tanhaaiyon ke dasht mein bhaage jo raat bhar — Ata Turab

"kahin jamaal-paziri ki had nahin rakhtaa main baDh rahaa huun tasalsul se qad nahin rakhtaa ye qabl o baad ke us paar ki hikaayat hai miraa davaam azal aur abad nahin rakhtaa vo ek ho ke bhi ham se ginaa nahin jaataa vo ek ho ke bhi aage adad nahin rakhtaa ye umr bhar ki riyaazat miraa muqaddar hai taraashtaa huun jise khaal-o-khad nahin rakhtaa vo ik sukhan hi hamaari sanad na ban jaae vo ik sukhan jo tumhaari sanad nahin rakhtaa 'turaab' kaasa-e-dil pesh kar diyaa jaae sunaa hai koi sakhaavat ki had nahin rakhtaa"

"aasmaanon mein bhi darvaaza lagaa kar dekhein qaamat-e-husn kaa andaaza lagaa kar dekhein ishq to apne lahu mein hi sanvartaa hai so ham kis liye rukh pe koi ghaaza lagaa kar dekhein ain mumkin hai ki joDe se ziyaada mahke apne collar mein gul-e-taaza lagaa kar dekhein baaz-gasht apni hi aavaaz ki ilhaam na ho vaadi-e-zaat mein aavaaza lagaa kar dekhein"

"raat vahshat se gurezaan thaa main aahu ki tarah paanv paDti rahi zanjir bhi ghungru ki tarah ab tire lauT ke aane ki koi aas nahin tu judaa mujh se huaa aankh se aansu ki tarah ab hamein apni jihaalat pe hansi aati hai ham kabhi khud ko samajhte the arastu ki tarah haan tujhe bhi to mayassar nahin tujh saa koi hai tiraa arsh bhi viraan mire pahlu ki tarah naaz o andaaz mein shaaista saa vo husn-e-nafis hu-ba-hu jaan-e-ghazal hai miri urdu ki tarah"

"kab kahaan kyaa mire dildaar uThaa laaeinge vasl mein bhi dil-e-be-zaar uThaa laaeinge chaahiye kyaa tumhein tohfe mein bataa do varna ham to baazaar ke baazaar uThaa laaeinge yuun mohabbat se na ham khaana-ba-doshon ko bulaa itne saada hain ki ghar-baar uThaa laaeinge ek misre se ziyaada to nahin baar-e-vajud tum pukaaroge to har baar uThaa laaeinge gar kisi jashn-e-masarrat mein chale bhi jaaein chun ke aansu tire gham-khvaar uThaa laaeinge kaun saa phuul sajegaa tire juuDe mein bhalaa is shash-o-panj mein gulzaar uThaa laaeinge"

"numu-pazir huun har dam ki mujh mein dam hai abhi miraa maqaam hai jo bhi vo mujh se kam hai abhi taraash aur bhi apne tasavvur-e-rab ko tire khudaa se to behtar miraa sanam hai abhi nahin hai ghair ki tasbih kaa koi imkaan mire labon pe to zikr-e-manam manam hai abhi 'turaab' par kahaan hotaa hai ye khudaa kaa khalaa mire vajud ke andar kahin adam hai abhi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"