sar-e-nigaah bisaat-e-jahaan to kuchh bhi nahin — Hadis Salsal

"nishaan-e-subh-gah-e-jaavedaan koi nahin hai charaagh-e-dida-e-shab-zaad-gaan koi nahin hai kharaab-e-hasrat-e-umr-e-masih-e-aalam huun khushaa mudaavaa-e-zakhm-e-gumaan koi nahin hai saraapaa zakhm-e-khadang-e-nigaah-e-fardaa huun maqaam-e-dil sar-e-maujudagaan koi nahin hai na baandh misra-e-tamhid-e-kulfat-e-hasti yahaan pe koh-e-tamannaa ba-jaan koi nahin hai ghubaar-e-jaada-e-tanhaa dayaar-e-sar-gardaan ki be-rihaaish-o-be-khaanumaan koi nahin hai pas-e-vafaa-e-taghaaful-sifat ba-zom-e-vafaa ba-juz yaqin-e-qarib-e-gumaan koi nahin hai to phir ye parda-e-takhliq chashm-e-hairat hai agar ba-farz-e-giraan aasmaan koi nahin hai charaagh-e-matla-e-ummid-gaah raushan hai agarche jalva-figan taa-karaan koi nahin hai maqaam-e-fikr-o-amal hai ki be-niyaazi-e-shauq ki dil mein khadsha-e-sud-o-ziyaan koi nahin hai ba-tama-daari-e-ganj-e-maaaniyaan-e-ajab shumaar-e-hasrat-e-ganj-e-ravaan koi nahin hai tamaasha-bin tamaashaa-e-khud-farebi hain navaa-e-naghma-o-naara-zanaan koi nahin hai khumaar-e-baada-e-kuhna-navaaz-e-kam-nazari faraagh-e-sohbat-e-fahmidagaan koi nahin hai sitam-rasida-e-shab-haa-e-intizaar-e-sahar fughaan ki muntazir-e-nim-jaan koi nahin hai fasurdagi ko guzargaah-e-nau-bahaari se ilaaqa-e-havas-e-bostaan koi nahin hai kahaan sifaat-e-bayaan-e-ali kahaan 'haadis' magar ba-hasb-e-sukhan qadr-daan koi nahin hai"

"shikan-aalud hai peshaani-e-doshiza-e-khuld nigah-e-rizvaan ba-daamaani-e-doshiza-e-khuld bast-e-nukta piye kam-bini-e-chashm-e-aashiq vusat-e-aalam-e-hairani-e-doshiza-e-khuld na huaa haasil-e-dushvaari-e-kaar-e-farhaad ghulghula-haa-e-pashemaani-e-doshiza-e-khuld jaada-e-raah-e-muzaafaat-e-sukhan-haa-e-darun hain muzayyan ba-gul-afshaani-e-doshiza-e-khuld vo sar-e-bazm ba-aahang-e-sitaar-o-barbat haae andaaz-e-ghazal-khvaani-e-doshiza-e-khuld ham hain zindaani-e-zindaan-e-takhayyul 'haadis' na ki mushtaaq-e-tanaasaani-e-doshiza-e-khuld"

"dida-e-kam-sifaat andar se tu ne dekhi hai raat andar se khvaahish-e-naara-e-zafar-yaabi mujh ko honi hai maat andar se khair-maqdam na kar urus-e-chashm luT chuki hai baraat andar se ai fareb-e-barun-e-mausam-zard sabz the saare paat andar se apne ThanDe badan ko chhutaa huun junhi jalte hain haat andar se hasrat-e-daad-e-justuju na rahi aisi bigDi hai baat andar se haae vo ghar ki jis mein pesh aae dastki haadsaat andar se sharar-afshaani-e-bayaaz-e-ghazal kyaa hue kaaghzaat andar se surmai khushbuon ke nashsha hai raqs-farmaa hai raat andar se koi lutf-e-ajab ki hai masdud jihat-e-sad-jihaat andar se"

"savaal-e-tajurba-e-kaar-e-sakht uThne lagaa so phir tamavvuj-e-andoh-bakht uThne lagaa ba-kaj-adaya-e-khubaan-e-naaz-e-aalam se tayaqqun-e-dil-bargashta bakht uThne lagaa dukaan-o-majlis-e-naa-aashnaa-e-jauhar se ye arjumand ba-asbaab-o-rakht uThne lagaa ba-qadr-e-ramz jahaan fahma-e-nigaah-e-dil nashin-e-kucha-o-sahraa-o-takht uThne lagaa ba-iltihaab-e-tamannaa-e-did-e-haasil-e-ishq dhuaan saa az-jigar-e-lakht-lakht uThne lagaa khabar to thi mire dair-aashnaa ko duniyaa se ki 'haadis'-e-gham-e-aghmaaz-e-bakht uThne lagaa"

"gham-zada main bhi nahin aur ghamin tu bhi nahin ab to paaband-e-vafaa main bhi nahin tu bhi nahin main bhi uftaada-e-andaaz-e-tamannaa-e-hayaat yaa'ni doshiza-e-firdaus-e-barin tu bhi nahin ai shafaq-khezi-e-ijmaal-e-sahar sad-afsos aks-e-taariki-e-shab-haa-e-hazin tu bhi nahin main ki ham-zaad-e-nashinaan-e-harim-e-khasta haae kaashaana-e-be-khas kaa makin tu bhi nahin zinat-e-saaya-e-divaar-e-makaan meraa gumaan aur koi bhi nahin saaya-nashin tu bhi nahin ruh-e-pazh-murda-e-takhayyul lab-o-mushaf-e-naaz is udaasi kaa sabab mere taiin tu bhi nahin fitrat-e-gardish-e-aalaam-e-taghayyur se varaa khugar-e-aish magar main bhi nahin tu bhi nahin"

"khvaahish-e-meva-e-tar ho ye zaruri to nahin har koi khuld-badar ho ye zaruri to nahin tesha-e-gham ko sanam-saazi-e-hasti se gharaz sang vaabasta-e-dar ho ye zaruri to nahin main huun aaluda ba-khun-e-jigar-o-khaak-e-jahaan vo tiri raahguzar ho ye zaruri to nahin kuchh jamaal-e-kam-o-kaj-bini-e-khush-chashm bhi hai sab tiraa husn-e-nazar ho ye zaruri to nahin ai hunar-mand-e-jaraahat talab-e-khaama tujhe daava-e-zakhm-e-hunar ho ye zaruri to nahin raanda-e-halqa-e-aaghosh pas andesha-e-jamaal teraa manzur-e-nazar ho ye zaruri to nahin lafz-e-sir mein mire eraab taraaz-e-mukhlis zer ki jaa pe zabar ho ye zaruri to nahin ye bhi malzum nahin to ho giraftaar-e-khirad mujh ko bhi apni khabar ho ye zaruri to nahin baad-e-taqrib-e-tamannaai-e-nazzaara-e-tur taaqat-o-taab-e-nazar ho ye zaruri to nahin aalam-e-be-khudi-e-ishrat-e-be-ghaayat hai ruuh masrur magar ho ye zaruri to nahin hai mai-e-shauq mein aamezish-e-talkhaab-e-gumaan phir bhi takhfif-e-asar ho ye zaruri to nahin dil ba-afzaaish-e-khuddaari-e-aahang-e-sukhan khaaef-e-ahl-e-nazar ho ye zaruri to nahin piri-e-ishq se huun sehat-e-maashuq-shikaar dil tavaanaa-e-jigar ho ye zaruri to nahin surat-e-qurb-e-musalsal bhi nikal sakti hai baam par umr basar ho ye zaruri to nahin bas ki ik vasvasa-e-barg-e-khizaan-dida hai khuld-e-imkaan mein shajar ho ye ye zaruri to nahin inhisaar-e-gham-e-hasti ba-gham-e-marg-e-havas 'haadis'-e-khaak-basar ho ye zaruri to nahin"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"