main bhi kitnaa saada huun — Javed Rasheed Amir

"ham se puchhe koi chaahat kaa sazaa ho jaanaa narm guftaar kaa patthar kaa khudaa ho jaanaa jab main unvaan-e-mohabbat pe koi nazm likhun tum mahakte hue lafzon ki qabaa ho jaanaa naam khvaabon ki salibon pe na likhiye meraa meri fitrat hai haqiqat pe fidaa ho jaanaa main ne puujaa thaa tumhein dard-e-mohabbat ke sabab tum se ye kis ne kahaa thaa ki khudaa ho jaanaa dasht-e-tufaan mein agar meraa safina dekho tum miri maan ki tarah mahv-e-duaa ho jaanaa ab takalluf se koi kaam na lenaa 'aamir' jab vo tum se hon khafaa tum bhi khafaa ho jaanaa"

"khulus isaar paarsaai hayaa sadaaqat hijaab likhkhun main lafz paani ke DhunD laaun to barf ki ye kitaab likhkhun na main huun gulchin na baaghbaan huun main is gulistaan kaa mohtasib huun zaraa main kaanTe shumaar kar luun to par gulon kaa hisaab likhkhun miTe miTe se huruf khat ke na jaane kyaa kyaa sunaa rahe hain main aansuon ki zabaan samajh luun to tere khat kaa javaab likhkhun mahaktaa paikar hasin rangat ye mast aankhein jhuki jhuki si bataa tujhe main gulaab likhkhun nasha likhkhun yaa sharaab likhkhun bataa ye tu hi in aansuon se main zindagi ke likhun masaail ki tere chehre ke khubsurat nuqush par ik kitaab likhkhun jo bhigi palkon se tum ne ik din vafaa ke vaa'de kiye the mujh se tumhin bataao ki ab main un ko saraab likhkhun ki khvaab likhkhun sahar ke sar hain na jaane kitni andheri raaton ke qarz 'aamir' dhuein charaaghon ke dein ijaazat to raushni kaa hisaab likhkhun"

"hamaaraa khuun hai ye surkh aab thoDi hai ye ek zinda haqiqat hai khvaab thoDi hai chamak rahaa hai hamaari mohabbaton ke sabab vagarna chehra tiraa maahtaab thoDi hai sitam jo ham pe kare ham kahein use apnaa koi dimaagh hamaaraa kharaab thoDi hai ganvaa dein kyon bhalaa saanson ko ham bilaa maqsad hamaari ziist hai koi itaab thoDi hai khizaan ki garm havaaein hi chhin lein 'aamir' hamaaraa haq hai gulon kaa shabaab thoDi hai"

"guzrungaa main jidhar se baqaa chhoD jaaungaa be-harf kar ke lafz-e-fanaa chhoD jaaungaa daur-e-khizaan mein khaar bhi mahkeinge misl-e-gul main gulsitaan mein aisi fazaa chhoD jaaungaa tum lafz lafz karnaa tilaavat miri hayaat main iqtibaas-e-azm khulaa chhoD jaaungaa jis par hazaar mai-kade ho jaaein khud nisaar aankhon mein teri aisaa nasha chhoD jaaungaa 'aamir' sila mile na mile pyaar kaa mujhe lekin labon pe daad-e-vafaa chhoD jaaungaa"

"vafaa ke yaad jis ko fan bahut hain usi ke dost kam dushman bahut hain khudaa-raa apne aansu rok liije barasne ko abhi saavan bahut hain jahaalat surkh-ru taalim rusvaa andhere aaj-kal raushan bahut hain javaan beva guzaare ziist kaise koi rahbar nahin rahzan bahut hain jafaa dhokaa hiqaarat zulm nafrat sharaafat ke liye ye fan bahut hain main huun is daur kaa suqraat 'aamir' zamaane mein mire dushman bahut hain"

"fanaa huaa koi yahaan khitaab koi le gayaa ibaadatein kisi ki thiin savaab koi le gayaa vafaa ke jaam ke liye sajaae ham ne mai-kade magar labon se chhin kar sharaab koi le gayaa thi pyaar ki fazaa magar zabaan khuli na lab hile sitam ye us pe aankh se bhi aab koi le gayaa ye khushbuein bikher ke milaa hi kyaa bahaar ko larazti shaakh rah gai gulaab koi le gayaa fasaad ki haqiqatein likhi thiin jis mein harf harf varaq varaq masal ke vo kitaab koi le gayaa sukun is tarah luTaa dil-e-vafaa-shiaar kaa jo umr-bhar sajaae the vo khvaab koi le gayaa fareb-e-paak-daamani qadam qadam pe laghzishein vo 'aamir' aaj umr kaa hisaab koi le gayaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"