un ke kaandhe pe sar rahegaa kyaa — Indu Mishra Kiran

"ghamon mein jo ham muskuraane lage hain sitam aur vo ham pe Dhaane lage hain safar tai kiyaa hai abhi tak ye kitnaa mujhe aable ye bataane lage hain nae aur dene ki koshish hai jaari mire dard un ko puraane lage hain jinhein khun-pasine se paalaa hai ham ne hamein aankh ab vo dikhaane lage hain 'kiran' ki hi baaton kaa jaadu hai ye to andhere jo ab munh chhupaane lage hain"

"maand paDti jaa rahi is raushni kaa kyaa karun sar pe ab aane lagi is tirgi kaa kyaa karun jis mein tere pyaar ke vaa'don ki TuTan hai chhupi dil ko hai bhaati bahut vo shaa'iri kaa kyaa karun yuun mujhe tanhaai mein rahne ki 'aadat paD gai jis se man miltaa nahin us aadmi kaa kyaa karun bevafaa vo hi huaa hai jis se chaahi thi vafaa prem ki is dil mein bajti baansuri kaa kyaa karun raushni hi raushni hai har taraf bikhri hui par jo mere dil mein hai us tirgi kaa kyaa karun jaanti huun main 'kiran' dil mein rakhe hain khoT vo jo jalaa de dil miraa main us hansi kaa kyaa karun"

"raushni ban ke tire sang Thahar jaaungi main mohabbat huun tire dil mein utar jaaungi zindagi teri hi raahon mein bichhaa rakkhi hai tu na aayaa to tiri yaad mein mar jaaungi khat khayaalon mein likhe the jo tiri yaadon mein un khaton ko bhi tire naam hi kar jaaungi dil ke darpan mein sadaa tujh ko basaayaa main ne gar mujhe tu na milaa main to bikhar jaaungi hai mohabbat to kaho khul ke hi dil ki baatein paar dariyaa ye tire saath hi kar jaaungi 'ishq to kuchh bhi nahin sirf bharosa hai ye mil gayaa mujh ko bharosa to sanvar jaaungi tirgi se na Daro mujh pe bharosa kar lo main 'kiran' huun tiri raahon mein pasar jaaungi"

"kisi kaa buraa to bhalaa hai kisi kaa mohabbat mein dil bik chukaa hai kisi kaa mohabbat mohabbat mohabbat karegaa yahi bas yahi faisla hai kisi kaa kabhi chain lene nahin detaa mujh ko jo khvaabon mein chehra dikhaa hai kisi kaa jo yaadon mein mere rahaa saath aksar vahi naam dil pe likhaa hai kisi kaa kabhi dil ye hanstaa kabhi hai ye rotaa ye jaadu bhi kaisaa chalaa hai kisi kaa mohabbat ke phande jaDe is mein dekho jo sweater ye ham ne bunaa hai kisi kaa zaraa der Thahro to dariyaa kinaare 'kiran' ab safinaa rukaa hai kisi kaa"

"gum hui saari raushni si hai har taraf ab to tirgi si hai kaise main us se duur ho jaaun ye mohabbat to bandagi si hai kaan mein gholti hai ras jaisaa us ki aavaaz baansuri si hai kaise haivaaniyat hui haavi us ki fitrat to aadmi si hai mujh ko kuchh aur hi sunaao tum ye kahaani kahin paDhi si hai un ki maujudgi hui jab se zindagi tab se zindagi si hai ai 'kiran' chhu lo aasmaan ko ab aaj baarish bhi kuchh thami si hai"

"khvaab mein jab bhi koi aataa hai dil ke taaron ko chheD jaataa hai us pe divaangi hui haavi is liye khul ke muskuraataa hai in mahakti hui fazaaon mein hai koi jo mujhe bulaataa hai mujh ko apnaa banaane vaalaa kyon har ghaDi mujh ko aazmaataa hai meri aankhon mein khvaab hain us ke aankh mujh se nahin milaataa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"