lazzat-e-dard-e-jigar dost baDhaa detaa hai — Mukesh Indori

"sukun-parvar nigaahon ke sahaare chhin leti hai sunaami jab bhi aati hai kinaare chhin leti hai hansi bhi chhin leti hai khushi bhi chhin jaati hai bigaD jaati hai qismat to sitaare chhin leti hai musibat jab bhi aati hai to aansu le ke aati hai labon se muskuraahaT ke nazaare chhin leti hai koi hotaa nahin hai puchhne vaalaa ye qismat to gharibon mein hamaare sab sahaare chhin leti hai vidaaa ho kar chali jaati hain jab bhi beTiyaan ghar se to phir maan baap ki aankhon ke taare chhin leti hai pitaa ko naaz thaa jis par vahi aulaad phir ik din yaqin bhi toD deti hai sahaare chhin leti hai bahaarein jab kabhi gulshan se apne ruuTh jaati hain sabhi gulshan se vo rangin nazaare chhin leti hai muqaddar ko bigaDte der lagti hi nahin 'indori' kisi ki bad-duaaein sab bahaarein chhin leti hain"

"andheron ki hukumat ko miTaa kar apne ghar aayaa savere jaise hi aankhein khuli suraj nazar aayaa gayaa mathuraa banaras aur kaaba har jagah lekin milaa dil ko sukun jab lauT kar main apne ghar aayaa paDi hai maar jab se vaqt ki Darne lagaa huun main chaDhaa thaa jo javaani kaa nasha pal mein utar aayaa kai kaanTe bichhaae doston ne raah mein meri unhein chun kar unhin raahon se main saabit guzar aayaa akelaa laD rahaa huun zindagi ki jang bachpan se balaa ki bhiiD hai koi nahin apnaa nazar aayaa gharon mein qaid ho kar rah gai hai zindagi sab ki zamaane ki fazaa mein dost kaisaa ye asar aayaa zamaane vaale to kahte raheinge kahne do in ko hamesha maare hain patthar nazar jo bhi shajar aayaa duaaon kaa asar hai mere purkhon ki ye 'indori' hamesha dushmanon ke ghar mein un ke par katar aayaa"

"banda-parvar aap ki to zindagi aabaad hai aap ko is se gharaz kyaa gar koi barbaad hai hai ijaazat aap to mashk-e-sitam farmaaiye ham gharibon kaa kaleja baa-khudaa faulaad hai apnaa apnaa hai muqaddar apnaa apnaa hai nasib hai koi aabaad duniyaa mein koi barbaad hai khuun insaan kaa bahaate hain jo paani ki tarah aise logon ki badaulat gulsitaan barbaad hai kis qadar mushkil hai khul kar saans lenaa bhi yahaan sirf kahne ke liye apnaa vatan aazaad hai naujavaan haathon mein hai is mulk ki taqdir ab naujavaan haathon ke dam se mulk ye aabaad hai titliyon ke pichhe pichhe dauDnaa vo har taraf aaj tak ham ko laDakpan kaa zamaana yaad hai kis qadar rangi zamaana thaa vo bachpan kaa 'mukesh' kuchh tumhein bhi yaad hogaa kuchh mujhe bhi yaad hai"

"jurm-e-vafaa ki khuub sazaa de gayaa mujhe ik lambi zindagi ki duaa de gayaa mujhe zakhmon pe mere us ne namak tak chhiDak diyaa dard-e-jigar ki khuub davaa de gayaa mujhe aankhon mein ashk meri vo bhar kar chalaa gayaa meri vafaa kaa khuub sila de gayaa mujhe us ne sukun kab mujhe bakhshaa hai aaj tak bholi tasalliyon kaa nasha de gayaa mujhe jis ko bhi dost main ne sharik-e-safar kiyaa har ik qadam pe vo hi daghaa de gayaa mujhe ai dost raah chalte milaa jo faqir aaj vo meri zindagi kaa pataa de gayaa mujhe aankhon mein ashk siine mein rahne lagaa thaa dard sun li khudaa ne aaj qazaa de gayaa mujhe main ne hayaat jis ki sanvaari thi ai mukesh vo hi ghamon ki garm havaa de gayaa mujhe"

"kise khabar thi labon se hansi bhi chhinegaa zamaana ham se hamaari khushi bhi chhinegaa sahaaraa kaun gharibon ko dost detaa hai gharib ki to koi jhonpaDi bhi chhinegaa usi ke dam se hai qaaem nizaam saanson kaa ye zindagi hai usi ki kabhi bhi chhinegaa ye baat sun ke taajjub saa ho rahaa hai hamein kabhi kisi ki koi zindagi bhi chhinegaa lagaa de shauq se koi qalam pe paabandi hai kis mein dam jo miri shaairi bhi chhinegaa hai saadgi to azal se hi meri fitrat mein vo kaun hai jo miri saadgi bhi chhinegaa chaman mein shoala jo nafrat kaa uTh rahaa hai yahaan hansi gulon ki vahi taazgi bhi chhinegaa andhere jis ko muqaddar ne de diye hain 'mukesh' vo sochtaa hai miri raushni bhi chhinegaa"

"apni qismat ki lakiron ko ishaara na milaa koi jugnu koi moti koi taaraa na milaa jin kaa bachpan miri baanhon mein hi guzraa thaa kabhi is buDhaape mein mujhe un kaa sahaaraa na milaa gham ke maare to hazaaron hi zamaane mein mile mere jaisaa koi taqdir kaa maaraa na milaa ghuum aae hain jahaan saaraa magar aaj talak aap ke jaisaa hansi koi dobaara na milaa apni palkon ko bichhaayaa tiri raahon mein magar teri aamad kaa koi dil ko ishaaraa na milaa mujh ko duniyaa ne to nafrat ke sivaa kuchh na diyaa mar hi jaaungaa agar pyaar tumhaaraa na milaa jo safine ko kinaare se lagaa detaa mire haae qismat mujhe aisaa koi dhaaraa na milaa hai ghamon kaa vo bhanvar jis mein phansaa huun ai 'mukesh' zindagi ko miri khushiyon kaa kinaaraa na milaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"