nur-e-mah ko shab tah-e-abr-e-tunak kyaa laaf thaa — Mamnoon Nizamuddin

"jo baad-e-marg bhi dil ko rahi kanaar mein jaa to so chukaa main faraaghat se bas mazaar mein jaa tamaam dard hon maalum kuchh nahin ki kahaan tire khadang ne ki hai tan-e-nazaar mein jaa yahi to rizq hai baad-e-fanaa miraa zaalim samajh ke barq-e-sharar-baar khaarzaar mein jaa qadam samajh ke tu rakh tishnigaan-e-hasrat se tihi nahin hai Tuk ulfat ki rahguzaar mein jaa uThi jo kulfat-e-dil kam ho meri kulfat mein ghubaar jaise ki mil jaae hai ghubaar mein jaa na ho kahin ki do-sad-khun-e-khufta hon bedaar sabaa jo jaae to aahista ku-e-yaar mein jaa khadang-e-ghamza to khaar-shigaaf hai us kaa chhupaae ji ko koi kaun se hisaar mein jaa"

"tire bimaar ki shaayad vidaa-e-jaan hai tan se janaaze ki vagarna vaan hai tayyaari kaa kyaa baais kahin vaqt-e-khitaab ai yaar apne munh se niklaa thaa lagaa kahne ki mujh mein aap mein yaari kaa kyaa baais mariz apne ko dekhaa aah khuun aaluda kyaa kyaa the na thaa gar dard dil mein naala-o-zaari kaa kyaa baais nahin kuchh zor se letaa koi dil do na do 'mamnun' ye majburi kaa kyaa maujib ye naa-chaari kaa kyaa baais mire siine mein gar aatish-kada pinhaan nahin zaalim fughaan o aah se har dam sharar-baari kaa kyaa baais tasavvur chashm-e-khubaan kaa muqarrar tum ko rahtaa hai vagarna hazrat-e-dil itni bimaari kaa kyaa baais huaa jab kaam apnaa kaam dil jab puchhne aae mujhe gham khaa chukaa ab meri gham-khvaari kaa kyaa baais ajab divaangi hai koi bhi yuun dil phansaataa hai bahut daanaa the tum 'mamnun' giraftaari kaa kyaa baais"

"koi hamdard na hamdam na yagaana apnaa ru-ba-ru kis ke kahein ham ye fasaanaa apnaa na kisu jaib ke hain phuul na daaman ke hain khaar kis liye thaa chaman-e-dahr mein aanaa apnaa faaeda kyaa jo hue shekh-e-haram raahib-e-dair na huaa dil mein kisi ke jo Thikaanaa apnaa hai hazaaron dil-e-pur-khun ko yahaan pech pe pech dekhiyo turra-e-mushkin na milaanaa apnaa"

"tujhe naqsh-e-hasti miTaayaa to dekhaa jo parda thaa haail uThaayaa to dekhaa ye sab tere hi husn kaa partav hai na dekhaa tujhe teraa saayaa to dekhaa buraa maaniye mat mire dekhne se tumhein haq ne aisaa banaayaa to dekhaa na huun kyunki 'mamnun' pir-e-mughaan kaa ye aalam jo saaghar pilaayaa to dekhaa"

"rahe hai ru-kash-e-nishtar har aabla dil kaa ye hausla hai koi balbe-hausla dil kaa abas nahin hai ye vaabasta-e-pareshaani kisi ki zulf ko pahunche hai silsila dil kaa hujum-e-ghamza-o-khail-e-karishma lashkar-e-naaz ajab sipaah se Thahraa muqaabla dil kaa kahun main kyaa ki huaa kaise be-jagah maail hai apne bakht kaa shikva nahin gila dil kaa shab-e-firaaq ne chhoDaa na sabr-o-taab-e-shakeb lagi ye aag ki asbaab sab jalaa dil kaa"

"khaa ke kal ho pech-o-taab uThThaa jo dil se naala thaa jaa ke gardun pe chamaktaa shoala-e-javvaala thaa khvaab mein bosa liyaa thaa raat ba-lab-e-naazuki subh dam dekhaa to us ke honTh pe but-khaala thaa vaah ri afsurdagi is khaatir-e-dil-gir ki ashk kaa qatra jo Tapkaa chashm se so zhaala thaa thi khayaale-e-mah-rukhaan se shab baghal labrez nuur aab se khaali va-lekin mai ba-rang-e-haala thaa kal ba-rang-e-ghuncha thi kis ko majaal-e-guftugu baat jab kartaa thaa munh mein dil kaa yak parkaala thaa bad-gumaani se Daraa varna liyaa teraa jo naam dekhnaa bose ki khaatir main lab-e-dallaala thaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"