har naam har andaaz-e-sitam 'aam nahin hai — Arif Nadwi

"bulbulein phirti rahin khaashaak gulshan ke liye bijliyaan taDpaa hi kiin un ke nasheman ke liye jis chaman ke phuul bhi kaanTe hon daaman ke liye sar khapaanaa hai vahin islaah-e-gulshan ke liye qainchiyaan hi kyon uThein shaakh-e-nasheman ke liye kaam to hain aur bhi tazin-e-gulshan ke liye barq taDpi chamki jab daamaan-e-gulshan ke liye main taDap uTThaa kisi ke zill-e-daaman ke liye ham ne un ke qasr ke daaman mein paai to jagah ab vahaan maskan bane yaa jaa ho madfan ke liye shaayad ab kuchh kaam aa jaae rag-e-jaan shaikh ki taar hai darkaar zunnaar-e-barahman ke liye shauq ke ye chand aansu kaash ho jaaein qubul mere moti hain yahi haazir hain daaman ke liye khud miri naakaam nazron ne banaa Daalaa naqaab ban gayaa ye aap parda ru-e-raushan ke liye aur hain jalve ki shaanein aur hi hain jalva-khvaah gir chali bijli jo thi vaadi-e-aiman ke liye surat-e-insaan jise di sirat-e-insaan bhi de ye du'aa kartaa huun main har dost-o-dushman ke liye aadmi hi aadmiyyat kaa nazar aayaa 'adu kyaa nahin kartaa hai ye zar ke liye zan ke liye mil ke chalnaa ho to 'aarif' mel ki raahein bahut varna sau qisse nikal aate hain an-ban ke liye"

"nigaah-e-barq thi ab tak to mere hi nasheman par magar ab kuchh taDap si dekhtaa huun saare gulshan par kahun kis tarh khun-e-be-gunah aur un ki gardan par nazar aate hain lekin kuchh lahu ke daagh daaman par kisi bedard ko dard-aashnaa karnaa bhi kyaa jaanein vo aansu jo bahut umDe to gir paDte hain daaman par kahaan ab pairahan ki khair gulshan bhi bayaabaan hai yahaan bhi kaanTe kaanTe ki nazar hai jeb-o-daaman par use ye kyaa khabar thi taabish-e-khurshid kyaa hogi jo shabnam subh tak soti rahi phulon ke daaman par vahi ab chaara-saaz-e-dard-e-insaan ban ke baiThe hain vo jin ki zindagi khud daagh hai insaan ke daaman par sitam hai yaa karam is be-par-o-baali pe kyaa kahiye qafas laTkaa diyaa sayyaad ne shaakh-e-nasheman par jab un ki har adaa par khud hamaaraa dam nikaltaa ho to phir kis munh se kahiye khuun apnaa un ki gardan par udhar ho aashiyaan-saazi idhar ho aashiyaan-saazi kahaan tak bijliyaan girti hi jaaeingi nasheman par vahaan jab hasb-e-iste'daad hai in'aam ki baarish nahin phir kyon nigaah-e-lutf ho jaati hai dushman par ilaahi khatm shab par bhi saveraa ho nahin saktaa dhundalkaa saa abhi chhaayaa hai ru-e-subh-e-gulshan par khulus-e-haq-parasti hai na josh-e-but-parasti hai paDi hai os kaisi jazba-e-shaikh-o-barahman par jo kheti ruuh ki murjhaae jumbish tak nahin hoti laraz jaate hain jab bijli taDap jaati hai khirman par ye 'aarif' kam-nigaahi ham par ik muddat se taari hai nigaah-e-intikhaab-e-raahbar paDti hai rahzan par"

"gulshan mein shor-e-zaagh-o-zaghan kuchh na puchhiye kyaa kuchh hai bulbulon ki kuDhan kuchh na puchhiye kunj-e-qafas mein haal-e-chaman kuchh na puchhiye afsaana-e-nishaat-e-kuhan kuchh na puchhiye kis kis tarah tabaah huaa apnaa aashiyaan tufaan-e-barq-o-baad-e-chaman kuchh na puchhiye sayyaad se nibaah ho gul-chin se rasm-o-raah ho jab ye baaghbaan kaa chalan kuchh na puchhiye shabnam zaraa giri bhi to bas chhan se uD gai gul yuun damak uThe ki patan kuchh na puchhiye abr-e-bahaar aur girin us se bijliyaan haalaat-e-iltihaab-e-chaman kuchh na puchhiye achchhe rahe jo kunj-e-qafas mein simaT rahe khatraat-e-sahn-e-baagh-o-chaman kuchh na puchhiye kuchh ghaT chali thi mere shab-e-gham ki tirgi phir chaand ko lagaa to gahan kuchh na puchhiye barson sanvaari ham ne jo uljhi kisi ki zulf aaj us mein paD gai jo shikan kuchh na puchhiye vo puchhte hain mujh se miraa mudda’aa-e-‘ishq ab haal-e-iztiraab-e-sukhan kuchh na puchhiye talkhaab apne haq mein mai-e-nau kaa ghunT ghunT phir lazzat-e-sharaab-e-kuhan kuchh na puchhiye hikmat kabhi thi hikmat-e-islaah-e-zindagi jab falsafa ho makr kaa fan kuchh na puchhiye insaaniyat ko bhuul ke insaan huaa hai kyaa shaitaan kyon hai qahqaha-zan kuchh na puchhiye vo be-niyaaz-e-fikr-o-talab un ko kyaa talab main shauq-o-aarzu hama-tan kuchh na puchhiye har lab pe koi naa’ra-e-mansur josh-zan tajdid-e-zauq-e-daar-o-rasan kuchh na puchhiye ye dekhiye ki fitrat-e-haq ki sadaa hai kyaa 'aarif' kaa mudda’aa-e-sukhan kuchh na puchhiye"

"ghair se qurb dost se duuri ikhtiyaari si hai ye majburi qurb mumkin ho aur phir duuri haae kam-bakht teri mahjuri nigah-e-ghair-aashnaa ke liye jalva-e-dost daagh-e-ranjuri shauq-e-naa-dida imtihaan hai tiraa varna ye kyuun hijaab-o-masturi 'aql bhi ho gai hai dil ke saath ab ziyaa-e-yaqin hui puuri aur parde to uTh hi jaate hain hai hijaab ek dil ki be-nuri paae sidq-e-talab uThaa to sahi ai giraftaar-e-yaas-o-maqhuri jannat-e-kufr naqd-e-'aish-o-surur saaqi shisha sharaab-e-anguri jis mein gaaDhaa harir ho jaae vo faqiri fareb-e-faghfuri sarf-e-mastaan-e-eqtidaar hui bhule mazdur teri mazduri un kaa kaashaana un ki jannat hai shab ko sajtaa hai qasr-e-jamhuri 'aib ko tum hunar banaa to sako aao Dhaalo nizaam-e-jamhuri ye ghazal ho na ho magar 'aarif' ham ne matlab ki baat ki puuri"

"jiine ke liye jaan se guzarnaa bhi to sikho marte hi ho to shauq se marnaa bhi to sikho hai abru-e-khamdaar-e-hasina to nazar mein gardan kabhi talvaar pe dharnaa bhi to sikho shabnam ki tarah raat ko roeinge kahaan tak sabze ki tarah subh ubharnaa bhi to sikho mahkon ki tarah mauj ke rukh par to bahe khuub ab kaaT ke dhaare ko guzarnaa bhi to sikho chal sakte nahin leT ke phislo su-e-manzil daldal se nikalnaa hai ubharnaa bhi to sikho andaaz ho kuchh phir bhi tajalli nahin mushkil tum vaadi-e-aiman mein utarnaa bhi to sikho hai izn to saaqi kaa ki bhar sakte ho saaghar sidhaa to karo jaam kaa bharnaa bhi to sikho pindaar na bedaar ho soe na khudi bhi phir faqr mein is rang kaa bharnaa bhi to sikho bigDe hue haalaat banaane se baneinge bigDi hui duniyaa mein sudharnaa bhi to sikho kyaa manzilat-e-husn hai tahsin-e-zabaani jis baat mein khubi hai vo karnaa bhi to sikho Thukraae zamaana to vo daaman mein chhupaa lein sar un ke qadam par kabhi dharnaa bhi to sikho Dar kyaa hai Daraaein tumhein duniyaa ki balaaein 'aarif' magar allaah se Darnaa bhi to sikho"

"jalve jalve kaa nayaa andaaz hai har taraf ik dilrubaa eajaaz hai ruuh par ik kaif-e-soz-o-saaz hai dil mein koi yuun navaa-parvaaz hai ishq ke naghmon kaa ye eajaaz hai har sadaa meri tiri aavaaz hai dil mein bhar di kis ne ye barq-e-navaa naghma naghma par vo soz-e-saaz hai aastaan-e-gul kabhi chhuTtaa nahin ab qafas hai hasrat-e-parvaaz hai ibtidaa bhi intihaa bhi shauq hai kyaa miraa anjaam kyaa aaghaaz hai khud badal Daalo mizaaj-e-jism-o-jaan jab havaa-e-zindagi naa-saaz hai kis ko 'aarif' hosh-e-aadaab-e-niyaaz saamne jab vo harim-e-naaz hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"