nasim-e-ku-e-yaar aae na aae — Abdul Jabbar Rahbar Aazmi

"adaa-e-nujum-o-qamar jaantaa huun mohabbat ki har rahguzar jaantaa huun nahin jaantaa kaun rahbar hai meraa chalaa jaa rahaa huun jidhar jaantaa huun rah-e-'ishq-o-ulfat ko aasaan na samjho baDi mushkilon ki Dagar jaantaa huun tamannaa-e-dil aarzu-e-jigar ko 'abas manzil-e-rahguzar jaantaa huun ye maanaa ki gul-chin ki nazrein hain miThi magar khaar ab baal-o-par jaantaa huun kabhi de diyaa chaandni ne jo dhokaa hamesha main shab ko sahar jaantaa huun na ab ham ko tarh-e-bahaaraan sunaa tu tiri baaghbaan har nazar jaantaa huun zamaane ke rangin talaatum ko dekho ki har sang-e-rah ko guhar jaantaa huun vo jaam-e-mohabbat pilaayaa jo tu ne use zindagi kaa samar jaantaa huun vahi husn ki baargah teri ab bhi kami nur-e-ahl-e-nazar jaantaa huun bulandi-e-ishq-o-mohabbat ki tujh ko dil-o-jaan o qalb-o-nazar jaantaa huun miri aastin hi se nikleinge dushman jinhein aaj tak be-khabar jaantaa huun nahin jaante mujh ko ab tak vo 'rahbar' ki jin ki main ik ik nazar jaantaa huun"

"paasbaanon paasbaani dekh li har nazar ki mehrbaani dekh li aae bole hans diye phir chal paDe chaar roza zindagaani dekh li ab chaman kaa rang rangin ho chukaa baaghbaan ki baaghbaani dekh li gul kaa daaman chaak dekhaa raat ko subh ko phir nauha-khvaani dekh li maali-e-gulshan kaa vo zulm-o-sitam bulbulon ki be-zabaani dekh li jin labon se jaa mile the lab mire un labon ki gul-fishaani dekh li be-khudi mein chaandni samjhaa kiye hosh mein sab zulm-raani dekh li is qadar maghrur but kaa kyaa sabab yaani umr-e-jaavedaani dekh li jo mere the rukh ko phere chal diye mujh mein koi naa-tavaani dekh li ham-safiron se pareshaan ho gayaa ruk gae jab raat raani dekh li is shabaabi daur pe kab tak hai naaz saare aalam ki javaani dekh li sunte the 'rahbar' tiri biptaa kahaan yuun tiri jaadu-bayaani dekh li"

"ashk barbaad kar rahaa huun main aaj unhein yaad kar rahaa huun main kaun jaane kise takhayyul mein shaad-o-naashaad kar rahaa huun main kyon pareshaan hai teraa mustaqbil jama rudaad kar rahaa huun main dil ko in nim-baaz aankhon se mard aazaad kar rahaa huun main lailaa-e-najad aur shirin ko qais farhaad kar rahaa huun main khaar-zaaron ko ab ba-rang-e-digar rashk-e-shamshaad kar rahaa huun main jis kaa rahbar na koi raahi ho raah ijaad kar rahaa huun main"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"