kaisaa andher kar gayaa suraj — Mohammad Daood Mohsin

"ham se lamhaat khushi ke bhi sanbhaale na gae dard par dard uThe aur vo Taale na gae maut se kam hain kahaan talkh ye mere din raat gham-e-furqat ke vo riste hue chhaale na gae khud ko mansub kiyaa naam tumhaare ham ne naz' ke vaqt bhi tum dil se nikaale na gae ghota-zan hote rahe bahr-e-tafakkur mein magar ham se asraar ke moti bhi khangaale na gae un ki yaadon ke thapeDon se nahin ham ko najaat ashk ke sail kabhi ham se sanbhaale na gae dard-o-gham ranj-o-alam karb-o-khalish ai 'mohsin' barq ki tarh gire aur ye Taale na gae"

"khud ko ummid ki nagri mein uThaa le jaao niind ke kuche se kuchh khvaab churaa le jaao apnaa kirdaar har ik vaqt sanbhaale jaao ham buzurgon ki bhi thoDi si du'aa le jaao jab chale aae ho is shahr-e-siyah-kaar mein tum 'aib har shakhs ke siine mein chhupaa le jaao khair ki raah dikhaate raho tufaanon ko biphri maujon ko bhi us samt bahaa le jaao ek lamhe mein pighal jaaeinge patthar 'mohsin' un pe tum apni vafaaon ki ghaTaa le jaao"

"hujum-e-gham ki vo saughaat yaad aati hai lahu ke ashkon ki baaraat yaad aati hai laraztaa dil hai judaai ki saa'aton se miraa vo qahr-e-hijr ki barsaat yaad aati hai charaagh dil ke sabhi jhilmilaane lagte hain shab-e-visaal ki har baat yaad aati hai mai-e-visaal se sarshaar the kabhi ham bhi nasha luTaati hui raat yaad aati hai vafaa-shi'aar hai 'mohsin' use to har ik pal 'inaayaton ki vo har baat yaad aati hai"

"khush-kalaami kaa miri anjaam ab bhi yaad hai mere ehsaanon kaa har in'aam ab bhi yaad hai raahat-e-dil raahat-e-jaan paikar-e-gulnaar thaa yaad hai vo shokhi-e-gulfaam ab bhi yaad hai bevafaai kar ke bhi vo ho gae hain naamvar be-sabab ham ho gae badnaam ab bhi yaad hai dil ke kuche mein dabe paanv chali aati hai yaad nim-vaa aankhon kaa vo paighaam ab bhi yaad hai muflis-o-naadaar faaqa-kash the ham paivand-kaar aur kitne the hamaare naam ab bhi yaad hai ik zaraa si baat par 'mohsin' vo us kaa ruThnaa kitni afsurda thi ik ik shaam ab bhi yaad hai"

"ik junun be-misaal chaahtaa huun bas tumhaaraa khayaal chaahtaa huun be-iraada jo tu ne bakhshi thi vo khushi phir bahaal chaahtaa huun muztarib ho gae hain zakhm-e-jigar ik sukun laa-zavaal chaahtaa huun bas dukhi dil kaa ye mudaavaa hai lamha lamha visaal chaahtaa huun daur-e-maazi mein le chalo mujh ko phir vahi maah-o-saal chaahtaa huun surkh-rui ke vaaste 'mohsin' ik hunar baa-kamaal chaahtaa huun"

"chaandi ki naav sone ki patvaar dekh kar khud ko Dubone aa gae manjhdaar dekh kar bas ik nigaah-e-naaz 'ajab kaam kar gai jiitaa huun un ki aankhon mein iqraar dekh kar ashkon mein Dhal ke bah gayaa kaajal shab-e-firaaq vo yuun machal gayaa mire ash'aar dekh kar jis ki muravvaton kaa bharosa nahin koi biktaa hai kaun aisaa kharidaar dekh kar qaaem hai is tarah miraa 'azm-e-safar abhi chaltaa rahaa huun vaqt ki raftaar dekh kar ai paikar-e-tilism tiri sehr-kaariyaan Dartaa huun tere husn kaa shahkaar dekh kar maaraa huaa hai aaj bhi 'mohsin' khulus kaa dil haartaa hai vo nigah-e-yaar dekh kar"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"kaam liyaa jab lafzon hi se khud ko bas naakaam kiyaa baat asar-andaaz hui jab she'ron ko paighaam kiyaa ye kaise saari duniyaa mein aaj bahut mashhur ho tum vaise to saari duniyaa ne tum ko bahut gumnaam kiyaa yak-rangi se 'aajiz aa kar rangaa-rangi ki khaatir jo mujh ko raas aayaa thaa us nilam ko nilaam kiyaa aksar tanhaai mein mujh ko yaad aa jaataa hai vo sab haan aaghaaz se pahle hi jis ko main ne anjaam kiyaa khaamoshi pas fan hai khudaa kaa sikhaa ham ne bhi lekin har-su roz machaayaa tahalka yaa paidaa kohraam kiyaa vaqt ke saath aur aap ke haathon qadrein kitni badli hain ek ilzaam se kitnaa kam hai haasil jo in'aam kiyaa kahiye husn aur 'ishq ko de kar apne dil ke khuun kaa lams kis ne use gul-rang kiyaa phir kis ne use gulfaam kiyaa ab kaa fasaad aaraam se guzre is koshish mein us ne to qashqa khinchaa dair mein baiThaa kab kaa tark islaam kiyaa"

"log kahte hain ki qaatil ko masihaa kahiye kaise mumkin hai andheron ko ujaalaa kahiye chehre paDhnaa to sabhi siikh gae hain lekin kaisi tahzib hai apnon ko paraayaa kahiye jaane pahchaane hue chehre nazar aate hain vaqt qaatil hai yahaan kis ko masihaa kahiye aap jis peD ke saae mein khaDe hain is ko sehn-e-gulshan nahin jaltaa huaa sahraa kahiye sab ke chehron pe hain akhlaaq-o-muravvat ke naqaab kis ko apnaa yahaan aur kis ko paraayaa kahiye shab ke maathe pe koi saaya numudaar huaa us ko ab pyaar ke aangan kaa saveraa kahiye zahr-e-tanhaai-e-gham pi ke mohabbat mein 'khayaal' kis tarah maut ko jiine kaa sahaaraa kahiye"

"vo dost thaa to usi ko adu bhi honaa thaa lahu pahan ke mujhe surkh-ru bhi honaa thaa sunahri haath mein taaza lahu ki fasl na di ki apne haq ke liye jang-ju bhi honaa thaa bagula ban ke samundar mein khaak uDaanaa thi ki lahar lahar mujhe tund-khu bhi honaa thaa mire hi harf dikhaate the meri shakl mujhe ye ishtihaar mire ru-ba-ru bhi honaa thaa kashish thi phuul si is mein to laa-muhaala mujhe asir-e-rang giraftaar-e-bu bhi honaa thaa sazaa to milnaa thi mujh ko barahna lafzon ki zabaan ke saath labon ko rafu bhi honaa thaa safar kaa bojh uThaane se peshtar 'saajid' mizaaj-daan-e-rah-e-justuju bhi honaa thaa"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"