تجھ بن گھر کتنا سونا تھا دیواروں سے ڈر لگتا تھا بھولی نہیں وہ شام جدائی میں اس روز بہت رویا تھا تجھ کو جانے کی جلدی تھی اور میں تجھ کو روک رہا تھا میری آنکھیں بھی روتی تھیں شام کا تارا بھی روتا تھا گلیاں شام سے بجھی بجھی تھیں چاند بھی جلدی ڈوب گیا تھا سناٹے میں جیسے کوئی دور سے آوازیں دیتا تھا یادوں کی سیڑھی سے ناصرؔ رات اک سایا سا اترا تھا

tujh bin ghar kitnaa suunaa thaa

غزل · Ghazal

مسلسل بیکلی دل کو رہی ہے مگر جینے کی صورت تو رہی ہے میں کیوں پھرتا ہوں تنہا مارا مارا یہ بستی چین سے کیوں سو رہی ہے چلے دل سے امیدوں کے مسافر یہ نگری آج خالی ہو رہی ہے نہ سمجھو تم اسے شور بہاراں خزاں پتوں میں چھپ کر رو رہی ہے ہمارے گھر کی دیواروں پہ ناصرؔ اداسی بال کھولے سو رہی ہے

musalsal bekali dil ko rahi hai

غزل · Ghazal

یہ ستم اور کہ ہم پھول کہیں خاروں کو اس سے تو آگ ہی لگ جائے سمن زاروں کو ہے عبث فکر تلافی تجھے اے جان وفا دھن ہے اب اور ہی کچھ تیرے طلب گاروں کو تن تنہا ہی گزاری ہیں اندھیری راتیں ہم نے گھبرا کے پکارا نہ کبھی تاروں کو ناگہاں پھوٹ پڑے روشنیوں کے جھرنے ایک جھونکا ہی اڑا لے گیا اندھیاروں کو سارے اس دور کی منہ بولتی تصویریں ہیں کوئی دیکھے مرے دیوان کے کرداروں کو نالۂ آخر شب کس کو سناؤں ناصرؔ نیند پیاری ہے مرے دور کے فنکاروں کو

ye sitam aur ki ham phuul kahein khaaron ko

غزل · Ghazal

غم ہے یا خوشی ہے تو میری زندگی ہے تو آفتوں کے دور میں چین کی گھڑی ہے تو میری رات کا چراغ میری نیند بھی ہے تو میں خزاں کی شام ہوں رت بہار کی ہے تو دوستوں کے درمیاں وجہ دوستی ہے تو میری ساری عمر میں ایک ہی کمی ہے تو میں تو وہ نہیں رہا ہاں مگر وہی ہے تو ناصرؔ اس دیار میں کتنا اجنبی ہے تو

gham hai yaa khushi hai tu

غزل · Ghazal

شبنم آلود پلک یاد آئی گل عارض کی جھلک یاد آئی پھر سلگنے لگے یادوں کے کھنڈر پھر کوئی تاک خنک یاد آئی کبھی زلفوں کی گھٹا نے گھیرا کبھی آنکھوں کی چمک یاد آئی پھر کسی دھیان نے ڈیرے ڈالے کوئی آوارہ مہک یاد آئی پھر کوئی نغمہ گلو گیر ہوا کوئی بے نام کسک یاد آئی ذرے پھر مائل رم ہیں ناصرؔ پھر انہیں سیر فلک یاد آئی

shabnam-aalud palak yaad aai

غزل · Ghazal

روتے روتے کون ہنسا تھا بارش میں سورج نکلا تھا چلتے ہوئے آندھی آئی تھی رستے میں بادل برسا تھا ہم جب قصبے میں اترے تھے سورج کب کا ڈوب چکا تھا کبھی کبھی بجلی ہنستی تھی کہیں کہیں چھینٹا پڑتا تھا تیرے ساتھ ترے ہم راہی میرے ساتھ مرا رستہ تھا رنج تو ہے لیکن یہ خوشی ہے اب کے سفر ترے ساتھ کیا تھا

rote rote kaun hansaa thaa

See all 55 Ghazals →

Similar Poets