pheinke rang havaa ne phir — Zubair Hamza

"is pari ne tumhein baalon mein sajaayaa phulo phulne vaalo ravaa hai tumhein jitnaa phulo duur kyon jaate ho aankhon se hasin chehro tum titliyaan to hain tumhein dekh ke zinda phulo khaak-e-ghurbat pe tamannaaein nahin ug saktin dil hai viraan to viraan rahegaa phulo vaapas auqaat mein aanaa ho to dam ghuTne lage ik khushi milne kaa matlab thaa ki itnaa phulo ab ke sajne lagin zulfon ke bajaae qabrein aisi rut mein na kisi shaakh pe khilnaa phulo har koi dekh ke maali ko duaa dene lage ai mire dosto aisaa phalo aisaa phulo sharm se surkh hue jaate ho us ke aage main na kahtaa thaa nazaakat vo hai dekhaa phulo us sitamgar ke masalne se shanaasaa nahin tum mat kisi bhuul mein rahnaa na mahaknaa phulo"

"khudaa ki sharm na kuchh ehtiraam masjid kaa lagaa huaa hai dukaanon pe naam masjid kaa ba-hukm-e-ishq jhukaa us ke saamne varna vo devi aur main beTaa imaam masjid kaa ye khuun thukti makhluq usi kaa kunba hai samajh liyaa jise tum ne tamaam masjid kaa ajiib qahr hai mimbar pe tanz karte hain vo log munh bhi hai jin par haraam masjid kaa haqiqatan to 'zubair' aage maabad-e-dil ke jo koi samjhe to kam hai maqaam masjid kaa"

"bahut hai naaz tujhe shahd ke hain nal tire honT karein jo kar sakein sairaab dil kaa thal tire honT ruvaan-ruvaan hama-tan-gosh ho ke suntaa hai sukhan-sukhan tiri aankhein ghazal-ghazal tire honT ye kaaenaat ki talkhi ko thukne vaale balaa kaa sabr kiye jaaein gar hon phal tire honT sukut-e-dahr miri shaah-rag katar jaataa agar na hilte miri jaan bar-mahal tire honT bahaar bhar di hai tujh mein 'zubair' kyaa us ne bahut gulaab giraate hain aaj-kal tire honT"

"taakhir thi chaman mein faqat tere pair ki khushbu ne saaaton mein zamaanon ki sair ki bhejaa gayaa hai jalte hue shahr mein mujhe aur hukm hai ki laaun khabar koi khair ki qudrat sukhan-saraai pe kaisi ki ham ne to ye chaah kar na ki kabhi chaahe baghair ki aankhon mein tab se gaD gae be-khvaabiyon ke tiir jab se fasil TuuT gai shab-ba-khair ki kyon rang niilaa paD gayaa sun kar ye aap se kyon zahr lag gai mujhe taarif ghair ki ik daastaan-e-talkh ba-pairaaya-e-latif ai saahibaan-e-sher ghazal hai 'zubair' ki"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"