us ne haathon mein jab le liyaa aaina — Danish Noorpuri

"chaand suraj koi akhtar nahin dekhaa ham ne aap ke jaisaa munavvar nahin dekhaa ham ne tujh se bichhDe to kabhi ghar nahin dekhaa ham ne apne saae ko bhi muD kar nahin dekhaa ham ne ham ko maa'lum nahin hotaa hai kaisaa darpan aaj tak apnaa bhi paikar nahin dekhaa ham ne fazl par us ke bharosa thaa magar khud pe na thaa so gunaahon kaa koi dar nahin dekhaa ham ne chiil kavve to bahut dekhe tiri basti mein amn kaa koi kabutar nahin dekhaa ham ne ik nazar paDte hi ye taab-e-nazaara bhi gai is liye us ko mukarrar nahin dekhaa ham ne log paDh lete hain chehre pe likhi hasrat ko ik nazar dekhaa baraabar nahin dekhaa ham ne baat karnaa to bahut duur hai 'daanish' us ko aankh bhar kar kabhi dam bhar nahin dekhaa ham ne"

"vo jo bole to anjuman mahke dasht hansne lage chaman mahke zikr un kaa labon pe aate hi lafz khushbu banein dahan mahke jab khayaalon mein un ki khushbu ho she'r ki shakl mein sukhan mahke Daal di jis pe ik nazar ham ne 'umr bhar us kaa baankpan mahke achchhe aa'maal ke natije mein maut ke baa'd bhi kafan mahke vo jo hon sham'-e-anjuman 'daanish' baa-khudaa har vo anjuman mahke"

"koi khayaal na aayaa tire khayaal ke baa'd nazar ko koi na bhaayaa tire jamaal ke baa'd hamaare zakhm lagaate rahe sadaa tum ko hare jo hote rahe yaar indimaal ke baa'd hamaare hijr mein un ki bhi aankh bhar aai khushi se rone lage ham bhi us malaal ke baa'd shumaar ho gae murdon mein kitne zinda log hayaat mil gai kitnon ko intiqaal ke baa'd khushi ke lamhe jo aae to un se ham bole zaraa saa Thahro tum aae ho kitne saal ke baa'd du'aa visaal ki kyon maangte ho ai 'daanish' bachegaa maangne ko kyaa shab-e-visaal ke baa'd"

"niind us ne miri churaai hai phir bhi daa'vaa-e-paarsaai hai jab ghazal us ne gungunaai hai 'umr-e-rafta ki yaad aai hai be-sabab to nahin dhaDaktaa dil dar pe aahaT kisi ki aai hai ham ne maanaa ki vo na maaneinge baat kahne mein kyaa buraai hai shikva karnaa miraa raqibon se ik tarah ye bhi jag-hansaai hai un ko apnaa bhi kah nahin sakte haae qismat kahaan pe laai hai un ko rah rah ke yaad karnaa bhi mudda'aa-e-ghazal-saraai hai main payambar huun chaand taaron kaa tirgi se miri laDaai hai din ko din kah diyaa hai kyaa main ne raat kyon itni tilmilaai hai un kaa ehsaan kitnaa hai 'daanish' raah sidhi hamein dikhaai hai"

"musalsal us ko ye gham khaa rahaa hai miraa qad roz baDhtaa jaa rahaa hai naqaab-e-rukh ko ulTaa jaa rahaa hai andheraa ab bahut ghabraa rahaa hai yaqin un ko bhi hotaa jaa rahaa hai koi daanista dhokaa khaa rahaa hai banaai jis ne saari 'umr duniyaa kaf-e-afsos maltaa jaa rahaa hai bahut tezi hai dil ki dhaDkanon mein yaqinan aaj koi aa rahaa hai tumhaari yaad kaa har ik shagufa hamaari zindagi mahkaa rahaa hai use chehre pe hai itnaa bharosaa vo aaine badaltaa jaa rahaa hai sitam ke tiir kaa har vaar zaalim 'azaaim ko mire chamkaa rahaa hai fareb us ne diyaa hai mujh ko 'daanish' vo milne se bahut katraa rahaa hai"

"havaa ke rukh pe khuli zulf-e-yaar lagti hai nasim-e-subh bahut mushkbaar lagti hai adaa hamaari use naagavaar lagti hai ye saadgi bhi use kaarobaar lagti hai tire baghair to gul-buTe khaar lagte hain tu saath hai to khizaan bhi bahaar lagti hai tamaam raat hi karvaT badalte rahte ho tumhaare dosh pe duniyaa savaar lagti hai udaasiyon kaa hai sahraa kisi ke chehre par ye kaaenaat baDi sogvaar lagti hai jise bhi dekhiye tar hai vo khuun mein 'daanish' ye saari basti hamein khaar-daar lagti hai"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"