Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Azhar Naiyyar
main apne shahr mein apnaa hi chehra kho baiThaa
ye vaaqia jo sunaayaa to vo bhi ro baiThaa
tumhaari aas mein aankhon ko main bhigo baiThaa
ki dil mein yaas ke kaanTe kai chubho baiThaa
· · ·
Azhar Naiyyar
main mahal ret ke sahraa mein banaane baiThaa
chand alfaaz ko maazi ke bhulaane baiThaa
haadse se hi huaa gham kaa mudaavaa mere
falsafa sabr kaa logon ko paDhaane baiThaa
· · ·
Azhar Naiyyar
hairaan huun ki aaj ye kyaa haadisa huaa
hai aag sard dil bhi hai meraa bujhaa huaa
manzil pe pahle meri rasaai hui to phir
har naqsh-e-paa se aage miraa naqsh-e-paa huaa
· · ·
Azhar Naiyyar
insaan jo hain in ko kabhi kamtar nahin dekhaa
khud raah kaa kham hote hue sar nahin dekhaa
tum bahr-e-mohabbat ke kinaare pe khaDe the
tum ne miri aankhon mein samundar nahin dekhaa
· · ·
Azhar Naiyyar
hamaare chehre pe ranj-o-malaal aisaa thaa
masarraton kaa zamaane mein kaal aisaa thaa
fazaa-e-shahr mein baarud ki thi bu shaamil
ki saans lenaa bhi ham ko muhaal aisaa thaa
· · ·
Azhar Naiyyar
ji rahaa huun main udaasi bhari tasvir ke saath
shor kartaa huun siyah raat mein zanjir ke saath
surkh phulon ki ghani chhaanv mein chupke chupke
mujh se miltaa thaa koi ik nai tanvir ke saath
· · ·
Azhar Naiyyar
miri duniyaa akeli ho rahi hai
tamannaa ghar mein tanhaa so rahi hai
sadaaein ghuT gaiin siine ke andar
khamoshi apni patthar ho rahi hai
· · ·
Azhar Naiyyar
huruf khaali sadaf aur nisaab zakhmon ke
varaq varaq pe hain tahrir khvaab zakhmon ke
savaal phuul se naazuk javaab zakhmon ke
bahut ajiib hain ye inqalaab zakhmon ke
· · ·
Azhar Naiyyar
is ko koi gham nahin hai jis kaa ghar patthar kaa hai
kyaa karegaa tez tufaan baam-o-dar patthar kaa hai
aise insaan se kabhi ummid kyaa rakhe koi
dekhne mein aadmi hai dil magar patthar kaa hai
· · ·
Azhar Naiyyar
dariche so gae shab jaagti hai
mere kamre mein kaisi khaamushi hai
jidhar dekho fasurda zindagi hai
mujhe lagtaa hai ye gham ki sadi hai
· · ·
Azhar Naiyyar
har ek raah mein imkaan-e-haadisa hai abhi
ki kho na jaaun andhere mein sochnaa hai abhi
tamaam umr vo chaltaa rahaa hai sahraa mein
ghane darakht ke saae mein jo khaDaa hai abhi
· · ·
Azhar Naiyyar
hare darakht kaa shaakhon se rishta TuuT gayaa
huaa chali to gulaabon se rishta TuuT gayaa
kahaan hain ab vo mahakte hue hasin manzar
khuli jo aankh to khvaabon se rishta TuuT gayaa
· · ·
Azhar Naiyyar
sach bolnaa chaahein bhi to bolaa nahin jaataa
jhuTon ke liye shahr bhi chhoDaa nahin jaataa
tum kitnaa hi ohdon se navaazo hamein lekin
nafrat kaa shajar ham se to boyaa nahin jaataa
· · ·