saamne khanjar rakh kar dekhein — Mohammad Ali Asar

"aavaazon ke jangal mein sunaai nahin detaa vo bhiiD hai chehraa bhi sujhaai nahin detaa aafaaq ki vusat mein bikharne ko huun bechain kyuun jism ke zindaan se rihaai nahin detaa vo haqq-e-rifaaqat ki rivaayat kaa amiin hai vo haq bhi to ik bhaai ko bhaai nahin detaa paD jaae agar vaqt to is daur mein koi parbat to baDi baat hai raai nahin detaa baarish mein bhi vo bhigtaa rahtaa hai khushi se aandhi mein bhi vo peD duhaai nahin detaa be maange bhi de detaa hai shaahi jise chaahe aur maangne vaale ko gadaai nahin detaa vo shakhs jo rahtaa hai 'asar' aankh mein har-dam hairat hai ki khud mujh ko dikhaai nahin detaa"

"aansuon mein kabhi Dhali hai raat dard ban ke kabhi uThi hai raat koi suraj kahin se aa jaae kitni viraan ho gai hai raat subh se ham-kalaam hone ko ziina ziina utar rahi hai raat phir ujaalon kaa khuun huaa shaayad qatl-gaahon mein baT gai hai raat dil mein kohraam kam na hogaa 'asar' tum bhi so jaao so gai hai raat"

"kisi kaa naqsh jo pal bhar rahaa hai aankhon mein baDe khulus se ghar kar rahaa hai aankhon mein zamin se taa-ba-surayyaa hai raushni lekin yahaan to raat kaa manzar rahaa hai aankhon mein chalaa gayaa hai tasavvur ki sarhadon se pare vo ek shakhs jo aksar rahaa hai aankhon mein abhi abhi koi shahr-e-tarab se guzraa hai kise dikhaaun dhuaan bhar rahaa hai aankhon mein tiri nazar mein muravvat agar nahin na sahi miraa khulus baraabar rahaa hai aankhon mein"

"mire vajud se aati hai ik sadaa mujh ko ki mere jism se kar de koi judaa mujh ko miri talaash kaa haasil faqat tahayyur hai main kho gayaa huun kahaan khud nahin pataa mujh ko main apne jism ke andar simaT ke baiThaa huun bulaa rahaa hai kahin duur se khudaa mujh ko main tujh ko dekhun magar guftugu na kar paaun khudaa ke vaaste aisi na de sazaa mujh ko vo lahja ab bhi tasavvur mein gunjtaa hai 'asar' vo chehraa ab bhi dikhaataa hai aainaa mujh ko"

"ghazal-mizaaj hai yaksar ghazal kaa lahja hai saraapaa jaise nazaakat kaa istiaara hai qadam qadam pe charaaghon ki saans rukti hai ki ab to shahron mein jiinaa azaab lagtaa hai jhulasti shaam badalne lagi hai pairaahan tire badan ki tamaazat mein sehr kaisaa hai shagufta harf-e-navaa ajnabi se lagte hain udaas lafzon se apnaa qadim rishta hai na mausamon mein mahak hai na rat-jagon mein asar tumhaare shahr kaa mausam bhi kitnaa phikaa hai chahaar-samt khayaalon ki ret bikhri hui hamaari pyaas kaa manzar ye reg-e-sahraa hai ab apni tishna-labi par na jaaiyegaa 'asar' samundaron kaa muhaafiz bhi aaj pyaasaa hai"

"TuuT kar rah gayaa aaine se rishta apnaa ek muddat hui dekhnaa nahin chehraa apnaa koi tufaan hai na ab koi talaatum dil mein saahil-e-dard pe Thahraa hai safina apnaa lafz-o-maa'ni ke nae phuul ubhar aaeinge naqsh ho jaae jo qirtaas pe lahja apnaa yaad khushbu hai chhupaane se kahaan chhupti hai mauj-e-gul khud hi banaa leti hai rasta apnaa jis ke jaane se munavvar hue palkon pe charaagh aaj tak us ne dikhaayaa nahin chehraa apnaa raat ke saath 'asar' lauT ke ghar jaataa hai raasta dekh rahaa hogaa daricha apnaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"