Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Atif Naseer
apne yaaron se dukh bhi mil saktaa hai
yaa'ni musbat se manfi mil saktaa hai
tere sabr ke qisse sun lungaa vaa'iz
pyaasaa huun pahle paani mil saktaa hai
· · ·
Atif Naseer
koshish ke baavajud agar sil nahin rahe
matlab ye zakhm bharne ke qaabil nahin rahe
donon isi zamin pe rahte to hain magar
kaisaa 'ajab sitam hai ki ham mil nahin rahe
· · ·
Atif Naseer
kaisaa 'ajib vaqt thaa ji mein bhi kyaa samaai thi
us ki gali ke ho liye haalaanki jag-hansaai thi
vaise mili thi vo mujhe beron ke baagh mein magar
sandal ke peD si mahak us ke badan se aai thi
· · ·
Atif Naseer
shahr viraan sahi ujaaD nahin
dastakein band hain kivaaD nahin
Thiik hai be-samar shajar huun main
lag gayaa huun to ab ukhaaD nahin
· · ·
Atif Naseer
mushkil to nahin jang ke aazaar uThaanaa
misre ki tarah hai mujhe talvaar uThaanaa
bach kar jo nikal aao to ye bhi hai ghanimat
tum chaahte ho bhiiD mein dastaar uThaanaa
· · ·
Atif Naseer
khitta-e-gharqaab se murda mile
ham kisi ke khvaab se murda mile
do mohabbat karne vaale ek din
gaanv ke taalaab se murda mile
· · ·
Atif Naseer
is liye mujh se vaar chukaa hai
mere chehre pe tu ne thukaa hai
muflison kaa to haal kyaa hogaa
jab yahaan baadshaah bhukaa hai
· · ·
Atif Naseer
shor kar ke sukun paate hain
qaid mein beDiyaan hilaate hain
ek jaisi hai bhuuk donon ki
aao ik dusre ko khaate hain
· · ·