jo nafraton kaa jamaal Thahraa — Ali Sarmad

"meri hasti-e-haal hanste hain mere din maah-o-saal hanste hain pahle har-pal jo log hanste the vo bhi ab khaal-khaal hanste hain us ki haazir-javaab baaton se mujh pe mere savaal hanste hain dil bhi us pal bahak saa jaataa hai jab sitamgar ke gaal hanste hain mere chhup-chhup ke dekhne pe vo apne gesu sambhaal hanste hain un kaa ronaa bhi khuub ronaa hai aur hansnaa kamaal hanste hain vo mere saamne nahin hanste vaise saahab jamaal hanste hain main to hargiz kabhi nahin hanstaa haan mire khadd-o-khaal hanste hain meraa dil jab bhi sher buntaa hai us pe mere khayaal hanste hain haan main paagal huun haan main divaana aao Daalein dhamaal hanste hain maangne ke liye hain phaile hue mere haathon pe thaal hanste hain yaar aghyaar sab baraabar hain sab hi de kar malaal hanste hain tu 'ali' kyuun udaas baiThaa hai gham ko dil se nikaal hanste hain"

"dil-e-muztar mujhe ik baat bataa saktaa hai tu kisi taur mujhe chhoD ke jaa saktaa hai ye tiri bhuul hai main tere sabab zinda huun mujh saa ziddi to badan toD ke jaa saktaa hai jis ne is khaak ke insaan ko izzat di hai vahi is khaak ko miTTi mein milaa saktaa hai to mire saath to hai phir bhi mire saath nahin is se baDh kar bhi mujhe koi sataa saktaa hai mire maulaa miri tanhaai miTaane ke liye mere jaisaa hi tu ik aur banaa saktaa hai mujhe maalum hai milnaa nahin mumkin lekin tu kisi raat mire khvaab mein aa saktaa hai miri ulfat kaa sar-e-bazm tamaasha kar ke aap apne ko tu itnaa bhi giraa saktaa hai zakhm-e-ulfat se navaazaa tu miraa mohsin hai tu miri zaat pe ehsaan jataa saktaa hai apne dilbar ke bulaave pe bahaane kaise vo to mahbub hai jab chaahe bulaa saktaa hai vo jo rote ko hansaane kaa hunar rakhte hain gar vo roein to unhein kaun hansaa saktaa hai apni marzi se mujhe chhoD ke jaane vaalaa miri yaadon ko kabhi dil se miTaa saktaa hai mujh ko jiine se mohabbat na mohabbat ki havas meri tarah koi jazbon ko sulaa saktaa hai siyah-bakhti mein tiri zaat bhi shaamil hai 'ali' tu kisi taur use duur haTaa saktaa hai"

"shaam kaa manzar uljhaa rasta ek kahaani tu aur main Dhaltaa suraj baDhtaa saaya kashti-raani tu aur main band ik kamra chup kaa manzar bhuli-bisri dipak yaad tanhaai dukh khauf ki lazzat dilbar-e-jaani tu aur main titli khushbu rang ki baatein shabnam se sharmile khvaab aas kaa panchhi gum-sum khvaahish raat-ki-raani tu aur main palkein chilman sharmaa-sharmi kam kam goyaa nazrein qurb raaton jaisi sidhi-saadi ik naadaani tu aur main raat ghaneri ghor ghaTaaein saavan si barsaat 'ali' yaad kaa panchhi vaqt-e-aakhir aankh mein paani tu aur main"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"