sach se jab imaan uThaanaa paDtaa hai — Arvind Sharma Azaan

"taDap hayaat mein baaham rahe to baat bane khushi ke saath agar gham rahe to baat bane sajaa ke dekh lo mahfil hazaar rangon se tumhaare saath agar ham rahe to baat bane ye maanaa ki mujhe rone kaa kuchh shuur nahin magar ye aankh zaraa nam rahe to baat bane tumhaare lams mein chaaragari sahi lekin tumhaare haath mein marham rahe to baat bane anaa-pasand bulandi pe aa ke bhuul gae agar kamaan zaraa kham rahe to baat bane zaraa saa talkh ho lahja to koi baat nahin agarche lafz mulaaem rahe to baat bane miri nigaah kahaan tak javaab degi 'azaan' tiri nigaah ye mubham rahe to baat bane"

"kitaab-e-zist kaa dhundlaa cover utaarte hain ab is maqaam pe gard-e-safar utaarte hain khizaan kaa jo bhi huaa thaa asar utaarte hain chaman ke phuul chaman ki nazar utaarte hain dikhaaein kaise manaazir ufaq ke aankhon ko chalo zamin pe shams-o-qamar utaarte hain lahu mein utraa hai aaseb is liye ham ab lahu nichoD ke har ek shar utaarte hain ik aasmaan jise kah rahe hain log abhi kaheinge kyaa vo zamin par agar utaarte hain agar ki khvaab ki taa۔bir dekhni ho hamein to pahle aankh se saare bhanvar utaarte hain gham-e-jahaan gham-e-yaar do kinaare hain to dekhiye ye thapeDe kidhar utaarte hain khud apne hone se inkaar kar diyaa ham ne yuun apne hone kaa is dil se Dar utaarte hain phir ek din mujhe tajsim kar ke bolaa 'azaan' ham apne fan mein faqat baa-hunar utaarte hain"

"safar karun to baraabar dikhaai detaa hai nazar se duur huaa ghar dikhaai detaa hai khuli nigaah se duniyaa ko tu ne dekhaa nahin khuli nigaah se behtar dikhaai detaa hai vo shakhs jis ne muhayyaa karaai chhat mujh ko sulagti dhuup mein aksar dikhaai detaa hai basaa huaa hai mire zehn mein vo misl-e-mahal tumhein jo ghar abhi khanDar dikhaai detaa hai talaash-e-dost mein ye masala ajab aaya saf-e-adu mein bhi rahbar dikhaai detaa hai mukhaalifat ho agar dil mein yaa ho tang-nazar to maahtaab bhi patthar dikhaai detaa hai to kyaa ye maan luun dhokaa nazar kaa hai ye 'azaan' vo saamne to nahin par dikhaai detaa hai"

"shiddat se main ne khud ko ubhaaraa zamin par saayaa magar banaa hai tumhaaraa zamin par aa kar vo is tarah miri baahon mein gir gayaa girtaa hai jaise TuuT ke taara zamin par rang-e-bahaar ab ke khizaan le ke uD gai chhoDaa nahin hai koi nazaaraa zamin par dekhaa zamin par to nigaahein jhulas uThin aks-e-badan hai teraa sharaara zamin par vahshat ne aasmaan pe mujh ko biThaa diyaa khuddaariyon ne phir se utaaraa zamin par likh likh ke pheink Daale hain tujh ko hazaar khat yuun apne dil kaa bojh utaaraa zamin par aankhon ne ashk-e-yaas bahaae to pi gae karnaa paDaa hai yuun bhi guzaaraa zamin par khaamoshiyaan bhi chikh rahi hain sadaaon mein maaraa gayaa hai dard kaa maaraa zamin par baadal tamaam ab ke samundar mein jaa gire ye kis ne aansuon ko pukaaraa zamin par ik aashiyaan falak pe banaaeinge ham 'azaan' ji tang aa gayaa hai hamaaraa zamin par"

"ab takhayyul mein hi tasvir banaani hai mujhe yaani tadbir se taqdir banaani hai mujhe rizq kaisaa hai muqaddar mein likhaa kyaa hai mire kyaa isi fan se hi jaagir banaani hai mujhe kitni qaatil hai tiri aankhein pataa hai tujh ko teri aankhon ko hi shamshir banaani hai mujhe teri yaadon ne hi toDi hai khamoshi meri main to samjhaa thaa ki zanjir banaani hai mujhe jaagti aankh se ik khvaab koi dekhaa thaa kyaa isi khvaab ki taabir banaani hai mujhe"

"ab takhayyul mein hi tasvir banaani hai mujhe yaani tadbir se taqdir banaani hai mujhe rizq kaisaa hai muqaddar mein likhaa kyaa hai mire kyaa isi fan se hi jaagir banaani hai mujhe kitni qaatil hai tiri aankhein pataa hai tujh ko teri aankhon ko hi shamshir banaani hai mujhe teri yaadon ne hi toDi hai khaamoshi meri main to samjhaa thaa ki zanjir banaani hai mujhe jaagti aankh se ik khvaab koi dekhaa thaa kyaa isi khvaab ki taabir banaani hai mujhe surakh-ru kar de mujhe aa ke chalaa de khanjar is lahu se koi tahrir banaani hai mujhe jaavedaani to mayassar hi nahin hai mujh ko phir bhi duniyaa mein to tauqir banaani hai mujhe"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"