yuun chakkho to phikaa paani — Ahmad Kamal Hashmi

"chaukhaT pe ki raste pe rakho meri balaa se meraa vo diyaa hai nahin Dartaa jo havaa se ye jurm-e-mohabbat main ne daanista kiyaa hai duniyaa se kaho mujh ko Daraae na sazaa se ye mere sitamgar kaa karam kam to nahin hai main aah jo bhartaa huun to detaa hai dilaase is shahr mein baste hain jo bahre hain ki murde ab dar nahin khultaa hai koi aah-o-bukaa se kuchh logon ne mil-jul ke kuaan khod liyaa hai kuchh log abhi minnatein karte hain ghaTaa se dariyaa ki sakhaavat kaa bharam khulne lagaa hai kuchh log hain sairaab to kuchh log hain pyaase bimaar ne is baar yahi qasd kiyaa hai vo Thiik nahin hogaa davaa se na du'aa se"

"har aadmi ne ruup hai dhaaraa faqir kaa gardish mein aa gayaa ye sitaaraa faqir kaa duniyaa pe dil hamaaraa kabhi aataa hi nahin hai dosto mizaaj hamaaraa faqir kaa utran pahan ke shaah ki khush hain musaahibin khush hai vo khud pahan ke utaaraa faqir kaa darvaaze par khamosh khaDaa huun main der se kuchh to karo khayaal khudaaraa faqir kaa darbaar mein bulaayaa thaa us ko amiir ne us ko milaa javaab karaaraa faqir kaa bas ik jhalak hi paa ke tiri khush bahut hai dil thoDe mein ho rahaa hai guzaaraa faqir kaa duniyaa paDi hui hai 'kamaal' us mein dekhiye kone mein jo paDaa hai piTaaraa faqir kaa"

"kisi ne pahle shikaayat ki intihaa kar di phir us ke baa'd mohabbat ki intihaa kar di tumhaare baare mein jab sochne main baiThaa to dimaagh-o-dil ne 'adaavat ki intihaa kar di main apne aap ko taqsim kar ke lauTaa huun lo aaj main ne sakhaavat ki intihaa kar di vo saj sanvar ke kuchh itnaa hasin lagne lagaa ki aainon ne bhi hairat ki intihaa kar di havaa chali to lavein sab ne tez-tar kar liin diyon ne ab ke jasaarat ki intihaa kar di sakhaavaton ke ghalat faaede uThaae gae zaruraton ne zarurat ki intihaa kar di main us ke vaa'de pe phir e'tibaar kar baiThaa 'kamaal' main ne himaaqat ki intihaa kar di"

"vo mere baare mein jo kuchh bataa rahaa thaa mujhe ghalat thaa phir bhi yaqin us pe aa rahaa thaa mujhe tang aa ke us ne mujhe TuuTaa phuTaa chhoD diyaa ba-sad-khulus kabhi jo banaa rahaa thaa mujhe amir-e-shahr ne masnad ki peshkash ki thi shikaari jaal mein apne phansaa rahaa thaa mujhe phir us ke baa'd bahut ghus ke phaT gayaa kaaghaz ragaD ragaD ke rubber vo miTaa rahaa thaa mujhe main khush nahin thaa magar khush dikhaai detaa thaa koi latife sunaa kar hansaa rahaa thaa mujhe na jaane kyon main use bhulne ki zid par thaa na jaane kyon vo bahut yaad aa rahaa thaa mujhe mire raqib se vo mahv-e-guftugu thaa 'kamaal' vo us kaa dost nahin thaa sataa rahaa thaa mujhe"

"sochaa kabhi nahin thaa ki aisaa kareinge khvaab aankhon se meri niind kaa saudaa kareinge khvaab hai TuTnaa nasib to TuuTaa kareinge khvaab ham to har ek haal mein dekhaa kareinge khvaab dekho zarur khvaahish-e-taa’bir mat karo halkaan tum ko aur ziyaada kareinge khvaab dil ko bahut 'aziz hai ye kaarobaar-e-shauq ham to hamesha bechaa kharidaa kareinge khvaab ye soch kar hi main ne lagaae hain ye darakht phal dein na dein pa dhuup mein saaya kareinge khvaab jin ko hai khvaab dekhne ki lat lagi hui aankhein khuli bhi hon to vo dekhaa kareinge khvaab aankhon mein khaamushi se basaayaa to thaa magar sochaa na thaa ki shor machaayaa kareinge khvaab aaegi gahri niind 'kamaal' aap ko tabhi jab aap apni aankhon se minhaa kareinge khvaab"

"kah chukaa huun main kai baar nahin maantaa main ai sitamgar tujhe sardaar nahin maantaa main hai agar 'ishq to khul kar kabhi izhaar bhi kar teri khaamoshi ko iqraar nahin maantaa main aankhon mein jazb mujhe karni hai surat teri ik jhalak ko tiraa didaar nahin maantaa main qadr-o-qimat mire dil ki tu samajh hi na sakaa jaa tujhe achchhaa kharidaar nahin maantaa main tu abhi qais hai majnun nahin ban paayaa hai tujh ko lailaa kaa talabgaar nahin maantaa main sar ko Takraane ki jurat ho to dar bantaa hai kisi divaar ko divaar nahin maantaa main khaak bhi chaahiye sahraa mein uDaane ke liye kisi bhi chiiz ko bekaar nahin maantaa main jo kabhi myaan se baahar nahin aati hai 'kamaal' aisi talvaar ko talvaar nahin maantaa main"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"doshiza zaminein hain mamnu'a 'ilaaqa hai us baagh-e-tamannaa se kyaa apnaa 'ilaaqa hai har saans mein shaamil hai khushbu-e-nafas us ki us baagh-e-tamannaa se kyaa apnaa 'ilaaqa hai dil haath mein le kar ham duniyaa se nikal aae ab dil ke tasarruf mein duniyaa kaa 'ilaaqa hai baDhtaa huun agar aage vaapas bhi palaTtaa huun mulhaq kahin khvaabon se yaadon kaa 'ilaaqa hai ai baanu-e-be-parvaa aa dil ki taraf bhi aa ye meri mohabbat hai ye teraa 'ilaaqa hai"

"aaina huun ki main patthar huun ye kab puchhe hai ziist mujh se mere jiine kaa sabab puchhe hai munkashif hone lage jab se rumuz-o-asraar kuchh savaal ab dil-e-maasum ajab puchhe hai maqsad-e-zist, koi khvaab yaa khvaahish koii? ham ne jab si liye lab apne vo tab puchhe hai har koi apni tag-o-dau mein hai masruf yahaan kaun ab kis ki udaasi kaa sabab puchhe hai vahshat-e-dil mein kami ho bhi to kyaa, haal-e-darun aur baDh jaati hai kuchh, ham se vo jab puchhe hai jis ne barbaad kiyaa khaana-e-dil rah rah kar kyaa qayaamat hai, vahi is kaa sabab puchhe hai koi bhi rishta nikaltaa nahin ham donon mein phir bhi kyuun ham se hamaaraa vo nasab puchhe hai saath guzre the kabhi arsa huaa, mujh se magar aaj bhi teraa pataa raah-e-talab puchhe hai ik nidaa jis ko samajhte hain zamir apnaa sabhi qabl-e-laghzish hamein is shakl mein rab puchhe hai ab ye aalam hai ki khud vahshat-e-dil bhi 'khaalid' ghar mire der se aane kaa sabab puchhe hai"

"khud ko kyaa khuun rulaaoge bataao to sahi tum mujhe kaise bhulaaoge bataao to sahi aise chup-chaap tumhein main nahin jaane dungaa tum kabhi lauT ke aaoge bataao to sahi muddat-e-hijr mukarrar mujhe manzur magar apne siine se lagaaoge bataao to sahi yaad mein meri sabhi kaam se ghaafil ho kar chaar aansu bhi bahaaoge bataao to sahi ratjage mere muqaddar mein likhe hain tum ne aur khud khvaab sajaaoge bataao to sahi tum se pahle bhi kai log mujhe chhoD gae main jo ruThungaa manaaoge bataao to sahi tum kisi ko jo kabhi meraa havaala doge meri ghazlein bhi sunaaoge bataao to sahi jab davaa kaam na kar paaegi mujh par 'aarif' tum masihaai ko aaoge bataao to sahi"

"shabnam-aalud palak yaad aai gul-e-aariz ki jhalak yaad aai phir sulagne lage yaadon ke khanDar phir koi taak-e-khunak yaad aai kabhi zulfon ki ghaTaa ne gheraa kabhi aankhon ki chamak yaad aai phir kisi dhyaan ne Dere Daale koi aavaara mahak yaad aai phir koi naghma gulu-gir huaa koi be-naam kasak yaad aai zarre phir maail-e-ram hain 'naasir' phir unhein sair-e-falak yaad aai"

"zehn-o-dil mein basi hain divaarein jaane kab se khaDi hain divaarein dhuup utre bhi kaise aangan mein har taraf to khaDi hain divaarein sahn mein ek bhi nahin divaar zehn mein uTh rahi hain divaarein do sage bhaaiyon kaa jhagDaa hai faisla kar rahi hain divaarein meraa chehra mujhe dikhaati hain aaina ban gai hain divaarein kachchi miTTi ke mere ghar ke liye aandhiyon se laDi hain divaarein kaan dhar kar suno ki sadiyon ki daastaan kah rahi hain divaarein aisi divaarein saamne hain mire jin ke pichhe khaDi hain divaarein meraa qad bhi bahut baDaa hai magar mere qad se baDi hain divaarein 'aabid' uDne kaa khvaab kyaa dekhein har taraf to khaDi hain divaarein"