa kiyaa toD kar pheinkaa mire zabt ko gum-gashta kiyaa aankh se TuuT ke barsaa mire khvaabon kaa lahu dil ki dahliz pe tanhaai ne jab sajda kiyaa main vahaan rah gayaa dekhaa mujhe logon ne yahaan haae taqsim mujhe ishq ne ye kaisaa kiyaa aagahi bakhsh ke tartib diyaa pahle mujhe ishq ne ruuh ko is jism se phir chaltaa kiyaa khaamushi ko na samajh le vo kahin meri shikast hashr ji-jaan mein jaan-levaa saa khud barpaa kiyaa khud se laDte hue le aayaa huun main khud ko vahaan mere saae ne judaa mujh se jahaan rasta kiyaa ho na jaaun kahin gum-gashta na miT jaaun kahin be-sabab dil ki tabaahi kaa miyaan charchaa kiyaa khauf thaa dasht utar jaae na mujh mein tab hi chashm-e-tishna kaa makin bahtaa huaa dariyaa kiyaa khud se bichhDaa to khulaa raaz ye dil par mere apni pahchaan ho qismat ne mujhe tanhaa kiyaa dil pe kyaa mauj-e-'nasimi' ne mire bosa dharaa- dil ki vahshat pe takallum ne mire qabza kiyaa"

"main kho chukaa huun ajab raaste banaate hue talaash kartaa huun ab zaaiche banaate hue khud apni raah ki divaar kar diyaa khud ko mohabbaton mein nae zaaviye banaate hue bichhaa ke jhiil takhayyul ke ek sahraa mein tujhe bhulaaungaa main daaere banaate hue nikal chukaa huun main apni hudud se aage nai radif nae qaafiye banaate hue ye haadisa bhi mujhe pesh aa gayaa afsos ki aaina saa huaa aaine banaate hue nigal chukaa huun hazaaron hi jaam talkhi ke surur-e-jaan ke liye zaaiqe banaate hue zamin se ubhraa to phir aasmaan ne kuchlaa mujhe kahin kaa main na rahaa martabe banaate hue khud apne paanv ki zanjir ban gayaa main to dilon ke beach nae silsile banaate hue palaT ke dekhaa nahin main ne zindagi ki taraf main dauDtaa rahaa bas ham ko the banaate hue mili hain mauj-e-'nasimi' ki qurbatein mujh ko aqidaton ke nae zaabte banaate hue"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"