shaam Dhale jab paapaa ghar mein aate the — Deepak Ghazipuri

"baadalon se 'ishq ki sab hasraton ko chhoD kar bundein aati hain zamin par khvaahishon ko chhoD kar gaanv ki miTTi ki sondhi khushbuon ko chhoD kar ham kamaane aa gae apni jaDon ko chhoD kar zindagi mein ham ko itne zakhm phulon se mile dil lagaayaa kaanTon se ham ne gulon ko chhoD kar daur-e-haazir mein 'adaalat kaa yahi insaaf hai saare kaaraagaar mein hain mujrimon ko chhoD kar aasmaan chhu lein magar buniyaad se lipTe rahein peD zinda rah na paayaa hai jaDon ko chhoD kar hai faqat duniyaa mein ab to jhuuT kaa hi kaarobaar kaun sach kahtaa yahaan hai aainon ko chhoD kar"

"yahi hai un ki tamanna to kar ke dekhte hain fazaa mein khushbu ke jaise bikhar ke dekhte hain mahaaz-e-jang mein ik din utar ke dekhte hain nahin visaal mayassar to mar ke dekhte hain ye dekhte hain hamein jo Thahar ke dekhte hain hamaare vaaste kyaa kar guzar ke dekhte hain ki un ke dil mein hai dhokaa nazar farebi hai ye jhuuT hai ki hamein aankh bhar ke dekhte hain charaagh phir se jalaate hain yaar ulfat ke ki nafraton ke chalo par katar ke dekhte hain ki titliyon se hi kuchh rang udhaar lete hain chalo na khvaab mein kuchh rang bhar ke dekhte hain"

"hain sach yaa jhuuT ke rishte kabhi na dekh sake naqaab mein chhupe chehre kabhi na dekh sake ye naa-khushi se vasiyyat ko dekhne vaale pitaa ke haath ke chhaale kabhi na dekh sake tumhaare 'ishq ke sapne hazaar dekhe par tumhaaraa haath pakaD kar kabhi na dekh sake yuun dekhne ko to nafrat ke shahr dekhe hain jahaan mein pyaar ke qasbe kabhi na dekh sake kisi faqir se sabr-o-sukun kharid sakein ham itne aaj bhi paise kabhi na dekh sake qafas mein qaid parinde udaas baiThe hain ki aasmaan mein uD kar kabhi na dekh sake"

"yuun gham baiThe hain sirhaane hamaare ki jaise dost hain sachche hamaare hamaari raah ham se puchhti hai hue kyon gum-shuda sapne hamaare milegi manzil-e-maqsud ik din hain kahte paanv ke chhaale hamaare abhi khaamosh rahnaa laazmi hai abhi gardish mein hain taare hamaare tumhaari yaad mein roeingi aankhein tumhein DhunDheinge aaine hamaare hamein tab ghair bhi apnaa kaheinge ki din aaeinge jab achchhe hamaare viraasat mein mili daulat sabhi ko hain zimmedaariyaan hisse hamaare hamein hi aankh ab dikhlaa rahe hain ki ye shatranj ke pyaade hamaare"

"rafta-rafta pighal rahaa huun main ek 'arse se jal rahaa huun main so gai niind haar kar mujh se ab bhi karvaT badal rahaa huun main haae qismat se Thokarein khaa kar gir rahaa huun sanbhal rahaa huun main khud ki arthi uThaa ke kaandhe par khair tanhaa hi chal rahaa huun main aaj bikhraa huaa huun lafzon mein kal musalsal ghazal rahaa huun main"

"bataaein kyaa ki kyaa kyaa boltaa hai ki jab duniyaa mein paisa boltaa hai zabaan se kuchh vo bole jhuuT yaa sach haqiqat us kaa chehra boltaa hai jo sach kaa dam ghuTaa to kuchh na bolaa to khud ko kaise zinda boltaa hai siyaasat kyaa kahein kaisi balaa hai yahaan kavvaa bhi miThaa boltaa hai qalam TuuTi zabaan girvi hai jis ki andhere ko ujaalaa boltaa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"