Ghazal

kaise hogaa asar davaaon kaa

main to muhtaaj huun duaaon kaa

naam shaamil hai be-vafaaon mein

ye sila hai meri vafaaon kaa

· · ·

dard se kis tarah nibaah karun

kyon na ab dil ko vaqf-e-aah karun

ai ghazal tujh ko gungunaaun main

aur khud ko yunhi tabaah karun

· · ·

kaise hogaa asar davaaon kaa

main to muhtaaj huun duaaon kaa

naam shaamil hai be-vafaaon mein

ye sila hai miri vafaaon kaa

· · ·

aarzuon ke shahr jalne lage

kaarvaan saath saath chalne lage

teri aankhon se mai chhalakne lagi

aur gir gir ke ham sambhalne lage

· · ·

jis ko paDh kar ke ilm-e-naafe ho

ghar mein aisi kitaab rakhte hain

vaasta sufiyat se hai ham ko

kuchh to paa-ba-rikaab rakhte hain

· · ·

hai kaThin raah to gir gir ke sambhaalnaa hogaa

apni manzil ki taraf dauD ke chalnaa hogaa

apne khvaabon ko haqiqat mein badalne ke liye

khvaab-e-ghaflat se kisi taur nikalnaa hogaa

· · ·

apni auqaat zamaana ko bataate aae

tum jidhar aae udhar aag lagaate aae

ham ko mahfil mein taalluq kaa bharam rakhnaa thaa

dushmanon ko bhi gale apne lagaate aae

· · ·

ye duniyaa har qadam par aadmi kaa imtihaan kyon hai

judaa har aadmi se aadmi kaa kaarvaan kyon hai

mohabbat saari duniyaa ke liye ruh-e-ravaan kyon hai

siyaasat ke falak par aaj nafrat kaa dhuaan kyon hai

· · ·

tu mujhe sunti rahi aur main tujhe paDhtaa rahaa

shahr mein apni mohabbat kaa bahut charchaa rahaa

vaise kitni laDkiyon ne aazmaai qismatein

aur meri shaaeri mein ek hi chehra rahaa

· · ·

apni auqaat zamaane ko bataate aae

tum jidhar aae udhar aag lagaate aae

ham ko mahfil mein taalluq kaa bharam rakhnaa thaa

dushmanon ko bhi gale apne lagaate aae

· · ·

hai kaThin raah to gir gir ke sambhalnaa hogaa

apne manzil ki taraf dauD ke chalnaa hogaa

apne khvaabon ko haqiqat mein badalne ke liye

khvaab-e-ghaflat se kisi taur nikalnaa hogaa

· · ·