Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Arif Nadwi
bulbulein phirti rahin khaashaak gulshan ke liye
bijliyaan taDpaa hi kiin un ke nasheman ke liye
jis chaman ke phuul bhi kaanTe hon daaman ke liye
sar khapaanaa hai vahin islaah-e-gulshan ke liye
· · ·
Arif Nadwi
har naam har andaaz-e-sitam 'aam nahin hai
lein lutf-e-sitam sab kaa to ye kaam nahin hai
is bazm mein in'aam-e-jafaa 'aam nahin hai
vo qadr-e-fazaa-e-havas-e-khaam nahin hai
· · ·
Arif Nadwi
nigaah-e-barq thi ab tak to mere hi nasheman par
magar ab kuchh taDap si dekhtaa huun saare gulshan par
kahun kis tarh khun-e-be-gunah aur un ki gardan par
nazar aate hain lekin kuchh lahu ke daagh daaman par
· · ·
Arif Nadwi
gulshan mein shor-e-zaagh-o-zaghan kuchh na puchhiye
kyaa kuchh hai bulbulon ki kuDhan kuchh na puchhiye
kunj-e-qafas mein haal-e-chaman kuchh na puchhiye
afsaana-e-nishaat-e-kuhan kuchh na puchhiye
· · ·
Arif Nadwi
ghair se qurb dost se duuri
ikhtiyaari si hai ye majburi
qurb mumkin ho aur phir duuri
haae kam-bakht teri mahjuri
· · ·
Arif Nadwi
jiine ke liye jaan se guzarnaa bhi to sikho
marte hi ho to shauq se marnaa bhi to sikho
hai abru-e-khamdaar-e-hasina to nazar mein
gardan kabhi talvaar pe dharnaa bhi to sikho
· · ·
Arif Nadwi
jalve jalve kaa nayaa andaaz hai
har taraf ik dilrubaa eajaaz hai
ruuh par ik kaif-e-soz-o-saaz hai
dil mein koi yuun navaa-parvaaz hai
· · ·
Arif Nadwi
fazaa-e-qurb mein betaabi-e-dil baDhti jaati hai
mohabbat ki taDap manzil-ba-manzil baDhti jaati hai
udhar baarish musalsal jalva-haa-e-be-mahaabaa ki
idhar mahdud nazaare ki mushkil baDhti jaati hai
· · ·
Arif Nadwi
sadd-e-raah aap agar laghzish-e-raftaar na ho
raah-rau ko rah-e-dushvaar bhi dushvaar na ho
duriyaan duri-e-manzil ke tavahhum ki thiin
dekh nazdik rag-e-jaan hi kahin yaar na ho
· · ·
Arif Nadwi
taraqqi aur raftaar-e-zamaana
hasin unvaan huzn-aagin fasaana
jo badle nit nayaa ek aastaana
bhalaa aisi jabin kaa kyaa Thikaanaa
· · ·
Arif Nadwi
husn ke gun gin sakun ye gun kahaan rakhtaa huun main
lab nahin khulte magar zauq-e-bayaan rakhtaa huun main
lau jahaan di shama ne main bhi taDap kar jal bujhaa
fitrat-e-parvaana-e-aatish-ba-jaan rakhtaa huun main
· · ·
Arif Nadwi
khabar pahunchi unhein bhi kab bahaar-e-hashr-saamaan ki
fazaa mein dhajjiyaan jab uD chukin jaib-o-garebaan ki
unhein uljhaa diyaa kitnaa kisi ke dast-e-vahshat ne
pareshaani pata deti hai ye zulf-e-pareshaan ki
· · ·
Arif Nadwi
hai husn sau hijaab-e-farozaan liye hue
kyaa dekhe koi dida-e-hairaan liye hue
lutf-e-qubul-e-husn kaa armaan liye hue
haazir hain ham mataa-e-dil-o-jaan liye hue
· · ·